Redmi Note 14 Pro : రెడ్​మీ నోట్​ 14 ప్రో.. లాంచ్​కి ముందే ఫీచర్స్​ లీక్​!-redmi note 14 pro camera display details released ahead of launch ,బిజినెస్ న్యూస్
తెలుగు న్యూస్  /  బిజినెస్  /  Redmi Note 14 Pro : రెడ్​మీ నోట్​ 14 ప్రో.. లాంచ్​కి ముందే ఫీచర్స్​ లీక్​!

Redmi Note 14 Pro : రెడ్​మీ నోట్​ 14 ప్రో.. లాంచ్​కి ముందే ఫీచర్స్​ లీక్​!

Sharath Chitturi HT Telugu
Jun 28, 2024 08:15 AM IST

Redmi Note 14 Pro price in India : రెడ్​మీ నోట్​ 14 ప్రో.. ఇండియాలో లాంచ్​కు రెడీ అవుతోంది. ఈ నేపథ్యంలో ఈ స్మార్ట్​ఫోన్​పై ఇప్పటివరకు ఉన్న వివరాలను ఇక్కడ తెలుసుకుందాము..

రెడ్​మీ నోట్​ 14 ప్రోపై లేటెస్ట్​ అప్డేట్స్​..
రెడ్​మీ నోట్​ 14 ప్రోపై లేటెస్ట్​ అప్డేట్స్​.. (Redmi)

రెడ్​మీ నోట్ 13 సిరీస్ ఇటీవల కొన్ని ప్రత్యేకమైన ఆఫర్లతో భారత మార్కెట్లోకి ప్రవేశించింది. ఇప్పుడు, రాబోయే రెడ్​మీ నోట్ 14 సిరీస్ గురించి లీకులు ఇప్పటికే ఇంటర్నెట్​లో చక్కర్లు కొట్టడం ప్రారంభించాయి. ప్రస్తుతానికి ఈ సిరీస్​లో రెడ్​మీ నోట్ 14, రెడ్​మీ నోట్ 14 ప్రో, రెడ్​మీ నోట్ 14 ప్రో ప్లస్ ఉండవచ్చని భావిస్తున్నారు. ఈ మూడు స్మార్ట్​ఫోన్స్​లో.. రెడ్​మీ నోట్​ 14 ప్రోపై మంచి బజ్​ నెలకొంది. దీనిపై వస్తున్న లీక్స్​తో అంచనాలు మరింత పెరుగుతున్నాయి. రెడ్​మీ నోట్ 14 ప్రో స్మార్ట్​ఫోన్ మెరుగైన సెన్సార్ తో 50 మెగా పిక్సెల్ ప్రైమరీ కెమెరాతో రానుందని పేర్కొంటూ డిజిటల్ చాట్ స్టేషన్ పేరుతో ఉన్న టిప్​స్టర్ చైనా సోషల్ మీడియా ప్లాట్​ఫామ్ వీబోలో ఒక పోస్ట్​ను షేర్ చేశారు. ఈ నేపథ్యంలో ఈ గ్యాడ్జెట్​పై ఇప్పటివరకు ఉన్న వివరాలను ఇక్కడ తెలుసుకుందాము..

రెడ్​మీ నోట్​ 14 ప్రో..

రెడ్​మీ నోట్ 13 ప్రోతో పోలిస్తే ఈ రెడ్​మీ నోట్​ 14 ప్రో స్మార్ట్​ఫోన్​ టెలిఫోటో కెమెరాతో రావచ్చు. ఇందులో ఓఐఎసతో కూడిన 200 మెగాపిక్సెల్ ప్రధాన కెమెరా, 8 మెగాపిక్సెల్ అల్ట్రా-వైడ్ కెమెరా, 2 మెగాపిక్సెల్ మాక్రో లెన్స్ ఉన్నాయి.

రెడ్​మీ నోట్ 14 ప్రోలో 1.5కే రిజల్యూషన్​తో మైక్రో కర్వ్​డ్ డిస్​ప్లే, నోట్ 13 ప్రో మాదిరిగానే పంచ్ హోల్ కెమెరా కట్ అవుట్ ఉండే అవకాశం ఉంది. గతంలో ఈ స్మార్ట్​ఫోన్ క్వాల్కమ్​ స్నాప్​డ్రాగన్ 7ఎస్ జెన్ 3 ఎస్​వోసీ, 5000 ఎంఏహెచ్ బ్యాటరీతో ఐఎంఈఐ డేటాబేస్​లో కనిపించింది.

రెడ్​మీ నోట్ 14 సిరీస్ సెప్టెంబర్​లో లాంచ్ కానుందని ఊహాగానాలు వినిపిస్తున్నాయి. అయితే రెడ్​మీ ఈ స్మార్ట్​ఫోన్ గురించి, దాని లాంచ్ గురించి ఎటువంటి వివరాలు పంచుకోలేదు. రాబోయే సిరీస్​ గురించి మరింత అవగాహన కోసం రెడ్ మీ నోట్ 13 ప్రో స్పెసిఫికేషన్స్​పై ఓ లుక్కేద్దాం ..

ఇదీ చూడండి:- Personal Finance : కొత్తగా ఉద్యోగంలో చేరితే.. మీరు డబ్బును ఎక్కడ పెట్టుబడి పెడితే లాభం ఉంటుంది

రెడ్​మీ నోట్ 13 ప్రో స్పెసిఫికేషన్స్..

రెడ్​మీ నోట్ 13 ప్రోలో 120 హెర్ట్జ్ రిఫ్రెష్ రేట్​తో 6.67 ఇంచ్​ 1.5కే అమోఎల్ఈడీ డిస్ ప్లేను అందించారు. స్నాప్​డ్రాగన్ 7ఎస్ జెన్ 2 చిప్సెట్, 16 జీబీ వరకు ర్యామ్, 512 జీబీ వరకు ఇంటర్నల్ మెమొరీతో ఈ ఫోన్ పనిచేస్తుంది. ఈ స్మార్ట్​ఫోన్​లో 67వాట్ వైర్డ్ ఫాస్ట్ ఛార్జింగ్​కు సపోర్ట్ చేసే లి-పో 5100 ఎంఏహెచ్ బ్యాటరీ ఉంది.

ఇప్పుడు, రెడ్​మీ నోట్ 14 ప్రోతో, స్మార్ట్​ఫోన్​కు అవసరమైన అప్​గ్రేడ్ లను రెడ్​మీ ఎలా తీసుకురావాలని ప్లాన్ చేస్తుందో చూద్దాం. ప్రస్తుతానికైతే ఈ గ్యాడ్జెట్​పై మంచి ఆసక్తి ఉంది.

మరో విషయం! మనం ఇప్పుడు వాట్సప్ ఛానల్స్ లో ఉన్నాం! టెక్నాలజీ ప్రపంచం నుంచి లేటెస్ట్​ అప్డేట్స్​ కోసం హెచ్​టీ తెలుగు వాట్సాప్​ ఛానెల్​ని ఫాలో అవ్వండి.

WhatsApp channel

సంబంధిత కథనం