Honda Elevate vs Kia Seltos : ఎలివేట్​ వర్సెస్​ సెల్టోస్​.. స్పెసిఫికేషన్స్​లో ఏది బెస్ట్​?

Honda Elevate vs Kia Seltos : 'హోండా ఎలివేట్​'.. ఆటోమొబైల్​ రంగంలో ఈ ఎస్​యూవీ ఇప్పుడు హాట్​ టాపిక్​. ఇండియా మార్కెట్​లో సేల్స్​ను పెంచుకునేందుకు ఎలివేట్​పై భారీగా ఆశలు పెట్టుకుంది హోండా. కాగా.. ఇప్పటికే మార్కెట్​లో బెస్ట్​ సెల్లింగ్​ మోడల్​గా ఉన్న కియా సెల్టోస్​కు ఈ ఎస్​యూవీ గట్టిపోటీనిస్తుందని మార్కెట్​లో అంచనాలు ఉన్నాయి. ఈ నేపథ్యంలో ఈ రెండింటి స్పెసిఫికేషన్స్​, ఇంజిన్​ ఆప్షన్స్​, ధరలను పోల్చి.. ఏది బెస్ట్​ అన్నది ఇక్కడ తెలుసుకుందాము..

హోండా ఎలివేట్​​ వర్సెస్​ కియా సెల్టోస్​- డైమెన్షన్స్​..

హోండా కొత్త ఎస్​యూవీ పొడవు 4,312 ఎంఎం. వెడల్పు 1,790 ఎంఎం. ఎత్తు 1,650 ఎంఎం. వీల్​బేస్​ 2,650 ఎంఎం. గ్రౌండ్​ క్లియరెన్స్​ 220 ఎంఎం. ఎలివేట్​లో 458 లీటర్ల బూట్​ స్పేస్​ లభిస్తోంది.

మరోవైపు కియా సెల్టోస్​ పొడవు 4,315 ఎంఎం. వెడల్పు 1,800 ఎంఎం. ఎత్తు 1,645 ఎంఎం. వీల్​బేస్​ 2,610 ఎంఎం. గ్రౌండ్​ క్లియరెన్స్​ 190ఎంఎం. ఈ ఎస్​యూవీలో 433 లీటర్ల బూట్​ స్పేస్​ వస్తోంది.

Honda Elevate price in India : డైమెన్షన్స్​ పరంగా.. హోండా ఎలివేట్​ కన్నా కియా సెల్టోస్​ కాస్త పొడవు ఎక్కువ అని, ఎత్తు తక్కువ అని అర్థమవుతుంది. వీల్​బేస్​, గ్రౌండ్​ క్లియరెన్స్​ విషయంలో హోండా వాహనం స్పేషియస్​గా ఉంటుంది.

ఇదీ చూడండి:- కియా సెల్టోస్​ సరికొత్త మైలురాయి.. 4ఏళ్లల్లో 5లక్షల సేల్స్​!

ఈ వాహనాల్లో ఏ ఇంజిన్​లు ఉన్నాయంటే..!

హోండా ఎలివేట్​ ఎస్​యూవీలో 1.5 లీటర్​ డీఓహెచ్​సీ ఐ-వీటెక్​ పెట్రోల్​ ఇంజిన్​ ఉంటుంది. 6 స్పీడ్​ మేన్యువల్​ గేర్​బాక్స్​తో పాటు సీవీటీ ఆప్షన్​ లభిస్తోంది. ఈ ఇంజిన్​.. 121 హెచ్​పీ పవర్​ను, 145 ఎన్​ఎం టార్క్​ను జనరేట్​ చేస్తుంది. హోండా సిటీలోనూ ఇదే ఇంజిన్​ను వినియోగిస్తున్నారు. కాగా కొంతకాలం తర్వాత హైబ్రీడ్​ వేరియంట్​ కూడా అందుబాటులోకి వచ్చే అవకాశం ఉంది.

Kia Seltos on road price in Hyderabad : ఇక కియా సెల్టోస్​లో 1.5 లీటర్​ నేచురల్లీ ఆస్పిరేటెడ్​ పెట్రోల్​ ఇంజిన్​ ఉంటుంది. ఇది.. 115 హెచ్​పీ పవర్​ను, 144 ఎన్​ఎం టార్క్​ను జనరేట్​ చేస్తుంది. 6 స్పీడ్​ గేర్​బాక్స్​, సీవీటీ ఆప్షన్​ ఇందులోనూ ఉంది.

ధరలు ఎంతంటే..

హోండా ఎలివేట్​ బుకింగ్స్​ జులైలో మొదలవుతాయి. ధరకు సంబంధించిన వివరాలను సంస్థ ఇంకా ప్రకటించలేదు. కాగా.. పండుగ సీజన్​లో దీనిని లాంచ్​ చేయాలని సంస్థ భావిస్తోంది.

మరోవైపు కియా సెల్టోస్​ ఎక్స్​షోరూం ధర రూ. 10.89లక్షలు- రూ. 19.65లక్షల మధ్యలో ఉంది.