Pushpa 2 Leaked Pic: పుష్ప-2 సెట్స్ నుంచి ఐటెం సాంగ్ ఫొటో లీక్, అల్లు అర్జున్, శ్రీలీల స్టెప్ రివీల్

పుష్ప-2 సెట్స్ నుంచి ఒక ఫొటో లీక్ అయ్యింది. సుకుమార్ తెరకెక్కిస్తున్న ఈ మూవీ డిసెంబరు 5న ప్రపంచవ్యాప్తంగా రిలీజ్ కాబోతోంది. ‘పుష్ప: ది రైజ్’ సినిమాలో సమంత ఐటెం సాంగ్ చేయగా.. పుష్ప: ది రూల్‌లో శ్రీలీల ఐటెం సాంగ్ చేస్తోంది. సెట్స్‌లో అల్లు అర్జున్, శ్రీలీల డ్యాన్స్ చేస్తున్న ఫొటో ఒకటి సోషల్ మీడియాలో వైరల్‌గా మారింది.

లీక్ అయిన స్టిల్‌లో అల్లు అర్జున్, శ్రీలీల స్టెప్పులను ప్రాక్టీస్ చేస్తున్నట్లు కనిపిస్తున్నారు. బ్యాక్‌గ్రౌండ్‌లో డ్యాన్సర్లు చిట్‌చాట్ చేసుకుంటున్నట్లు కనిపిస్తున్నారు. అంటే పాట మధ్యలో ఈ ఫొటోని సెట్స్‌లో ఎవరో ఒకరు తీసినట్లు తెలుస్తోంది. వాస్తవానికి సుకుమార్ సెట్స్‌లో ఇలాంటి విషయాల్లో చాలా స్ట్రిక్ట్‌గా ఉంటారు.

పుష్ప-2 ఐటెం సాంగ్ చిత్రీకరణ జరుగుతున్నట్లు చిత్ర నిర్మాణ సంస్థ మైత్రీ మూవీ మేకర్స్ సంకేతాల్నిచ్చింది. ఎక్స్‌లో '#Kissik సాంగ్ ఆఫ్ ది ఇయర్' #Pushpa2TheRule' అంటూ ఎక్స్ లో పోస్ట్ చేసింది. పుష్ప-2లో సమంత ఐటెం సాంగ్ అప్పట్లో దేశం మొత్తాన్ని ఊపేసింది. మరి శ్రీలీల కూడా మంచి డ్యాన్సర్. ఇటీవల గుంటూరు కారం సినిమాల్లో ఆమె చేసిన స్టెప్స్‌కి ప్రేక్షకులు ఫిదా అయ్యారు. మరి అల్లు అర్జున్‌తో కలిసి ఈ భామ ఎలా ఆడి పాడిందో తెలియాలంటే డిసెంబరు 5 వరకు ఆగాల్సిందే.

ఓవర్‌సీస్‌లో ఇప్పటికే పుష్ప-2 రికార్డుల మోత మోగించేస్తోంది. ప్రీమియర్ షోస్‌ కోసం ప్రీ-బుకింగ్స్ ప్రారంభమవగా.. ఫాస్ట్‌గా 50 మిలియన్ డాలర్ల ప్రీ- సేల్స్ అయిన సినిమాగా పుష్ప-2 నిలిచింది. దినసరి కూలీ నుంచి ఎర్రచందనం స్మగ్లర్ గా మారిన పుష్ప కథే ఈ సినిమా. సీక్వెల్ కోసం గత మూడేళ్లుగా అల్లు అర్జున్ అభిమానులు ఎదురుచూస్తున్నారు.