World Car Of The Year : 'వరల్డ్​ కార్​ ఆఫ్​ ది ఇయర్'​ అవార్డ్​ దక్కించుకున్న హ్యుందాయ్​ ఈవీ ఇదే!

World Car Of The Year 2023 : ఆటోమొబైల్​ రంగంలో అత్యంత ప్రతిష్ఠాత్మక అవార్డుల్లో ఒకటి 'వరల్డ్​ కార్​ ఆఫ్​ ది ఇయర్​' (డబ్ల్యూసీఓటీవై). ఇక 2023 వరల్డ్​ కార్​ ఆఫ్​ ది ఇయర్​ అవార్డును హ్యుందాయ్​ ఐయానిక్​ 6 దక్కించుకుంది. వరల్డ్​ ఎలక్ట్రిక్​ వెహికిల్​, కార్​ డిజైన్​ అవార్డులను సొంతం చేసుకుంది.

2023 వరల్డ్​ కార్​ ఆఫ్​ ది ఇయర్​ కోసం 2023 కియా నిరో, 2023 బీఎండబ్ల్యూ ఎక్స్​1, 2024 హ్యుందాయ్​ ఐయానిక్​ 6 పోటీపడ్డాయి. చివరికి.. ఐయానిక్​ 6 ఈవీ.. ఈ అవార్డును సొంతం చేసుకుంది. ఈ అవార్డులను ప్రపంచంలోని సీనియర్​ జర్నలిస్ట్​ ప్యానెల్​ నిర్ణయిస్తుంది.

హ్యుందాయ్​ ఐయానిక్​ 6 ఈవీ..

Hyundai Ioniq 6 EV : ఈ ఈవీలో మస్క్యులర్​ హుడ్​, క్లోజ్​డ్​- ఆఫ్​ స్లీక్​ బ్లాక్​ గ్రిల్​, వైడ్​ ఎయిర్​ డ్యామ్​, స్వెప్ట్​ బ్యాంక్​ ఎల్​ఈడీ హెడ్​లైట్స్​, స్లోపింగ్​ రూఫ్​లైన్​, బ్లాక్​డ్​ ఔట్​ పిల్లర్స్​, ఆర్చ్​డ్​ బెల్ట్​లైన్​, ఓఆర్​వీఎంల స్థానంలో కెమెరాలు, డిజైనర్​ ఆలాయ్​ వీల్స్​ వంటివి ఉన్నాయి. ఈ సెడాన్​ మోడల్​ రేర్​లో కనెక్టెడ్​ ఎల్​ఈడీ టెయిల్​లైట్స్​, షార్క్​ ఫిన్​ యాంటీనా వంటివి లభిస్తున్నాయి.

ఇదీ చదవండి :- Indian Car Of The Year 2023 : కియా కారెన్స్​కు.. 'ఇండియన్​ కార్​ ఆఫ్​ ది ఇయర్​' అవార్డు!

హ్యుందయ్​ ఐయానిక్​ 6 ఈవీ 5 సీటర్​ కేబిన్​ స్పేషియస్​గా ఉంటుంది. రిలాక్సేషన్​ కంఫర్ట్​ ఫ్రెంట్​ సీట్స్​ ఆప్షనల్​గా లభిస్తున్నాయి. మల్టీ జోన్​ క్లైమేట్​ కంట్రోల్​, 64 కలర్​ యాంబియెంట్​ లైటింగ్​, హెడ్​- అప్​ డిస్​ప్లే, మల్టీఫంక్షనల్​ స్టీరింగ్​ వీల్​ వంటివి ఈ ఈవిలో చూడొచ్చు. డిజిటల్​ ఇన్​స్ట్రుమెంట్​ క్లస్టర్​, ఇన్​ఫోటైన్​మెంట్​ ప్యానెల్​ కోసం 12.3 ఇంచ్​ డ్యూయెల్​ స్క్రీన్స్​ వస్తున్నాయి. ఆండ్రాయిడ్​ ఆటో, యాపిల్​ కార్​ప్లే కూడా ఉన్నాయి.

World Car Of The Year Ioniq 6 EV : ఇక సేఫ్టీ విషయానికొస్తే.. ఈ హ్యుందాయ్​ ఐయానిక్​ 6 ఈవీలో ఏడీఏఎస్​ ఫంక్షన్స్​తో పాటు 7 ఎయిర్​బ్యాగ్స్​ లభిస్తున్నాయి.

హ్యుందయ్​ ఐయానిక్​ 6 ఈవీ- ఇంజిన్​..

ఈ ఎలక్ట్రిక్​ వెహికిల్​లో సింగిల్​ మోటార్​ ఇంజిన్​ ఉంటుంది. ఆప్షనల్​ డ్యూయెల్​ మోటార్​ సెటప్​ కూడా ఉంది. కాగా.. ఒక్కసారి ఛార్జ్​ చేస్తే.. ఈ ఈవీ 610 కి.మీల దూరం ప్రయాణిస్తుందని తెలుస్తోంది.

Hyundai Ioniq 6 EV price : ఐయానిక్​ 6 ధరకు సంబంధించిన వివరాలను హ్యుందాయ్​ మోటార్స్​ ఇంకా వెల్లడించలేదు. అయితే.. అమెరికాలో దీని ధర సుమారు 40వేల డాలర్లు ఉండొచ్చని అంచనాలు ఉన్నాయి. అంటే ఇండియన్​ కరెన్సీలో అది దాదాపు రూ. 32.76లక్షలు.