Budget 2024 : వచ్చే బడ్జెట్​పై ఆటోమొబైల్​ పరిశ్రమ అంచనాలివి..

Automobile industry on Budget 2024 : 2024 బడ్జెట్​ కోసం ఆర్థికశాఖ సిద్ధమవుతోంది. ఈ నేపథ్యంలో వివిధ పరిశ్రమలు.. తమ ఆర్థిక సూచనలను వ్యక్తం చేస్తున్నాయి. కాగా.. ఆటోమొబైల్​ పరిశ్రమ కూడా తమ అంచనాలు, అభిప్రాయాలను ఆర్థికశాఖతో పంచుకుంది. బడ్జెట్​తో ఆటోమొబైల్​ పరిశ్రమలో ఈసారి పెద్దగా మార్పులు ఉండకపోవచ్చని నిపుణులు చెబుతున్నారు.

2024 బడ్జెట్​పై ఆటోమొబైల్​ పరిశ్రమ అంచనాలు..

2024 బడ్జెట్​పై భారత ఆటోమొబైల్​ పరిశ్రమ సానుకూలంగానే ఉన్నా.. పెద్దగా మార్పులేవీ కనిపించికపోవచ్చని నిపుణులు అభిప్రాయపడుతున్నారు. ఎఫ్​ఏఎంఈ-3 స్కీమ్​, పీఎల్​ఐ స్కీమ్​, ఎంట్రీ లెవల్​ 2 వీలర్స్​పై జీఎస్​టీ సవరణ వంటి అంశాలపై ఏదైనా అప్డేట్​ వస్తే బాగుండని పరిశ్రమ ఎదురుచూస్తోంది. కానీ.. వీటిల్లో చాలా వరకు విషయాలపై కేంద్రం యథాతథ స్థితినే కొనసాగించే అవకాశం ఉందని నిపుణులు అభిప్రాయపడుతున్నారు.

"పీఎల్​ఐ, ఎఫ్​ఏఎంఈ వంటి స్కీమ్స్​ని తీసుకొచ్చి ఆటోమోటివ్​ ఎకోసిస్టెమ్​ని ప్రోత్సహిస్తున్న ప్రభుత్వానికి అభినందనలు. ఈ దఫా బడ్జెట్​లో వీటికి కేటాయింపులు కొనసాగుతాయని ఆశిస్తున్నాను," అని ఆటోమోటివ్​ కాంపోనెంట్స్​ మేన్యుఫ్యాక్చర్స్​ అసోసియేషన్​ డైరక్టర్​ జెనరల్​ విన్ని మెహ్​తా తెలిపారు.

ఇదీ చూడండి:- Budget 2024 : వచ్చే బడ్జెట్​లో వేతన జీవులకు ఊరట లభిస్తుందా? ట్యాక్స్​ నిపుణుల మాట ఇది..

Budget 2024 : "ఈ దఫా బడ్జెట్​లో మేము ప్రత్యేక ఎస్​ఓపీలను ఆశించడం లేదు. ఉన్న వాటిని కొనసాగిస్తే చాలు. మంచి పాలసీలు, ఇన్​ఫ్రాస్ట్రక్చర్​ ఇన్​వెస్​మెంట్స్​, స్థిరత్వంపై కేంద్రం ఫోకస్​ చేస్తోంది. దానిని కొనసాగించాలి," అని ఎస్​ఐఏఎం (సొసైటీ ఆఫ్​ ఇండియన్​ ఆటోమొబైల్​ మేన్యుఫ్యాక్చర్స్​) ప్రెసిడెంట్​ వినోద్​ అగర్వాల్​ అభిప్రాయపడ్డారు.

అయితే.. ప్రభుత్వం ఈసారికి ఎలాంటి కొత్త నిబంధనలు తీసుకురాకూడదని అన్నారు వినోద్​ అగర్వాల్​. ఏదైనా కొత్త నిబంధన తెస్తే ఖర్చులు పెరుగుతాయని, అది సంస్థలకు, ప్రజలకు నష్టం కలిగిస్తాయని అభిప్రాయాన్ని వ్యక్తం చేశారు.

2024 బడ్జెట్​ వివరాలు..

Budget 2024 latest news : 2024-25 ఆర్థిక ఏడాదికి సంబంధించిన మధ్యంతర బడ్జెట్​ని ఫిబ్రవరి 1న పార్లమెంట్​లో ప్రవేశపెట్టనున్నారు కేంద్ర ఆర్థికశాఖ మంత్రి నిర్మలా సీతారామన్​. 2024లో లోక్​సభ ఎన్నికలు జరగుతాయి. ఈ నేపథ్యంలో ఎప్పటిలా కాకుండా.. ఈ ఫిబ్రవరి 1న మధ్యంత బడ్జెట్​ని ప్రవేశపెడతారు. పూర్తిస్థాయి బడ్జెట్​.. ఎన్నికల ఫలితాలు వెలువడి, కొత్త ప్రభుత్వం ఏర్పడిన తర్వాత బయటకొస్తుంది.