Pushpa 2 Item Song: పుష్ప 2లో కిస్సిక్‌ సాంగ్‌కి రెమ్యూనరేషన్‌పై శ్రీలీల రియాక్ట్.. యూట్యూబ్‌‌ని షేక్ చేస్తున్న పాట

ఐకాన్ స్టార్ అల్లు అర్జున్ నటించిన పుష్ప 2 సినిమా మరో వారం రోజుల్లోనే థియేటర్లలోకి రాబోతోంది. ఇప్పటికే ఈ సినిమా నుంచి వచ్చిన పోస్టర్లు, టీజర్లు, ట్రైలర్ అంచనాల్ని పెంచేయగా.. శ్రీలీల చేసిన ఐటెం సాంగ్ పీక్స్‌కి తీసుకెళ్లింది. ‘కిస్సిక్‌’ అనే ఈ సాంగ్‌ని ఇటీవల విడుదల చేయగా.. యూట్యూబ్‌లో రికార్డు వ్యూస్‌తో దూసుకెళ్తోంది. దాంతో ఇప్పుడు ఎక్కడ చూసినా.. ఈ సాంగ్ గురించే ఎక్కువగా చర్చ జరుగుతోంది.

సమంతని మ్యాచ్ చేయగలదా?

పుష్ప -1లో ‘ఊ అంటావా.. ఊఊ అంటావా’ అంటూ సమంత ఐటెం సాంగ్ చేయగా.. అప్పట్లో ట్రెండ్ సెట్టర్‌గా మారింది. దాంతో ఇప్పడు కిస్సిక్‌ సాంగ్‌ను ఆ పాటతో పోలుస్తూ నెటిజన్లు సోషల్ మీడియాలో రియాక్ట్ అవుతున్నారు. కొంత మంది సమంత ఎక్స్‌ఫ్రెషన్‌ని శ్రీలీల మ్యాచ్ చేయలేదని కామెంట్స్ చేస్తుండగా.. మరొకొందరు శ్రీలీల స్టెప్స్‌తో సాంగ్‌ని హిట్‌ చేస్తుందంటూ మద్దతిస్తున్నారు. అలానే లిరిక్స్‌లోనూ పోలికలు తెస్తున్నారు. ఓవరాల్‌గా సోషల్ మీడియాలో యూత్‌ ఈ సాంగ్ గురించి జోరుగా చర్చిస్తున్నారు.

రూ.2 కోట్లు రెమ్యూనరేషన్‌లో నిజమెంత?

టాలీవుడ్‌లో ప్రస్తుతం క్రేజీ హీరోయిన్‌గా ఉన్న శ్రీలీల.. ఈ కిస్సిక్‌ ఐటెం సాంగ్ కోసం భారీగా రెమ్యూనరేషన్ తీసుకుందని వార్తలు వస్తున్నాయి. వారం రోజుల పాటు ఈ పాట కోసం డేట్స్ కేటాయించిన శ్రీలీల.. రూ.2 కోట్ల వరకూ రెమ్యూనరేషన్ తీసుకుందని జోరుగా ప్రచారం జరిగింది. తాజాగా ఇదే విషయాన్ని శ్రీలీలను ఓ సినిమా జర్నలిస్ట ప్రశ్నించగా.. ఈ ముద్దుగుమ్మ సమాధానమిచ్చింది.

రాబిన్‌ హుడ్‌తో వస్తున్న శ్రీలీల

నితిన్ హీరోగా నటిస్తున్న రాబిన్ హుడ్ సినిమాలో శ్రీలీల హీరోయిన్‌గా చేస్తోంది. వెంకీ కుడుముల దర్శకత్వంలో తెరకెక్కుతున్న ఈ సినిమా డిసెంబరు 25న రిలీజ్‌కాబోతుండగా.. ఇప్పటి నుంచే చిత్ర యూనిట్‌ ప్రమోషన్స్ చేస్తోంది. ఈ క్రమంలో నిర్వహించిన ప్రెస్‌మీట్‌కి హాజరైన శ్రీలీలకి.. పుష్ప 2లోని ఐటెం సాంగ్ గురించి ప్రశ్న ఎదురైంది.

రెమ్యూనరేషన్‌పై శ్రీలీల రియాక్ట్

రూ.2 కోట్ల రెమ్యూనరేషన్ ప్రచారం గురించి శ్రీలీల మాట్లాడుతూ కిస్సిక్‌ సాంగ్‌కి డబ్బుల గురించి ఇంకా నేను నిర్మాతలతో మాట్లాడలేదు. అంత డబ్బు.. ఇంత డబ్బు అని నేను ఏమీ అనుకోలేదు. అవకాశం వచ్చింది.. సాంగ్ చేశాను’’ అని క్లారిటీ ఇచ్చింది. ఆమె పక్కనే ఉన్న నిర్మాత నవీన్ కూడా మాట్లాడుతూ పుష్ప 2 ఐటెం సాంగ్ విషయంలో శ్రీలీల డబ్బు టాపికే తీయలేదు అని చెప్పుకొచ్చారు.