Anupama Parameswaran: రవితేజ సినిమాలో హీరోయిన్ గా ఛాన్స్ కొట్టేసిన అనుపమ

Anupama Parameswaran: కార్తికేయ 2 (Karthikeya 2) స‌క్సెస్ త‌ర్వాత అనుప‌మ ప‌ర‌మేశ్వ‌ర‌న్‌కు టాలీవుడ్‌లో భారీ ఆఫ‌ర్స్ వ‌రిస్తున్నాయి. త్వరలోనే ఈ ముద్దుగుమ్మ ర‌వితేజ‌తో జోడీక‌ట్ట‌బోతున్న‌ట్లు తెలిసింది. ర‌వితేజ (Raviteja) హీరోగా కార్తికేయ 2 కు కెమెరామెన్‌గా వ్య‌వ‌హ‌రించిన కార్తిక్ ఘ‌ట్ట‌మ‌నేని ద‌ర్శ‌క‌త్వంలో ఓ సినిమా రూపొంద‌నున్న‌ట్లు వార్త‌లు వినిపిస్తున్నాయి. యాక్ష‌న్ ఎంట‌ర్‌టైన‌ర్‌గా తెరకెక్కనున్న ఈ సినిమాలో ర‌వితేజ‌కు జోడీగా అనుప‌మ ప‌ర‌మేశ్వ‌ర‌న్‌గా హీరోయిన్‌గా న‌టించ‌బోతున్న‌ట్లు స‌మాచారం.

కార్తికేయ 2 లో టామ్ బాయ్ త‌ర‌హా పాత్ర‌లోఅనుప‌మ యాక్టింగ్‌కు ఇంప్రెస్ అయిన ద‌ర్శ‌కుడు కార్తిక్ ఘ‌ట్ట‌మ‌నేని ర‌వితేజ సినిమాలో ఆమెను హీరోయిన్‌గా ఎంపిక‌చేసిన‌ట్లు చెబుతున్నారు. రివేంజ్ డ్రామా తెర‌కెక్క‌నున్న ఈ సినిమాకు ఈగ‌ల్ అనే టైటిల్‌ను ఖ‌రారు చేసిన‌ట్లు స‌మాచారం. అక్టోబ‌ర్ నెల‌లో పోలాండ్ లో రెగ్యుల‌ర్ షూటింగ్ ప్రారంభంకానున్న‌ట్లు వార్త‌లు వినిపిస్తున్నాయి. హాలీవుడ్ చిత్రం జాన్‌విక్ ఆధారంగా ఈగ‌ల్ తెర‌కెక్క‌నున్న‌ట్లు చెబుతున్నారు.

కాగా కార్తికేయ 2 చిత్రం నెల రోజుల్లో వ‌ర‌ల్డ్‌వైడ్‌గా 130 కోట్ల వ‌సూళ్ల‌ను రాబ‌ట్టింది. నిఖిల్‌తో పాటు అనుప‌మ ప‌ర‌మేశ్వ‌ర‌న్ కెరీర్‌లో బిగ్గెస్ట్ హిట్‌గా నిలిచింది. ఇందులో కృష్ణుడి కంక‌ణం కోసం అన్వేషించే డాక్ట‌ర్ కార్తిక్ అనే పాత్ర‌లో నిఖిల్ క‌నిపించ‌గా అత‌డి ల‌క్ష్యానికి అండ‌గా నిలిచే ముగ్ధ అనే యువతిగా అనుప‌మ ప‌ర‌మేశ్వ‌ర‌న్ న‌టించింది. కార్తికేయ 2 త‌ర్వాత నిఖిల్‌, అనుప‌మ కాంబినేష‌న్‌లో 18 పేజీస్ (18 pages) సినిమా రాబోతున్న‌ది. సుకుమార్ రైటింగ్స్‌, జీఏ2 పిక్చ‌ర్స్ ప‌తాకాల‌పై రూపొందుతున్న ఈ చిత్రానికి ప‌ల్నాటి సూర్య‌ప్ర‌తాప్ ద‌ర్శ‌క‌త్వం వ‌హిస్తున్నారు.