Hyderabad : రామంతాపూర్‌లో పేలిన ఎలక్ట్రిక్ బైక్ - పక్కన ఉన్న మరో 8 బైక్ లు దగ్ధం..!

హైదరాబాద్ రామంతాపూర్‌లో ఓ ఇంట్లో భారీ అగ్ని ప్రమాదం చోటు చేసుకుంది. ఎలక్ట్రిక్ బైక్  బ్యాటరీ ఒక్కసారిగా పేలి మంటలు చెలరేగాయి. దీంతో ఆ పక్కనే పార్కింగ్ లో ఉన్న మరో 8 బైక్ లకు మంటలు వ్యాపించాయి.

బుధవారం తెల్లవారుజామున మూడు గంటల సమయంలో వివేక్ నగర్ లో ఈ ఘటన చోటు చేసుకుంది. మంటలను అదుపు చేసేందుకు స్థానికులు ప్రయత్నించారు. అప్పటికే పూర్తిగా బైకులు దగ్ధమయ్యాయి. కేసు నమోదు చేసుకున్న ఉప్పల్ పోలీసులు… అన్ని కోణాల్లో దర్యాప్తు చేస్తున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది.