Andhra Pradesh News Live November 27, 2024: CM Chandrababu : ఇసుక రీచ్‌లలో స్వయంగా ఇసుక తవ్వి తీసుకెళ్లేందుకు అనుమతి- సీఎం చంద్రబాబు

Araku Trains : అరకు వెళ్లే పర్యాటకులకు ఈస్ట్ కోస్ట్ రైల్వే గుడ్ న్యూస్ చెప్పింది. అరకు టూరిస్ట్ రైళ్లకు అదనపు విస్టాడోమ్ కోచ్ లను ఏర్పాటు చేయాలని నిర్ణయించింది. విశాఖపట్నం-కిరండూల్-విశాఖపట్నం రైలుకు అదనపు విస్టాడోమ్ కోచ్‌ను జోడించనున్నారు.

AP Cyclone Rains : నైరుతి బంగాళాఖాతంలోని తీవ్ర వాయుగుండం ఇవాళ రాత్రికి తుపానుగా బలపడే అవకాశం ఉందని ఐఎండీ ప్రకటించింది. తుపాను ప్రభావంతో రేపటి నుంచి మూడ్రోజుల పాటు కోస్తాంధ్ర, రాయలసీమలో భారీ నుంచి అతి భారీ వర్షాలు పడే అవకాశం ఉందని వాతావరణ శాఖ తెలిపింది.

Priyanka Jain Tirumala Prank Video : బిగ్ బాస్ ఫేమ్ ప్రియాంక జైన్ జంట వివాదంలో చిక్కుకున్నారు. తిరుమల నడక మార్గంలో చిరుత వచ్చిందంటూ ప్రాంక్ వీడియో చేశారు. ఈ ప్రాంక్ వీడియో వైరల్ అయ్యింది. తిరుమల లాంటి పవిత్ర ప్రదేశంలో ఇలాంటి వీడియోలు ఏంటని నెటిజన్లు మండిపడుతున్నారు.

AP Govt On Ganja Control : ఏపీలో గంజాయి అరికట్టడానికి రాష్ట్ర ప్రభుత్వం కీలక నిర్ణయం తీసుకుంది. గంజాయి విక్రయించే వారి కుటుంబాలకు సంక్షేమ పథకాలు రద్దు చేయాలని నిర్ణయించింది. అలాగే నార్కోటిక్స్ టాస్క్ ఫోర్స్ కు ఈగల్ అని నామకరణం చేశారు.

Visakha Airport Lizards Seize : విశాఖ ఎయిర్ పోర్టులో అరుదైన బ్లూ టంగ్ లిజర్డ్స్ ను పట్టుకున్నారు. థాయిలాండ్ నుంచి వచ్చిన ఇద్దరు ప్రయాణికుల వద్ద ఆరు లైవ్ లిజర్డ్స్ ను స్వాధీనం చేసుకున్నారు. వారిద్దరినీ అరెస్టు చేసి, విచారణ చేస్తున్నారు.

Ration Dealer Jobs : ఎన్టీఆర్ జిల్లా తిరువూరు రెవెన్యూ డివిజన్ లోని ఐదు మండలాల్లో 22 రేషన్ డీలర్ల నియామకానికి దరఖాస్తులు ఆహ్వానించారు. డిసెంబర్ 5వ తేదీ లోపు అర్హులైన అభ్యర్థులు దరఖాస్తు చేసుకోవాలని తెలిపారు. రాత ప‌రీక్ష‌, ఇంట‌ర్వ్యూలు ద్వారా ఎంపిక ఉంటుంది.