Best battery smartphone : ఇదే ది బెస్ట్ బ్యాటరీ స్మార్ట్ఫోన్! మచ్ అవైటెడ్ పోకో ఎఫ్7 సిరీస్ వచ్చేస్తోంది..
POCO F7 launch : పోకో ఎఫ్7, పోకో ఎఫ్7 అల్ట్రా స్మార్ట్ఫోన్స్ లాంచ్కి రెడీ అవుతున్నాయి. వీటికి సంబంధించిన పలు కీలక ఫీచర్స్ వివరాలు బయటకు వచ్చాయి. వాటిని ఇక్కడ చూసేయండి..
సరికొత్త స్మార్ట్ఫోన్స్ని అంతర్జాతీయంగా లాంచ్ చేసేందుకు రెడీ అవుతోంది పోకో సంస్థ! వీటి పేర్లు పోకో ఎఫ్7, పోకో ఎఫ్7 అల్ట్రా. ఇక ఇప్పుడు, ఈ రెండు గ్యాడ్జెట్స్.. సర్టిఫికేషన్ ప్లాట్ఫామ్ అయిని ఐఎండీఏలో దర్శనమిచ్చాయి. ఫలితంగా వీటికి సంబంధించిన పలు కీలక విషయాలు బయపడ్డాయి. వాటి గురించి ఇక్కడ చూసేద్దాము..
పోకో ఎఫ్ సిరీస్ స్మార్ట్ఫోన్స్..
రాబోయే రెండు స్మార్ట్ఫోన్లు 24122RKC7G, 2412DPC0AG మోడల్ నంబర్‌లతో ఐఎండీఏ సర్టిఫికేషన్కి వెళ్లాయి. లేటెస్ట్ పోకో స్మార్ట్‌ఫోన్‌లకు సంబంధించి పలు వివరాలను వెల్లడించనప్పటికీ, ఇది 5జీ కనెక్టివిటీ, బ్లూటూత్, వైఫై, ఎన్ఎఫ్సీకి మద్దతును నిర్ధారిస్తుంది. ఇది కాకుండా, పోకో ఎఫ్7 సిరీస్ స్మార్ట్ఫోన్లు త్వరలో గ్లోబల్ మార్కెట్లో లాంచ్ కాబోతున్నాయని ఈ లిస్టింగ్ ద్వారా అర్థం చేసుకోవచ్చు.
పోకో ఎఫ్7, పోకో ఎఫ్7 అల్ట్రా మోడల్స్ గతంలో ఐఎంఈఏ డేటాబేస్‌లో లైవ్ అయ్యాయి. ఈ ఎఫ్ సిరీస్లో వస్తున్న తొలి ‘అల్ట్రా'.. ఈ పోకో ఎఫ్7 అల్ట్రా. ఇప్పటివరకు మనకు తెలిసిన దాని ఆధారంగా.. ఈ పోకో ఎఫ్7 అల్ట్రా రెడ్మీ కే80 ప్రో రీబ్రాండెడ్ వెర్షన్ కావచ్చు! కే80 ప్రో స్మార్ట్ఫోన్ త్వరలో చైనీస్ మార్కెట్లో లాంచ్ అవుతుంది. ఇది కొన్ని టాప్ నాచ్ స్పెక్స్, ఫీచర్లను కలిగి ఉంది. రెడ్మీ కే80 ప్రోలో స్నాప్‌డ్రాగన్ 8 ఎలైట్ ఎస్ఓసీ కలిగి ఉంటుందని పుకార్లు ఉన్నాయి. ముందు భాగంలో, ఇది 2కే రిజల్యూషన్, 120హెచ్జెడ్ రిఫ్రెష్ రేట్‌తో 6.67-ఇంచ్ ఓఎల్ఈడీ డిస్‌ప్లేను కలిగి ఉంటుంది.
పోకో ఎఫ్7 అల్ట్రా భారీ 6,000ఎంఏహెచ్ బ్యాటరీ ప్యాక్‌ను కలిగి ఉంటుందని మునుపటి పుకార్లు ధృవీకరించాయి. ఇది 120వాట్ వైర్డ్ ఫాస్ట్ ఛార్జింగ్‌కు మద్దతు ఇస్తుంది! ఈ పోకో ఎఫ్7.. వైర్‌లెస్ ఫాస్ట్ ఛార్జింగ్‌కు మద్దతునిచ్చే మొదటి మోడల్ కూడా కావచ్చు.
ఇక పోకో F7.. రెడ్మీ టర్బో 4కి రీబ్రాండెడ్ వెర్షన్గా వస్తుందని అంచనాలు ఉన్నాయి. ఈ మోడల్‌లో మీడియాటెక్ డైమెన్సిటీ 8400 ఎస్ఓసీ, 6000ఎంఏహెచ్ బ్యాటరీ, 1.5క రిజల్యూషన్తో పాటు మరెన్నో ఎగ్జైటింగ్ ఫీచర్స్ ఉండున్నాయి.
పోకో ఎఫ్7 సిరీస్కి సంబంధించిన చాలా వివరాలు ప్రస్తుతం రూమర్స్ స్టేజ్లోనే ఉన్నాయి. సంస్థ వాటిని ఇంకా ధ్రువీకరించలేదు. లాంచ్ డేట్ని కూడా ప్రకటించలేదు. త్వరలోనే లాంచ్ డేట్పై ఒక అప్డేట్ వస్తుందని అంచనాలు ఉన్నాయి. లాంచ్ టైమ్ నాటికి పోకో ఎఫ్7, పోకో ఎఫ్7 అల్ట్రాలకు సంబంధించిన మరిన్ని వివరాలు అందుబాటులోకి వస్తాయి. వాటిని మేము మీకు అప్డేట్ చేస్తాము.
ఇంకో విషయం! హెచ్టీ తెలుగు ఇప్పుడు వాట్సాప్ ఛానెల్స్లో అందుబాటులో ఉంది. టెక్ ప్రపంచం నుంచి లేటెస్ట్ అప్డేట్స్ కోసం వాట్సాప్లో హెచ్టీ తెలుగు ఛానెల్ని ఫాలో అవ్వండి..
సంబంధిత కథనం