Kia Carens EV : కియా క్యారెన్స్కు ఈవీ టచ్.. లాంచ్ ఎప్పుడంటే!
Kia Carens EV : కియా క్యారెన్స్ ఈవీకి సంబంధించి ఫొటోలు ఆన్లైన్లో లీక్ అయ్యాయి. ఇక ఈ మోడల్ 2025లో లాంచ్ అవుతుందని తెలుస్తోంది.
Kia Carens EV : ఇప్పుడు ప్రపంచమంతా 'ఈవీ'వైపు అడుగులు వేస్తోంది. ప్రజల్లో ఎలక్ట్రిక్ వాహనాలపై ఆసక్తి కూడా పెరుగుతోంది. ఇందుకు తగ్గట్టుగానే ఆటోమొబైల్ సంస్థలు తమ ఈవీ పోర్ట్ఫోలియోను పెంచుకునే పనిలో పడ్డాయి. ఇందులో భాగంగానే.. సౌత్ కొరియా దిగ్గజ ఆటోమొబైల్ కంపెనీ కియా మోటార్స్.. తన బెస్ట్ సెల్లింగ్ మోడల్ అయిన క్యారెన్స్కు ఈవీ వర్షెన్ను తీసుకొస్తున్నట్టు తెలుస్తోంది. ఈ కియా క్యారెన్స్ ఈవీని సౌత్ కొరియాలో ఇటీవలే టెస్ట్ చేసింది ఆ సంస్థ. ఇందుకు సంబంధించిన లీక్డ్ ఫొటోలు ఆన్లైన్లో చక్కర్లు కొడుతున్నాయి.
కియా క్యారెన్స్ ఈవీ.. లాంచ్ ఎప్పుడంటే..
ఇండియా మార్కెట్లోనూ కియా మోటార్స్ వాహనాలకు మంచి డిమాండ్ ఉంది. ఈ సంస్థ సేల్స్ నెలనెలా భారీగా పెరుగుతూ ఇతర కంపెనీలకు గట్టిపోటీనిస్తున్నాయి. ఇక కియా క్యారెన్స్కు '2022 ఇండియన్ కార్ ఆఫ్ ది ఇయర్' అవార్డు కూడా లభించింది. ఈ మోడల్కు డిమాండ్ కూడా ఎక్కువగానే ఉంటోంది. ఇక కియా క్యారెన్స్ ఈవీ.. 2025లో అంతర్జాతీయంగా లాంచ్ అయ్యే సూచనలు కనిపిస్తున్నాయి. ఆ తర్వాత ఈ ఎంపీవీ ఇండియాలోకి అడుగుపెట్టొచ్చు.
Kia Carens EV price : ఇక ఆన్లైన్లో లీక్ అయిన ఫొటోలను చూస్తుంటే.. కియా క్యారెన్స్లో భారీ మార్పులే జరిగినట్టు కనిపిస్తోంది! డిజైన్ చాలా ప్రత్యేకంగా, ఈవీ స్పెసిఫిక్గా ఉండే అవకాశం ఉంది. ఇప్పుడున్న మోడల్తో పోల్చుకుంటే.. క్యారెన్స్ ఈవీ అలాయ్ వీల్స్తో పాటు ఇతర భాగాల స్టైలింగ్ ఇంకా మెరుగ్గా ఉండొచ్చు.
కియా క్యారెన్స్ ఈవీ బ్యాటరీ, ఇంజిన్ వంటి వివరాలపై ఇంకా ఎలాంటి వివరాలు అందుబాటులో లేవు. రానున్న రోజుల్లో వీటిపై ఓ స్పష్టత వస్తుంది. అయితే.. ప్రస్తుతం ఉన్న సమాచారం ప్రకారం.. కియా క్యారెన్సీ ఈవీ.. మరో దిగ్గజ ఆటోమొబైల్ సంస్థ హ్యుందాయ్కు చెందిన క్రేటా ఈవీని పోలి ఉంటుందని తెలుస్తోంది. ఇప్పుడు ఉన్న కియా క్యారెన్స్ స్పెసిఫికేషన్స్, ఫీచర్స్.. క్రేటా, సెల్టోస్ను పోలి ఉండటంతో.. ఈవీకి కూడా ఇదే కొనసాగుతుందని అంచనాలు ఉన్నాయి.
మరిన్ని మోడల్స్ కూడా..!
Kia Carens EV launch in India : ప్రస్తుతం కియా క్యారెన్స్ ప్రొడక్షన్ ఇండియాలో కూడా జరుగుతోంది. వీటిని గ్లోబల్ మార్కెట్కు ఎక్స్పోర్ట్ కూడా చేస్తోంది సంస్థ. ఈ నేపథ్యంలో క్యారెన్స్ ఈవీ ఇండియా లాంచ్ అనివార్యం అని మార్కెట్ వర్గాలు భావిస్తున్నాయి. అయితే దాని కన్నా ముందు.. మరికొన్ని మోడల్స్ను ఇండియాలో లాంచ్ చేసేందుకు కియా మోటార్స్ ప్లాన్ చేస్తున్నట్టు తెలుస్తోంది. కియా సెల్టోస్ ఫేస్లిఫ్ట్ వర్షెన్ ఇందులో ఒకటి. ఇది ఇప్పటికే అంతర్జాతీయ మార్కెట్లో అడుగుపెట్టింది. ఇక ఇండియాలో డిసెంబర్లో లాంచ్ అయ్యే సూచనలు కనిపిస్తున్నాయి.
సంబంధిత కథనం