Cars launch in August 2023 : ఆగస్ట్​లో లాంచ్​కు సిద్ధమవుతున్న కార్స్​ ఇవే..!

Cars launch in August 2023 : కియా సెల్టోస్​ ఫేస్​లిఫ్ట్​, హ్యుందాయ్​ ఎక్స్​టర్​తో జులై నెలలో ఆటోమొబైల్​ మార్కెట్​ కళకళలాడిపోయింది. ఇక ఆగస్ట్​ నెలలో కూడా అదిరిపోయే మోడల్స్​ లాంచ్​కు సిద్ధమవుతున్నాయి. వాటి వివరాలను ఇక్కడ తెలుసుకుందాము..

టాటా పంచ్​ సీఎన్​జీ..

2023 జనవరిలో జరిగిన ఆటో ఎక్స్​పోలో పంచ్​ సీఎన్​జీ మోడల్​ను ప్రదర్శించింది టాటా మోటార్స్​. ఇక ఇప్పుడు.. ఈ ఎస్​యూవీ ఆగస్ట్​ మొదటి వారంలో లాంచ్​ అవుతుందని సమాచారం. ఇందులో 1.2లీటర్​, 3 సిలిండర్​ ఇంజిన్​ ఉంటుంది. సీఎన్​జీ మోడ్​లో.. ఇది 77 హెచ్​పీ పవర్​ను, 97ఎన్​ఎం టార్క్​ను జనరేట్​ చేస్తుంది. లేటెస్ట్​ ఐ-సీఎన్​జీ టెక్నాలజీని ఇందులో వాడుతోంది సంస్థ. హ్యుందాయ్​ ఎక్స్​టర్​ సీఎన్​జీ వర్షెన్​కు ఇది గట్టిపోటీనిస్తుంది.

ఆడీ క్యూ8 ఈ-ట్రాన్​..

ఆగస్ట్​లో లగ్జరీ వాహనాలు కూడా సందడి చేయనున్నాయి. వీటిల్లో ఆడీ క్యూ8 ఈ-ట్రాన్​ ఒకటి. ఇది ఇప్పటికే ఇండియాలో ఆవిష్కృతమైంది. ఆడీ ఈ-ట్రాన్​కు ఇది ఫేస్​లిఫ్ట్​ వర్షెన్​. ఈ ఈవీలో 95కేడబ్ల్యూహెచ్​, 114కేడబ్ల్యూ హెచ్​ వంటి రెండు బ్యాటరీ ప్యాక్​ ఆప్షన్స్​ ఉన్నాయి. రెండో బ్యాటరీ రేంజ్​ 600కి.మీలు. ఈ మోడల్​ ఆగస్ట్​ 18న లాంచ్​కానుంది.

ఇదీ చూడండి:- Kia EV5 electric SUV : ఈవీ5 ఎలక్ట్రిక్​ ఎస్​యూవీని త్వరలోనే రివీల్​ చేయనున్న కియా!

టయోటా రూమియన్​..

చిన్న సైజు ఎంపీవీ అయిన రూమియన్​ను ఆగస్ట్​లో ఇండియాలో లాంచ్​ చేసేందుకు టయోటా సంస్థ ఏర్పాట్లు చేసుకుంటోందని టాక్​. ఇది ఇప్పటికే సౌత్​ ఆఫ్రికా మార్కెట్​లో అందుబాటులో ఉంది. ఇందులోని 1.5 లీటర్​ పెట్రోల్​ ఇంజిన్​.. 103 హెచ్​పీ పవర్​ను, 137 ఎన్​ఎం టార్క్​ను జనరేట్​ చేస్తుంది. సీఎన్​జీ వర్షెన్​ కూడా ఉంది. కానీ ఇప్పుడే ఇది లాంచ్​ అవ్వకపోవచ్చు. పూర్తి వివరాల కోసం ఇక్కడ క్లిక్​ చేయండి.

సెకెండ్​ జెన్​ మెర్సిడెస్​ బెంజ్​ జీఎల్​సీ..

ఈ ఎస్​యూవీ.. అంతర్జాతీయ మార్కెట్​లో గతేడాది లాంచ్​ అయ్యిుంది. ఇక ఇండియాలో ఆగస్ట్​ 9న లాంచ్​ అవ్వనుంది. జీఎల్​సీ 300 పెట్రోల్​, జీఎల్​సీ 220డీ డీజిల్​ మోడల్స్​లో ఇది అందుబాటులో ఉండనుంది. 12.3 ఇంచ్​ డిజిటల్​ ఇన్​స్ట్రుమెంట్​ క్లస్టర్​, 11.9 ఇంచ్​ పోట్రైట్​ ఓరియెంటెడ్​ టచ్​స్క్రీన్​ ఉంటాయి.

క్రేటా, అల్కజార్​ కొత్త ఎడిషన్స్​..!

Cars launch in August : క్రేటా, అల్కజార్​ ఎస్​యూవీలు.. హ్యుందాయ్​ మోటార్స్​కు బెస్ట్​ సెల్లింగ్​ మోడల్స్​గా ఉన్నాయి. ఇక ఇప్పుడు.. వీటికి అడ్వెంచర్​ ఎడిషన్స్​ను సంస్థ తీసుకొస్తున్నట్టు తెలుస్తోంది. క్రేటా​ నైట్​ ఎడిషన్​ను ఇది రిప్లేస్​ చేస్తుంది. లాంచ్​ డేట్​పై ఇంకా అధికారిక ప్రకటన రాలేదు.

వోల్వో సీ40 రీఛార్జ్​..

ఈ వోల్వో సీ40 రీఛార్జ్​ అనేది ఒక ఈవీ. ఇండియాలో వోల్వోకు ఇది రెండో ఈవీగా ఉండనుంది. సెప్టెంబర్​లో డెలివరీలు మొదలవుతాయి. ఇందులోని 78కేడబ్ల్యూహెచ్​ బ్యాటరీని ఒక్కసారి ఛార్జ్​ చేస్తే.. 530కి.మీల దూరం ప్రయాణించవచ్చని సంస్థ చెబుతోంది.