Poco C61 Airtel Exclusive Edition: పోకో సీ61 ఎయిర్టెల్ ఎక్స్క్లూజివ్ ఎడిషన్ లాంచ్; స్పెషల్ ప్రి పెయిడ్ ఆఫర్స్ కూడా..

పోకో తన సీ61 స్మార్ట్ఫోన్ కొత్త వేరియంట్ పోకో సీ 61 ఎయిర్టెల్ ఎక్స్క్లూజివ్ ఎడిషన్ ను బుధవారం భారతదేశంలో ప్రవేశపెట్టింది. టెలికాం ఆపరేటర్ ఎయిర్టెల్ (airtel) సహకారంతో లాంచ్ అయిన ఈ ఎడిషన్ తో ప్రీపెయిడ్ సబ్స్క్రిప్షన్, కొనుగోలుదారులకు ప్రత్యేక ఆఫర్లు ఉన్నాయి. మార్చి 26 న పోకో సీ 61ను మొదట ఆవిష్కరించారు. ఈ రోజు లాంచ్ చేసిన ఎయిర్టెల్ ఎక్స్క్లూజివ్ ఎడిషన్ సాధారణ పోకో సీ 61 మాదిరిగానే స్పెసిఫికేషన్లను కలిగి ఉంది.

ధర, లభ్యత

పోకో సీ61 ఎయిర్టెల్ ఎక్స్క్లూజివ్ ఎడిషన్ ధర రూ.8,999 గా ఉంది. అయితే రూ.3,000 డిస్కౌంట్ తో రూ.5,999 కే కొనుగోలు చేయవచ్చు. ఈ ఎడిషన్ సాధారణ పోకో సీ 61 వేరియంట్ తో పాటు ఉంది, ఇది రూ .6,499 ధరకు లభిస్తుంది. డైమండ్ డస్ట్ బ్లాక్, ఎథెరియల్ బ్లూ, మిస్టికల్ గ్రీన్ అనే మూడు కలర్ ఆప్షన్లలో ఈ ఫోన్ అందుబాటులో ఉంది. ఇది 4 జీబీ ర్యామ్, 64 జీబీ స్టోరేజ్ అనే సింగిల్ కాన్ఫిగరేషన్ లో లభిస్తుంది. ఈ ఎడిషన్ అమ్మకాలు జూలై 17 మధ్యాహ్నం 12 గంటలకు ఫ్లిప్ కార్ట్ లో ప్రారంభమవుతాయి.

ప్రత్యేక ఆఫర్లు

ఈ పోకో సీ 61 స్పెషల్ ఎడిషన్ ను కొనుగోలు చేసినవారికి ఎయిర్ టెల్ భాగస్వామ్యంతో 50 జీబీ ఉచిత డేటా లభిస్తుంది. అదనంగా రూ.750 వరకు డిస్కౌంట్ లభిస్తుంది. ఫ్లిప్ కార్ట్ యాక్సిస్ బ్యాంక్ కార్డు ద్వారా జరిపే లావాదేవీలపై ఐదు శాతం క్యాష్ బ్యాక్ లభిస్తుంది. ఈ స్మార్ట్ ఫోన్ 18 నెలల పాటు ఎయిర్ టెల్ ప్రీపెయిడ్ సిమ్ కు లాక్ చేయబడుతుంది, అంటే కొనుగోలుదారులు ఈ కాలంలో మరే ఇతర నెట్వర్క్ కు మారలేరు.

పోకో సీ61 స్పెసిఫికేషన్లు

పోకో సీ61 స్మార్ట్ ఫోన్ (smart phone) లో 6.71 అంగుళాల హెచ్డీ+ డిస్ప్లే, 1650×720 పిక్సెల్స్ రిజల్యూషన్ ఉన్నాయి. 90 హెర్ట్జ్ రిఫ్రెష్ రేట్, 500 నిట్స్ పీక్ బ్రైట్నెస్ ను సపోర్ట్ చేస్తుంది. ఈ స్మార్ట్ ఫోన్ డిస్ప్లే కు గొరిల్లా గ్లాస్ 3 ప్రొటెక్షన్ ఉంది. మీడియాటెక్ జీ36 ఎస్ వోసీ ప్రాసెసర్, 6 జీబీ వరకు ర్యామ్, 128 జీబీ వరకు ఇంటర్నల్ స్టోరేజ్, మైక్రో ఎస్ డీ కార్డు ద్వారా 1 టీబీ వరకు పెంచుకోవచ్చు. ఆండ్రాయిడ్ 14 ఆధారిత ఎంఐయూఐ ఆపరేటింగ్ సిస్టంపై ఈ ఫోన్ పనిచేయనుంది.

కెమెరా సెటప్

కెమెరా విషయానికి వస్తే, పోకో సీ 61 డ్యూయల్ రియర్ కెమెరా సెటప్ ను కలిగి ఉంది, వీటిలో 8 మెగాపిక్సెల్ ప్రైమరీ కెమెరా, 2 మెగాపిక్సెల్ డెప్త్ సెన్సార్ ఉన్నాయి. సెల్ఫీల కోసం ముందువైపు 5 మెగాపిక్సెల్ కెమెరాను అందించారు. 10వాట్ ఫాస్ట్ ఛార్జింగ్ సపోర్ట్ తో 5,000 ఎంఏహెచ్ బ్యాటరీని ఇందులో అందించారు. పోకో సీ 61 ఎయిర్టెల్ ఎక్స్క్లూజివ్ ఎడిషన్ కొనుగోలుదారులకు అదనపు ప్రయోజనాలు, డిస్కౌంట్లను అందిస్తుంది. ఇది బడ్జెట్ స్మార్ట్ఫోన్ సెగ్మెంట్లో ఆకర్షణీయమైన ఎంపిక.