Jio AirFiber : జియో ఎయిర్​ఫైబర్​ అంటే ఏంటి? ఎలా పనిచేస్తుంది?-what is reliance jio airfiber how is it different from jiofiber see details here ,బిజినెస్ న్యూస్
తెలుగు న్యూస్  /  బిజినెస్  /  Jio Airfiber : జియో ఎయిర్​ఫైబర్​ అంటే ఏంటి? ఎలా పనిచేస్తుంది?

Jio AirFiber : జియో ఎయిర్​ఫైబర్​ అంటే ఏంటి? ఎలా పనిచేస్తుంది?

Sharath Chitturi HT Telugu
Aug 29, 2023 12:39 PM IST

Jio AirFiber launch : జియో ఎయిర్​ఫైబర్​ అంటే ఏంటి? ఇది ఎలా పనిచేస్తుంది? వంటి వివరాలను ఇక్కడ తెలుసుకుందాము..

జియో ఎయిర్​ఫైబర్​ అంటే ఏంటి?
జియో ఎయిర్​ఫైబర్​ అంటే ఏంటి? (REUTERS)

What is Jio AirFiber : రిలయన్స్​ ఇండస్ట్రీస్​ 46వ ఏజీఎం.. సోమవారం మధ్యాహ్నం జరగ్గా.. జియో ఎయిర్​ఫైబర్​పై కీలక ప్రకటన చేశారు సంస్థ ఛైర్మన్​ ముకేశ్​ అంబానీ. ఇది​.. వినాయక చవితి (సెప్టెంబర్​ 19)కి లాంచ్​ అవుతుందని వెల్లడించారు. ఈ నేపథ్యంలో.. అసలు జియో ఎయిర్​ఫైబర్​ అంటే ఏంటి? ఇది ఎలా పని చేస్తుంది? అన్న ప్రశ్నలు ఉత్పన్నమవుతున్నాయి. ఆ వివరాలు ఇక్కడ తెలుసుకుందాము..

జియో ఎయిర్​ఫైబర్​ అంటే ఏంటి..?

వాస్తవానికి.. గతేడాది జరిగిన ఏజీఎంలోనే ఈ ఎయిర్​ఫైబర్​ని ప్రకటించారు ముకేశ్​ అంబానీ. తాజాగా.. లాంచ్​ డేట్​ను రివీల్​ చేశారు. ఇదొక హై-స్పీడ్​ ఇంటర్నెట్​ ఫెసిలిటీ అనే చెప్పుకోవాలి. ఇది.. జియోఫైబర్ వంటి ఆప్టిక్​ కనెక్షన్​​ను పోలి ఉంటుంది. అయితే.. ఇందులో ట్రూ 5జీ టెక్నాలజీని వాడి పర్సనల్​ వైఫై నెట్​వర్క్​ను ఏర్పాటు చేసుకోవచ్చు. కానీ జియో ఎయిర్​ఫైబర్​- జియోఫైబర్​ మధ్య ఒక పెద్ద తేడా ఉంది.

Jio AirFiber launch : ఇప్పుడున్న జియోఫైబర్.. ఫైబర్​ ఆప్టిక్​ టెక్నాలజీని కలిగి ఉంటుంది. ఫైబర్​ ఆప్టిక్​ వైర్లను ఇంట్లో సెటప్​ చేసుకుని, రోటర్​కు కనెక్ట్​ చేయాలి. అప్పుడు ఇంటర్నెట్​ కనెక్షన్​ వస్తుంది. ఈ పరికరంతో ఇంటర్నెట్​ స్టేబుల్​గానే ఉన్నా.. చాలా ఇన్​ఫ్రాస్ట్రక్చర్​ అవసరం పడుతుంది. కానీ జియో ఎయిర్​ఫైబర్​ ఇలా కాదు! ఇదొక డివైజ్​ అని తెలుస్తోంది. దీనిని సింపుల్​గా ప్లగ్​ ఇన్/ టర్న్​ ఆన్​​ చేసుకుని, వైఫై హాట్​స్పాట్​ని క్రియేట్​ చేసుకుని వాడుకోవచ్చు. దీనితో హై-స్పీడ్​ ఇంటర్నెట్​ లభిస్తుంది.

ఇదీ చూడండి:- Reliance AGM : జియో ఫైనాన్షియల్​ సర్వీసెస్​పై ముకేశ్​ అంబానీ కీలక అప్డేట్​!

ప్లాన్​ ధరలు ఎంత?

రోజుకు 1.5లక్షల కనెక్షన్లు ఇచ్చే కెపాసిటీ ఈ జియో ఎయిర్​ఫైబర్​ టెక్నాలజీకి ఉందని తెలుస్తోంది. దేశంలో నెట్​వర్క్​ను విస్తరించుకునేందుకు రిలయన్స్ సంస్థ​ గట్టి ప్లానే వేసిందని దీని ద్వారా అర్థమవుతుంది. జియోఫైబర్​కు ప్రస్తుతం 10మిలియన్​ యూజర్స్​ ఉన్నాయి. ఈ సంఖ్యను జియో ఎయిర్​ఫైబర్​ సులభంగా దాటేస్తుందని మార్కెట్​లో అంచనాలు ఉన్నాయి.

ఈ జియో ఎయిర్​ఫైబర్​ ప్లాన్స్​, ధరకు సంబంధించిన వివరాలు త్వరలోనే వెలువడతాయని తెలుస్తోంది.

WhatsApp channel

సంబంధిత కథనం