AP LAWCET 2024 Updates : ఏపీ లాసెట్ సెకండ్ ఫేజ్ సీట్ల కేటాయింపు - మీ అలాట్​మెంట్​ ఇలా డౌన్లోడ్ చేసుకోండి

ఏపీ లాసెట్ కౌన్సెలింగ్ - 2024 ప్రక్రియ నడుస్తోంది. ఇందులో భాగంగా రెండో విడతలో వెబ్ ఆప్షన్లు ఎంచుకున్న అభ్యర్థులకు సీట్లు కేటాయించారు. https://lawcet-sche.aptonline.in/ వెబ్ సైట్ నుంచి సీట్లు పొందిన విద్యార్థులు అలాట్ మెంట్ అర్డర్ కాపీలను పొందవచ్చు.

ఈ సెకండ్ ఫేజ్ లో సీట్లు పొందిన విద్యార్థులు డిసెంబర్ 3వ తేదీ నుంచి ఆయా కాలేజీల్లో రిపోర్టింగ్ చేయాల్సి ఉంటుంది. ఇందుకు డిసెంబర్ 5వ తేదీని తుది గడువుగా నిర్ణయించారు. రిపోర్టింగ్ చేయకపోతే సదరు విద్యార్థుల సీట్ల కేటాయింపు రద్దు అవుతాయి. ఈ ప్రక్రియ పూర్తి అయితే స్పెషల్ ఫేజ్ లేదా స్పాట్ అడ్మిషన్లకు షెడ్యూల్ జారీ అయ్యే అవకాశం ఉంటుంది.

లాసెట్ సీటు అలాట్ మెంట్ ఇలా చెక్ చేసుకోండి:

1. ఏపీ లాసెట్ ఫస్ట్ ఫేజ్ కౌన్సెలింగ్ లో రిజిస్ట్రేషన్ చేసుకున్న అభ్యర్థులు https://lawcet-sche.aptonline.in/ వెబ్ సైట్ లోకి వెళ్లాలి.
2. హోం పేజీలో కనిపించే Allotment Order & Self Reporting ఆప్షన్ పై నొక్కాలి.
3. ఇక్కడ మీ హాల్ టికెట్ నెంబర్, పుట్టిన తేదీ వివరాలతో పాటు Captcha ను ఎంట్రీ చేయాలి.
4. సబ్మిట్ బటన్ నొక్కితే మీ అలాట్ మెంట్ వివరాలు డిస్ ప్లే అవుతాయి.
5. ప్రింట్ లేదా డౌన్లోడ్ ఆప్షన్ పై నొక్కి కాపీని పొందాలి.
6. కాలేజీలో ప్రవేశానికి అలాట్ మెంట్ కాపీ తప్పనిసరి.

ఈ ఏడాది ఆచార్య నాగార్జున విశ్వవిద్యాలయం ఆధ్వర్యంలో లాసెట్- 2024 ప్రవేశ పరీక్ష నిర్వహించారు. ర్యాంకుల ఆధారంగా రాష్ట్రంలో ఉన్న న్యాయ కళాశాలాల్లో ప్రవేశాలు కల్పిస్తారు. ఈ ఎంట్రెన్స్ పరీక్ష ఫలితాలు జూన్ 27న వెల్లడించిన సంగతి తెలిసిందే.

ఏపీ లాసెట్ ర్యాంక్ కార్డు:

• అభ్యర్థులు మొదటగా https://cets.apsche.ap.gov.in వెబ్ సైట్ లోకి వెళ్లాలి.
• Download Rank Card అనే ఆప్షన్ పై క్లిక్ చేయండి.
• Registration Number , Hall Ticket Number, పుట్టిన తేదీని ఎంట్రీ చేయాలి.
• -గెట్ రిజల్ట్స్ అనే ఆప్షన్ పై క్లిక్ చేస్తే మీ స్కోర్ తో పాటు ర్యాంక్ కార్డు డిస్ ప్లే అవుతుంది.
• ప్రింట్ లేదా డౌన్లోడ్ అనే ఆప్షన్ పై క్లిక్ చేసి ర్యాంక్ కార్డు కాపీని పొందవచ్చు.
• అడ్మిషన్ ప్రక్రియలో ర్యాంక్ కార్డు అత్యంత కీలకం.