Agent OTT Release Date: ఈ సారి ఓటీటీలోకి అఖిల్ ఏజెంట్ రావ‌డం ప‌క్కా - రిలీజ్ డేట్ ఇదే!

Agent OTT Release Date:అఖిల్ (Akhil Akkineni) ఏజెంట్ మూవీ ఓటీటీ రిలీజ్ డేట్‌పై ఏడాది కాలంగా స‌స్పెన్స్ కొన‌సాగుతోంది. అస‌లు ఈ సినిమా ఓటీటీలో రిలీజ్ అవుతోందా? లేదా? అన్న‌ది ఆస‌క్తిక‌రంగా మారింది. ఎట్ట‌కేల‌కు ఏజెంట్ (Agent) ఓటీటీ రిలీజ్ డేట్‌పై ఓ క్లారిటీ వ‌చ్చిన‌ట్లు స‌మాచారం.

ఈ నెల‌లోనే అఖిల్ మూవీ ఓటీటీలోకి రాబోతున్న‌ట్లు చెబుతున్నారు. జ‌న‌వ‌రి 26 నుంచి సోనీలివ్ (Sonyliv) ఓటీటీలో ఏజెంట్ మూవీ స్ట్రీమింగ్ కానున్న‌ట్లు స‌మాచారం. తెలుగుతో పాటు త‌మిళం, మ‌ల‌యాళం, క‌న్న‌డ‌, హిందీ భాష‌ల్లో ఈ మూవీ రిలీజ్ అవుతోన్న‌ట్లు తెలిసింది. త్వ‌ర‌లోనే ఏజెంట్ ఓటీటీ రిలీజ్ డేట్‌పై (Ott Release Date) సోనీలివ్ నుంచి అఫీషియ‌ల్ అనౌన్స్‌మెంట్ వ‌చ్చే అవ‌కాశం ఉన్న‌ట్లు తెలుస్తోంది.

రెండు సార్లు వాయిదా...

అఖిల్ మూవీ ఓటీటీ రిలీజ్ డేట్‌ను సోనీలివ్ రెండు సార్లు అఫీషియ‌ల్‌గా అనౌన్స్‌చేసింది. లీగ‌ల్ ఇష్యూస్ కార‌ణంగా ఈ మూవీ ఓటీటీ రిలీజ్ వాయిదాప‌డింది. ఏజెంట్ మూవీ స్ట్రీమింగ్ హ‌క్కుల విష‌యంలో ఎగ్జిబిట‌ర్లు కోర్టును ఆశ్ర‌యించారు.త‌మ‌కు స‌మాచారం ఇవ్వ‌కుండా ఏజెంట్ హ‌క్కుల‌ను సోనీలివ్‌కు నిర్మాత‌ అనిల్ సుంక‌ర అమ్ముకున్నాడంటూ ఆరోపించారు.

ఆ కేసు కార‌ణంగా ఓటీటీ రిలీజ్ ఆల‌స్య‌మ‌వుతోన్న‌ట్లు ప్ర‌చారం జ‌రుగుతోంది. మ‌రోవైపు థియేట్రిక‌ల్ వెర్ష‌న్‌తో పోలిస్తే ఓటీటీ వెర్ష‌న్‌లో చాలా మార్పులు చేస్తోన్న‌ట్లు తెలిసింది. అది కూడా ఓటీటీ రిలీజ్ డేట్ ఆల‌స్యానికి కార‌ణ‌మ‌ని అంటున్నారు.

ఎన‌భై కోట్ల బ‌డ్జెట్‌తో...

ఏజెంట్ మూవీకి సురేంద‌ర్‌రెడ్డి ద‌ర్శ‌క‌త్వం వ‌హించారు. స్పై యాక్ష‌న్ క‌థ‌తో దాదాపు ఎన‌భైకోట్ల బ‌డ్జెట్‌తో ఈ మూవీ రూపొందింది. గ‌త ఏడాది ఏప్రిల్ 28న రిలీజైన ఈ మూవీ థియేట‌ర్ల‌లో కేవ‌లం ఎనిమిది కోట్ల క‌లెక్ష‌న్స్ మాత్ర‌మే రాబ‌ట్టింది. నిర్మాత‌ల‌కు భారీగా న‌ష్టాల‌ను మిగిల్చింది. దాదాపు రెండేళ్ల పాటు నిర్మాణం జ‌రుపుకోన్న ఏజెంట్‌పై రిలీజ్‌కు ముందు భారీగా అంచ‌నాలు ఏర్ప‌డ్డాయి. కానీ క‌థ‌లో కొత్త‌ద‌నం లేక‌పోవ‌డంతో సినిమా ఫెయిలైంది. ఏజెంట్ మూవీకి వ‌క్కంతం వంశీ క‌థ‌ను అందించాడు. ఈ సినిమా కోసం అఖిల్ ప‌డ్డ శ్ర‌మ‌కు ఫ‌లితం ద‌క్క‌లేదు.

ఏజెంట్ క‌థ ఇదే...

ఇందులో రిక్కీ అలియాస్ రామ‌కృష్ణ అనే ఏజెంట్ పాత్ర‌లో అఖిల్ న‌టించాడు. చైనాతో క‌లిసి ఇండియాను నాశ‌నం చేసేందుకు గాడ్ (డినో మారియో) అనే వ్య‌క్తి చేస్తోన్న కుట్ర‌ల‌ను మ‌హాదేవ్ (మ‌మ్ముట్టి)సాయంతో రిక్కీ ఎలా ఎదుర్కొన్నాడ‌న్న‌దే ఏజెంట్ మూవీ క‌థ‌. ఏజెంట్ సినిమాలో మ‌ల‌యాళ అగ్ర న‌టుడు మ‌మ్ముట్టి (Mammootty) కీల‌క పాత్ర పోషించాడు. సాక్షి వైద్య హీరోయిన్‌గా న‌టించిన ఈ మూవీలో డినో మారియో విల‌న్‌గా క‌నిపించాడు.

ఫాంట‌సీ ల‌వ్ స్టోరీ...

అనిల్ సుంక‌ర‌తో క‌లిసి సురేంద‌ర్‌రెడ్డి ఏజెంట్ మూవీని నిర్మించాడు. ఏజెంట్ ప‌రాజ‌యంతో డిప‌పాయింట్ అయ్యాడు అఖిల్‌. ప్ర‌స్తుతం కొత్త ద‌ర్శ‌కుడు అనిల్‌తో ఫాంట‌సీ ల‌వ్ స్టోరీ చేస్తోన్నాడు. యూవీ క్రియేష‌న్స్ నిర్మిస్తోన్న ఈ మూవీ త్వ‌ర‌లోనే సెట్స్‌పైకి రానున్న‌ట్లు స‌మాచారం.