Lava AGNI 3: ఎట్టకేలకు భారత్ లో లావా అగ్ని 3 లాంచ్; డ్యూయల్ అమోలెడ్ డిస్ ప్లే సహా మరిన్ని ఫీచర్లు

Lava AGNI 3 launch: కొన్ని వారాల ఊహాగానాలు, టీజర్లు. పుకార్ల తరువాత, లావా అగ్ని 3 ఎట్టకేలకు ఈ సెగ్మెంట్లో కొన్ని ప్రత్యేకమైన ఫీచర్లతో భారత మార్కెట్లోకి ప్రవేశించింది. అగ్ని 3లో డ్యూయల్ అమోలెడ్ డిస్ ప్లే మరియు యాక్షన్ బటన్ ఉన్నాయి. రూ.25000 లోపు ధరలో ఈ ఫీచర్లను అందిస్తున్న మొదటి స్మార్ట్ ఫోన్ గా లావా అగ్ని 3 (Lava AGNI 3) నిలిచింది. ఈ ప్రత్యేకమైన ఫీచర్లతో పాటు, మీడియాటెక్ డైమెన్సిటీ 7300ఎక్స్ ఎస్ ఓసితో ఈ ఫోన్ శక్తివంతమైన పనితీరును అందిస్తుందని లావా పేర్కొంది. 

లావా అగ్ని 3 స్పెసిఫికేషన్లు

లావా అగ్ని 3 డ్యూయల్ అమోలెడ్ డిస్ప్లేను కలిగి ఉంది. ఇందులో 6.78 అంగుళాల 1.5 కె 3 డీ కర్వ్డ్ డిస్ప్లే ఉంది. ఇది 120 హెర్ట్జ్ రిఫ్రెష్ రేట్, 1200 నిట్స్ లోకల్ పీక్ బ్రైట్నెస్ కలిగి ఉంది. ఇందులో 1.74 అంగుళాల 2డీ అమోఎల్ఈడీ డిస్ ప్లేను అందించారు. మీడియాటెక్ డైమెన్సిటీ 7300ఎక్స్ ఆక్టాకోర్ ప్రాసెసర్, 8 జీబీ ర్యామ్, 256 జీబీ వరకు ఇంటర్నల్ స్టోరేజ్ ఇందులో ఉన్నాయి. లావా (lava) అగ్ని 3లో ట్రిపుల్ కెమెరా సెటప్ ఉంది. 3ఎక్స్ ఆప్టికల్ జూమ్ తో కూడిన 8 మెగాపిక్సెల్ టెలిఫోటో లెన్స్, 8 మెగాపిక్సెల్ అల్ట్రావైడ్ కెమెరా ఉన్నాయి. ఇది ఏఐ సూపర్ నైట్, పోర్ట్రెయిట్ సాఫ్ట్ వేర్ అల్గారిథమ్ లను కూడా అందిస్తుంది. దీనిలో 66వాట్ సూపర్ ఫాస్ట్ ఛార్జింగ్ సపోర్ట్ చేసే 5000 ఎంఏహెచ్ బ్యాటరీని అందించారు. 

లావా అగ్ని 3 ధర, లభ్యత 

లావా అగ్ని 3 రెండు కలర్ వేరియంట్లలో లభిస్తుంది. అవి హీథర్ గ్లాస్, ప్రిస్టీన్ గ్లాస్. ధర విషయానికొస్తే, 8 జీబీ ర్యామ్, 128 జీబీ స్టోరేజ్ వేరియంట్ అగ్ని 3 ప్రారంభ ధర రూ. 20999గా నిర్ణయించారు. అయితే, ఇది ఛార్జర్ లేకుండా వస్తుంది. ఛార్జర్ తో ఇదే స్టోరేజ్ వేరియంట్ ధర రూ.22,999. అలాగే, 8జీబీ ర్యామ్, 256 జీబీ  స్టోరేజ్ వేరియంట్ ధర రూ.24,999 గా ఉంది.

ప్రి ఆర్డర్ ఇలా.

లావా అగ్ని 3 స్మార్ట్ ఫోన్ కు ప్రి-ఆర్డర్ లు ఇప్పటికే ప్రారంభమయ్యాయి. ఇది అక్టోబర్ 8 వరకు లైవ్ లో ఉంటుంది. అక్టోబర్ 9న అమెజాన్ లో ఈ స్మార్ట్ ఫోన్ ఎక్స్ క్లూజివ్ గా లాంచ్ కానుంది. ఈ-కామర్స్ దిగ్గజం లావా అగ్ని 3 కొనుగోలుపై రూ.2000 వరకు బ్యాంక్ ఆఫర్లను అందించనుంది.