iPhone 16 launch : ఐఫోన్​ లవర్స్​ గెట్​ రెడీ! రేపే యాపిల్​ మెగా ఈవెంట్​- పూర్తి వివరాలు..

2024 మచ్​ అవైటెడ్​ ఈవెంట్​కి రంగం సిద్ధమైంది. సెప్టెంబర్​ 9న జరగనున్న ‘గ్లోటైమ్​’ ఈవెంట్​లో ఐఫోన్​ 16 సిరీస్​ని యాపిల్​ సంస్థ లాంచ్​ చేయనుంది. ఈ స్మార్ట్​ఫోన్​ సిరీస్​తో పాటు పలు ఆసక్తికర గ్యాడ్జెట్స్​పై ఈ ఈవెంట్​లో ప్రకటన వెలువడుతుందని అంచనాలు ఉన్నాయి. ఈ నేపథ్యంలో సోమవారం జరగనున్న యాపిల్​ ఈవెంట్​కి సంబంధించిన పూర్తి వివరాలను ఇక్కడ తెలుసుకోండి..

ఐఫోన్​ 16 లాంచ్​- ఎప్పుడు? ఎక్కడ?

ఐఫోన్​ 16 సిరీస్​ లాంచ్​ కోసం 'గ్లోటైమ్' పేరుతో ప్రత్యేక కార్యక్రమాన్ని యాపిల్​ నిర్వహిస్తోంది. ఎప్పటిలాగే కాలిఫోర్నియాలోని యాపిల్ కుపర్టినో పార్క్​లో ఈ ఈవెంట్​ జరుగుతుంది. ఉదయం 10 గంటలకు (ఈటీ మధ్యాహ్నం 1 గంటలకు) ప్రారంభమవుతుంది. అంటే భారత కాలమానం ప్రకారం రాత్రి 10:30 నిమిషాలు.

మీరు యాపిల్ వెబ్​సైట్​, యాపిల్ యూట్యూబ్ ఛానెల్ లేదా యాపిల్ టీవీ యాప్ ద్వారా ఈవెంట్ ప్రత్యక్ష ప్రసారాన్ని చూడవచ్చు.

యాపిల్​ ఈవెంట్​పై భారీ అంచనాలు..

సెప్టెంబర్ 9న 'గ్లోటైమ్' స్పెషల్ ఈవెంట్​ను నిర్వహిస్తున్నట్టు యాపిల్​ సంస్థ ఇటీవలే ప్రకటించినప్పటి నుంచి ఔత్సాహికుల్లో ఆసక్తి, ఉత్కంఠ మరింత పెరిగింది. ఈ ఈవెంట్​లో టెక్ దిగ్గజం యాపిల్ తన కొత్త ఐఫోన్ 16 సిరీస్, యాపిల్​ వాచ్​ సిరీస్ 10ని విడుదల చేసే అవకాశం ఉంది. యాపిల్ తన రాబోయే సాఫ్ట్​వేర్​ అప్డేట్ల విడుదల తేదీలను కూడా ఈ ఈవెంట్​లో వెల్లడించే అవకాశం ఉంది. వీటిలో ఐఓఎస్ 18, ఐప్యాడ్ ఓఎస్ 18, టీవీఓఎస్ 18, వాచ్ఓఎస్ 11, విజన్ఓఎస్ 2, మాక్ఓఎస్ సెకోయా ఉన్నాయి.

సెప్టెంబర్ 9న జరిగే గ్లోటైమ్ ఈవెంట్​లో యాపిల్ చీఫ్ టిమ్ కుక్ నాలుగు కొత్త ఐఫోన్ డివైజ్​లను ఆవిష్కరించే అవకాశం ఉంది. అవి.. ఐఫోన్ 16, ఐఫోన్ 16 ప్లస్, ఐఫోన్ 16 ప్రో, ఐఫోన్ 16 ప్రో మ్యాక్స్.

ముఖ్యంగా, రాబోయే ఐఫోన్ సిరీస్​ స్మార్ట్​ఫోన్స్​పై యాపిల్ చాలా మౌనన్ని పాటిస్తున్నప్పటికీ, పుకార్లు- లీకులు లాంచ్ చేయబోయే పరికరాల గురించి చాలా వివరాలను వెల్లడించాయి.

బ్లూమ్​బర్గ్​ నివేదిక ప్రకారం యాపిల్ ఐఫోన్ 16 ప్రో, ఐఫోన్ 16 ప్రో మ్యాక్స్​లను భారతదేశంలో తయారు చేయనుంది. అందువల్ల, దేశంలో ఈ పరికరాల రిటైల్ ధర తగ్గొచ్చని అంచనాలు ఉన్నాయి.

ప్రీమియం ఐఫోన్ మోడళ్ల స్థానిక అసెంబ్లింగ్ కొత్త ఐఫోన్ 16 ప్రో మోడళ్లకు కనీసం 10 శాతం వరకు ధర తగ్గింపునకు వెసులుబాటును కల్పిస్తుందని నిపుణులు చెబుతున్నారు.

ఐఫోన్​ 16లో ఏ స్పెసిఫికేషన్స్ ఆశించవచ్చు?

• పెద్ద డిస్​ప్లే: ఐఫోన్ 16 ప్రో, ఐఫోన్ 16 ప్రో మ్యాక్స్ మునుపటి కంటే 6.3 ఇంచ్​ (6.1 ఇంచ్​ నుంచి పైకి), 6.9 ఇంచ్​ (6.7 ఇంచ్​ నుంచి పైకి) డిస్​ప్లేతో వచ్చే అవకాశం ఉంది.
• ఐఫోన్ 16 ప్రో మోడళ్ల కోసం యాపిల్ కొత్త బోర్డర్ రిడక్షన్ స్ట్రక్చర్ (బీఆర్ఎస్) టెక్నాలజీని ఉపయోగిస్తుందని, దీని ఫలితంగా గత సంవత్సరం ప్రో మోడళ్లతో పోలిస్తే స్లిమ్ బెజెల్స్ ఉండవచ్చని పుకార్లు వచ్చాయి.
• ప్రాసెసర్: యాపిల్ ఐఫోన్ 16 ప్రో మోడళ్లలో ఏ18 ప్రో చిప్సెట్లతో పనిచేస్తుందని భావిస్తున్నారు. స్టాండర్డ్ ఐఫోన్ 16 వేరియంట్లలో ఏ18 చిప్ సెట్ (తక్కువ క్లాక్ స్పీడ్) ఉండే అవకాశం ఉంది.
• కొత్త కలర్: బ్లూ, గ్రీన్, పింక్, వైట్, బ్లాక్ కలర్స్​తో ఈ ఫోన్లు లభ్యం కానున్నాయి. ఐఫోన్ 16 ప్రో సిరీస్​కి యాపిల్ కొత్త గోధుమ రంగు షేడ్​ని జోడించాలని చూస్తోందని లీకులు సూచిస్తున్నాయి, దీనిని డెసర్ట్ టైటానియం అని పిలుస్తారు.
• కెమెరా: ఐఫోన్ 16 ప్రో మ్యాక్స్​లో మెరుగైన 48 మెగాపిక్సెల్ అల్ట్రా-వైడ్ యాంగిల్ కెమెరా ఉండనున్నట్లు సమాచారం. ఐఫోన్ 15 ప్రో మ్యాక్స్ టెట్రాప్రిజం టెలిఫోటో లెన్స్​ కూడా ఇందులో కొనసాగే అవకాశం ఉంది.
• బ్యాటరీ: ఇందులో 4,676 ఎంఏహెచ్ బ్యాటరీ ఉండొచ్చు!
• స్టోరేజ్: ఐఫోన్ 16 ప్రో మ్యాక్స్ 256 జీబీ బేస్ స్టోరేజ్​తో ప్రారంభమవ్వొచ్చు. ఐఫోన్ 15 ప్రో మ్యాక్స్ మాదిరిగానే 128 జీబీ వేరియంట్​ ఉండకపోవచ్చు.