Gam Gam Ganesha Teaser: ఇది ఆనంద్ దేవ‌ర‌కొండ అర్జున్‌రెడ్డి - గం గం గ‌ణేషా టీజ‌ర్ రిలీజ్‌
Gam Gam Ganesha Teaser: ఆనంద్ దేవ‌ర‌కొండ హీరోగా న‌టించిన గం గం గ‌ణేషా టీజ‌ర్ శుక్ర‌వారం రిలీజైంది. ఫన్, రొమాన్స్‌తో పాటు యాక్షన్ అంశాల‌తో ఈ టీజ‌ర్ ఎంగేజింగ్‌గా సాగింది.
Gam Gam Ganesha Teaser: బేబీ మూవీతో కెరీర్‌లోనే ఫ‌స్ట్ క‌మ‌ర్షియ‌ల్ హిట్ అందుకున్నాడు ఆనంద్ దేవ‌ర‌కొండ. మోస్తారు అంచ‌నాల‌తో చిన్న సినిమాగా విడుద‌లైన బేబీ మూవీ ఈ ఏడాది టాలీవుడ్ బిగ్గెస్ట్ బ్లాక్‌బ‌స్ట‌ర్స్‌లో ఒక‌టిగా నిలిచింది. బేబీ త‌ర్వాత గం గం గ‌ణేషా సినిమాతో తెలుగు ఆడియెన్స్‌ను ముందుకు రాబోతున్నాడు ఆనంద్ దేవ‌ర‌కొండ. ఈ సినిమా టీజ‌ర్‌ను శుక్ర‌వారం రిలీజైంది.
యాక్షన్, రొమాన్స్‌తో భారీ ఛేంజింగ్స్‌తో డిఫ‌రెంట్‌గా ఈ టీజ‌ర్ సాగింది. అమ్మాయిల్ని టీజ్ చేస్తే పెదాల‌పై న‌వ్వు రావాలి కానీ క‌ళ్ల‌లో నుంచి నీళ్లు రాకూడ‌ద‌ని రౌడీల‌తో ఆనంద్ దేవ‌ర‌కొండ డైలాగ్ చెప్ప‌గానే...బాల్‌రెడ్డి...అర్జున్‌రెడ్డి వ‌చ్చాడురా..అంటూ ఓ విల‌న్ బ‌దులిచ్చే సీన్‌తో ఫ‌న్నీగా ట్రైల‌ర్ ప్రారంభ‌మైంది.
కామెడీ తో మొద‌లుపెట్టి ఆ త‌ర్వాత యాక్షన్, రొమాంటిక్ మోడ్‌లోకి ట‌ర్న్ అయ్యింది. ఓ డీల్‌కు హీరో ఒప్పుకోవ‌డం, కొంద‌రు విల‌న్స్ అత‌డిని ఛేజ్ చేసే సీన్స్‌తో కంప్లీట్‌గా యాక్షన్ అంశాల‌తో టీజ‌ర్ ఎంగేజింగ్‌గా సాగింది. హీరోయిన్ ప్ర‌గ‌తి శ్రీ వాస్త‌వ‌తో ఆనంద్ దేవ‌ర‌కొండ లిప్‌కిస్‌లు, రొమాంటిక్ సీన్స్ టీజ‌ర్‌కు హైలైట్‌గా నిలిచాయి.
బేబీ సినిమాలో సీరియ‌స్ ల‌వ‌ర్‌గా క‌నిపించిన ఆనంద్ దేవ‌ర‌కొండ గం గం గ‌ణేషాలో అందుకు భిన్నంగా ఓ ఫన్ రోల్‌లో క‌నిపించాడు. గం గం గ‌ణేషా సినిమాకు ఉద‌య్ బొమ్మిశెట్టి ద‌ర్శ‌క‌త్వం వ‌హిస్తున్నాడు. ఆర్ ఎక్స్ 100 ఫేమ్ చైత‌న్ భ‌ర‌ద్వాజ్ సంగీతాన్ని అందిస్తోన్నాడు.
టాపిక్