Bajaj Chetak electric scooter : 2024 బజాజ్​ చేతక్​ ఎలక్ట్రిక్​ స్కూటర్​ లాంచ్​..

Bajaj Chetak electric scooter 2024 : బజాజ్​ చేతక్​ ఎలక్ట్రిక్​ స్కూటర్​కి చెందిన 2024 వర్షెన్​ని లాంచ్​ చేసింది బజాజ్​ ఆటో. ఇందులో కొన్ని కొత్త ఫీచర్స్​ వస్తున్నాయి. అంతేకాకుడా ఈ ఈ-స్కూటర్​ పర్ఫార్మెన్స్​ కూడా మెరుగుపడింది. ఈ నేపథ్యంలో 2024 బజాజ్​ చేతక్​ ఈవీ విశేషాలను ఇక్కడ తెలుసుకుందాము..

బజాజ్​ చేతక్​ ఎలక్ట్రిక్​ స్కూటర్​..

బజాజ్​ చేతక్​ ఈ-స్కూటర్​ కొత్త వర్షెన్​లో హై టెక్​ ఫీచర్స్​ ఉన్నాయి. 5 ఇంచ్​ టీఎఫ్​టీ డిస్​ప్లే వస్తోంది. ఇందులోనే.. టర్న్​ బై టర్న్​ నేవిగేషన్​, మ్యూజిక్​ కంట్రోల్​, కాల్​ మేనేజ్​మెంట్​, కస్టమైజ్​డ్​ డిస్​ప్లే థీమ్స్​ వంటివి కనిపిస్తున్నాయి.

ఇక 2024 బజాజ్​ చేతక్​ ఎలక్ట్రిక్​ స్కూటర్​లో 3.2 కేడబ్ల్యూహెచ్​ బ్యాటరీ ప్యాక్​ వస్తోంది. దీనిని ఒక్కసారి ఛార్జ్​ చేస్తే.. 127 కిమీల దూరం ప్రయాణిస్తుంది. దీనిని ఏఆర్​ఏఐ సర్టిఫికేషన్​ లభిస్తోంది. ఇక ఈ ఎలక్ట్రిక్​ స్కూటర్​ టాప్​ స్పీడ్​ 73 కేఎంపీహెచ్​.

2024 Bajaj Chetak electric scooter launch : కొత్త బజాజ్​ చేతక్​కి 800వాట్​ ఛార్జింగ్​ సపోర్ట్​ లభిస్తోంది. దీనిని 30 నిమిషాలు ఛార్జ్​ చేస్తే.. 15.6కి.మీల దూరం ప్రయాణించవచ్చు. ఇక టెక్​ప్యాక్​ అనే ఫీచర్​ ఆప్షనల్​గా వస్తోంది. చేతక్​ యాప్​లో దీనిని యాక్సెస్​ చేసుకోవచ్చు. హిల్​ హోల్డ్​ మోడ్​, రివర్స్​ మోడ్స్​ ఇందులో ఉన్నాయి.

2024 బజాజ్​ చేతక్​ ఎలక్ట్రిక్​ స్కూటర్​ ఫ్రెంట్​ వీల్​కి డిస్క్​/ డ్రమ్​- రేర్​ వీల్​కి డ్రమ్​ బ్రేక్స్​ వస్తున్నాయి. సీబీఎస్​ కూడా లభిస్తోంది. సస్పెన్షన్​ విషయానికొస్తే.. ఫ్రెంట్​ వీల్​కి సింగిల్​ సైడెడ్​ ఫోర్క్​, రేర్​లో మోనోషాక్​ అబ్సార్బర్స్​ వస్తున్నాయి.

బజాజ్​ చేతక్​ ఎలక్ట్రిక్​ స్కూటర ధర..

2024 బజాజ్​ చేతక్​ ఈ-స్కూటర్​లో రెండు వేరియంట్లు ఉన్నాయి. అవి.. అర్బేన్​, ప్రీమియం. వాటి ఎక్స్​షోరూం ధరలు వరుసగా.. రూ. 1.15లక్షలు, రూ. 1.35లక్షలు.

Bajaj Chetak electric scooter 2024 price : స్టైలిష్​ అఫార్డిబుల్​ ఎలక్ట్రిక్​ స్కూటర్​ కావాలంటే.. బజాజ్​ చేతక్​ మంచి ఆప్షన్​ అవుతుందని ఆటో నిపుణులు చెబుతున్నారు. ఇక ఈ మోడల్​లో కోర్సే గ్రే, మెటాలిక్​ బ్లూ, సైబర్​ వైట్​, బ్రోక్లీన్​ బ్లాక్​ వంటి కలర్​ ఆప్షన్స్​ లభిస్తున్నాయి.

2019లో తొలిసారి ఈ చేతక్​ ఈ-స్కూటర్​ ఇండియాలో అడుగుపెట్టింది. 140 నగరాల్లో లక్షకుపైగా యూనిట్స్​ అమ్ముడుపోయాయి. ఇక కొత్త వర్షెన్​కు డిమాండ్​ మరింత ఎక్కువగా ఉంటుందని సంస్థ భావిస్తోంది.

Bajaj Chetak electric scooter price in Hyderabad : ఇండియా ఎలక్ట్రిక్​ 2 వీలర్​ మార్కెట్​లో తీవ్రమైన పోటీ కనిపిస్తోంది. డిమాండ్​ని క్యాష్​ చేసుకునేందుకు ఆటోమొబైల్​ సంస్థలు పోటీ పడుతున్నాయి. ఈ నేపథ్యంలో ప్రజలకు మంచి మంచి ఆప్షన్స్​ లభిస్తున్నాయి. ఆ ఆప్షన్స్​లో ఒకటి ఈ బజాజ్​ చేతక్​ ఎలక్ట్రిక్​ స్కూటర్​!