Electric scooters : ‘తగ్గేదే లే!’.. ఇండియాలో ఎలక్ట్రిక్​ 2 వీలర్స్​కి క్రేజీ డిమాండ్​..!

Electric scooters sales in India : ఇండియా ఆటోమొబైల్​ మార్కెట్​లో ఎలక్ట్రిక్​ వాహనాల సెగ్మెంట్​ దూసుకెళుతోంది. మరీ ముఖ్యంగా ఎలక్ట్రిక్​ 2 వీలర్​ సెగ్మెంట్​లో క్రేజీ సేల్స్​ జరుగుతున్నాయి. నవంబర్​లో 91వేలకుపైగా ఎలక్ట్రిక్​ 2 వీలర్స్​ అమ్ముడుపోయాయి. గతేడాది ఇదే సమయంతో పోల్చుకుంటే.. అది 20శాతం ఎక్కువ! ఇక ఈ ఏడాది అక్టోబర్​తో పోల్చుకుంటే.. 22శాతం పెరిగినట్టు!

టాప్​లో ఓలా ఎలక్ట్రిక్​​..

ఈవీ సెగ్మెంట్​లో దిగ్గజ ఆటోమొబైల్​ సంస్థలు బజాజ్​ ఆటో, హీరో మోటోకార్ప్​లు.. నిదానంగా తమ మార్కెట్​ షేర్​ను పెంచుకుంటున్నాయి. కొత్త కొత్త లాంచ్​లతో కస్టమర్లను ఆకట్టుకుంటుండటం ఇందుకు కారణం.

Electric 2 wheeler sales in India : నవంబర్​లో ఎలక్ట్రిక్​ 2 వీలర్స్​ పెనిట్రేషన్​ రేటు 5శాతంగా నమోదైంది. ఇక మొత్తం ఈవీ సెగ్మెంట్​లో ఓలా ఎలక్ట్రిక్​ హవా కొనసాగుతోంది. సంస్థకు ఇక్కడ 32.6శాతం మార్కెట్​ షేర్​ ఉంది. నవంబర్​లో 29,764 ఈవీలను విక్రయించింది సంస్థ. ఆ తర్వాతి స్థానంలో టీవీఎస్​ ఉంది. ఈ సంస్థ మార్కెట్​ షేర్​ 20.8శాతం. బజాజ్​ ఆటో (12.8శాతం), ఏథర్​ ఎనర్జీ (10.1శాతం), గ్రీవ్స్​ ఎలక్ట్రిక్​ (4.8శాతం) సంస్థలు ఆ తర్వాతి స్థానాల్లో ఉన్నాయి.

మంత్​ ఆన్​ మంత్​ సేల్స్​ చూస్తే.. హీరో మోటోకార్ప్​ దూసుకెళ్లింది! అక్టోబర్​తో పోల్చుకుంటే.. నవంబర్​లో సంస్థ ఈవీ సేల్స్​ 57శాతం వృద్ధిని సాధించాయి. ఓలా ఎలక్ట్రిక్​ (25శాతం), బజాజ్​ ఆటో (29శాతం) సంస్థలు ఆ తర్వాతి స్థానాల్లో నిలబడ్డాయి. అదే సమయంలో.. టీవీఎస్​, ఏథర్​ ఎనర్జీ వంటి సంస్థల సేల్స్​ పెద్దగా వృద్ధి చెందలేదు.

India Electric vehicle market : ఇండియా ఆటోమొబైల్​ మార్కెట్​లో ఈవీ సెగ్మెంట్​కు బీభత్సమైన డిమాండ్​ కనిపిస్తోంది. అటు 4 వీలర్స్​తో పాటు ఇటు 2 వీలర్స్​కి కూడా మంచి ఆదరణ లభిస్తోంది. దీనిని క్యాష్​ చేసుకునేందుకు సంస్థలన్నీ పోటీపడి మరి కొత్త కొత్త మోడల్స్​ని లాంచ్​ చేసి కస్టమర్లను ఆకర్షిస్తున్నాయి. మరి.. ఈ పోటీలో ఎవరు గెలుస్తారు అన్నది వేచి చూడాలి.