Lava Blaze X 5G: బెస్ట్ ఇన్ సెగ్మెంట్ ఫీచర్స్ తో భారత్ లో లావా బ్లేజ్ ఎక్స్ 5జీ లాంచ్

Lava Blaze X 5G: లావా తన కొత్త బ్లేజ్ సిరీస్ స్మార్ట్ ఫోన్ ను మిడ్ రేంజ్ సెగ్మెంట్ లో భారత్ లో లాంచ్ చేసింది. ఇందులో కొన్ని స్పెషల్ ఫీచర్లు, డిజైన్, స్పెసిఫికేషన్లను పొందుపర్చింది. గత కొంత కాలంగా ఈ స్మార్ట్ ఫోన్ ను లావా టీజ్ చేస్తోంది. రూ.15,000 లోపు ధరలో కొత్త, ప్రీమియం లుక్ డిజైన్ తో ఇది కస్టమర్లను అలరించనుంది.

లావా బ్లేజ్ ఎక్స్ 5జీ స్పెసిఫికేషన్, ఫీచర్లు

లావా బ్లేజ్ ఎక్స్ 5జీలో 120 హెర్ట్జ్ రిఫ్రెష్ రేట్, 800 నిట్స్ పీక్ బ్రైట్ నెస్, 1080×2400 పిక్సెల్ రిజల్యూషన్ తో 6.67 అంగుళాల ఫుల్ హెచ్ డీ+ కర్వ్ డ్ అమోఎల్ఈడీ డిస్ ప్లే ఉంది. ఇందులో మీడియాటెక్ డైమెన్సిటీ 6300 చిప్సెట్, 8 జీబీ LPDDR4X ర్యామ్, 128 జీబీ యూఎఫ్ఎస్ 2.2 ఇంటర్నల్ స్టోరేజ్ ఉంటుంది. ఈ స్మార్ట్ ఫోన్ అదనంగా 8 జీబీ వర్చువల్ ర్యామ్ ను కూడా అందిస్తుంది. లావా బ్లేజ్ ఎక్స్ 5 జీ స్మార్ట్ ఫోన్ (smartphone) డ్యూయల్ రియర్ కెమెరా సెటప్ ను కలిగి ఉంది. ఇందులో సోనీ సెన్సార్ తో 64 మెగాపిక్సెల్ ప్రధాన కెమెరా, 2 మెగాపిక్సెల్ సెకండరీ కెమెరా ఉన్నాయి . సెల్ఫీలు, వీడియో కాల్స్ కోసం 16 మెగాపిక్సెల్ ఫ్రంట్ ఫేసింగ్ కెమెరాను అందించారు. ఈ స్మార్ట్ ఫోన్ 5000 ఎంఏహెచ్ లి-పాలిమర్ బ్యాటరీతో వస్తుంది. 33 వాట్ ఫాస్ట్ ఛార్జింగ్ సపోర్ట్ తో వస్తుంది.

2 సంవత్సరాల ఓఎస్ అప్ గ్రేడ్స్

లావా బ్లేజ్ ఎక్స్ 5జీ ఆండ్రాయిడ్ 14 ఆధారిత ఓఎస్ పై పనిచేస్తుంది. ఇది 2 సంవత్సరాల ఓఎస్ అప్ గ్రేడ్ లు, 2 సంవత్సరాల భద్రతా అప్ గ్రేడ్ లకు హామీ ఇస్తుంది. అందువల్ల ఈ స్మార్ట్ ఫోన్ రాబోయే ఆండ్రాయిడ్ 15 అప్ డేట్ ను కూడా సపోర్ట్ చేస్తుంది.

లావా బ్లేజ్ ఎక్స్ 5జీ ధర, ఆఫర్స్

లావా బ్లేజ్ ఎక్స్ 5జీ 4 జీబీ ర్యామ్ + 128 జీబీ స్టోరేజ్ వేరియంట్ ప్రారంభ ధర రూ.14,999 గా ఉంది. 6 జీబీ+128జీబీ, 8జీబీ+128జీబీ వేరియంట్ ధరలు వరుసగా రూ.15,999, రూ.16,999గా ఉంది. లావా బ్లేజ్ ఎక్స్ 5జీ స్మార్ట్ ఫోన్ స్టార్లైట్, పర్పుల్, టైటానియం గ్రే కలర్ ఆప్షన్లలో లభిస్తుంది అమెజాన్, లావా ఈ-స్టోర్లలో జూలై 20 నుంచి ఈ స్మార్ట్ ఫోన్ సేల్ ప్రారంభం కానుంది. కంపెనీ అన్ని కలర్, స్టోరేజ్ వేరియంట్లపై రూ.1000 లాంచ్ డిస్కౌంట్ కూడా అందిస్తోంది.