TV Horror Movie: డైరెక్ట్ టీవీలోకే వస్తున్న హారర్ మూవీ.. ఓటీటీ, థియేటర్‌లో రిలీజ్ చేయకుండానే.. ఇది కొత్త ట్రెండ్!
Horror Movie Adbhut OTT Release Date: ఓటీటీ, థియేటర్‌లలో రిలీజ్ కాకుండా నేరుగా బుల్లితెరపై సందడి చేయనుంది హారర్ మూవీ అద్భుత్. వెంకటేష్ సైంధవ్ విలన్ నవాజుద్దీన్ సిద్ధిఖీ నటించి ఈ హారర్ థ్రిల్లర్ మూవీ అద్భుత్ టీవీ ఛానెల్‌లో ఎక్స్‌క్లూజివ్‌గా ప్రీమియర్ కానుంది.
Adbhut TV Premiere Date: ప్రేక్షకులు ఎక్కువగా మెచ్చే జోనర్ హారర్. దీంతోపాటు క్రైమ్, కామెడీ, మర్డర్ మిస్టరీ వంటివి ఇష్టపడుతుంటారు. అయితే, ఎలాంటి జోనర్ సినిమా అయినా సాధారణంగా ముందు థియేటర్‌లలో విడుదల అవుతాయి. ఆ తర్వాత ఓటీటీలోకి.. అనంతరం బుల్లితెరపై సందడి చేస్తాయి.
పాత సాంప్రదాయం-కొత్త ట్రెండ్
లేదా ఒక్కోసారి.. థియేట్రికల్ రిలీజ్ తర్వాత ముందు టీవీల్లో ప్రసారం చేస్తారు. ఆ తర్వాత కొన్నిరోజులకు ఓటీటీల్లో డిజిటల్ స్ట్రీమింగ్ చేస్తారు. ఇది ఓటీటీల హవా పెరుగుతున్నప్పుడ నుంచి వస్తున్న పాత సాంప్రాదాయం. కానీ, ఇప్పుడు ఈ పాత సాంప్రదాయాన్ని బద్దలు కొట్టి.. కొత్త ట్రెండ్ క్రియేట్ కానున్నట్లు తెలుస్తోంది.
ముందుగా టీవీలో
ఎందుకంటే థియేటర్స్, ఓటీటీల్లో రిలీజ్ చేయకుండానే డైరెక్ట్‌గా టీవీ ఛానెల్‌లో విడుదల చేయనున్నారు. అలా, థియేటర్, ఓటీటీ రిలీజ్ లేకుండా నేరుగా, ముందుగా టీవీ ప్రీమియర్ కానున్న సినిమా అద్భుత్. హారర్ థ్రిల్లర్ జోనర్‌లో తెరకెక్కిన అద్భుత్ సినిమాలో వెంకటేష్ నటించిన సైంధవ్ మూవీ విలన్ నవాజుద్ధీన్ సిద్ధిఖీ కీలక పాత్ర పోషించనున్నాడు.
డిటెక్టివ్‌గా సిద్ధిఖీ
నవాజుద్ధీన్ సిద్ధిఖీతోపాటు నాగ చైతన్య జోష్ ఫేమ్ శ్రేయా ధన్వంతరి, బాలీవుడ్ ముద్దుగుమ్మ డయానా పెంటీ, రోహన్ మెహ్రా ప్రధాన పాత్రలు పోషిస్తున్నారు. ఇటీవల రిలీజ్ చేసిన అద్భుత్ ట్రైలర్ బాగానే ఆకట్టుకుంది. రొటీన్ స్టోరీలా అనిపించిన సీన్స్ మాత్రం ఎంగేజింగ్‌గా ఉన్నాయి. ఇందులో నవాజుద్ధీన్ సిద్ధికీ డిటెక్టివ్‌ పాత్రలో కనిపించారు.
సోనీ మ్యాక్స్ ఛానెల్‌లో
ఇంట్రెస్ట్ క్రియేట్ చేస్తున్న హారర్ మూవీ అద్భుత్ టీవీ ఛానెల్ సోనీ మ్యాక్స్‌లో (Sony Max) సెప్టెంబర్ 15న విడుదల కానుంది. సోనీ మ్యాక్స్ ఒరిజినల్ మూవీగా రూపొందిన అద్భుత్ చిత్రాన్ని ఆదివారం (సెప్టెంబర్ 15) నాడు రాత్రి 8 గంటలకు టీవీ ప్రీమియర్ చేయనున్నారు. దీనికి సంబంధించిన విషయాన్ని అధికారింగా ట్రైలర్ ద్వారా, సోషల్ మీడియా పోస్ట్ ద్వారా ప్రకటించారు.
అతీంద్రియ శక్తులతో
అద్భుత్ సినిమాకు సబ్బీర్ ఖాన్ కథ, దర్శకత్వం వహించారు. ఆయన గతంలో మున్నా మైఖేల్, భాఘీ, హీరోపంతీ వంటి ఇతర యాక్షన్ చిత్రాలను తెరకెక్కించారు. సోనీ పిక్చర్స్ ఇంటర్నేషనల్ ప్రొడక్షన్స్, సబ్బీర్ ఖాన్ ఫిల్మ్స్ నిర్మించిన ఈ చిత్రం అతీంద్రియ శక్తులతో ప్రభావితం అయ్యే ప్రపంచాన్ని చూపించనుంది.
మిలియన్ల మందికి
అద్భుత్ డైరెక్టర్ సబ్బీర్ ఖాన్ మాట్లాడుతూ.. "భారతదేశంలో టెలివిజన్ ఎల్లప్పుడూ శక్తివంతమైన మాధ్యమంగా ఉంది. టీవీ దేశవ్యాప్తంగా మిలియన్ల మంది ఇళ్లకు చేరువైంది. మేము ఈ సినిమాను విడుదల చేయడమే కాదు అద్భుత్‌తో కోట్లాది మంది భారతీయ కుటుంబాలను ఒకేసారి కలుసుకోనున్నాం. మేము టెలివిజన్ ప్రేక్షకులకు మొదటగా మా సినిమాని చూపించి కొత్త ట్రెండ్‌తో చరిత్ర సృష్టించనున్నాం" అని తెలిపారు.
