WhatsApp Companion mode, DND feature: కంపానియన్ మోడ్, డీఎన్డీ ఫీచర్తో వాట్సాప్
26 September 2022, 17:07 IST
- WhatsApp Companion mode, DND feature: వాట్సాప్ కొత్తగా కంపానియన్ మోడ్, డీఎన్డీ ఫీచర్లను తెస్తోంది.
మరో రెండు కొత్త ఫీచర్లతో వాట్సాప్
WhatsApp Companion mode, DND feature: వాట్సాప్ మెసేజింగ్ ప్లాట్ఫారమ్ ఆండ్రాయిడ్ కోసం రెండు కొత్త ఫీచర్లను పరీక్షిస్తున్నట్లు సమాచారం. మొదటిది ఆండ్రాయిడ్ టాబ్లెట్ కోసం కంపానియన్ మోడ్ సపోర్ట్. ఇక మిస్డ్ కాల్ నోటిఫికేషన్ల విషయంలో ‘డు నాట్ డిస్టర్బ్ ఏపీఐ’ పేరుతో మరొక ఫీచర్ తీసుకొస్తోంది.
ఈ కంపానియన్ మోడ్ వినియోగదారులు వారి ప్రాథమిక ఫోన్లో వాట్సాప్తో పాటు అనుబంధంగా రెండో డివైజ్పై వాట్సాప్ వినియోగించడానికి, వివిధ స్మార్ట్ఫోన్లు , టాబ్లెట్లలో అదే ఖాతాను యాక్సెస్ చేయడానికి అనుమతిస్తుంది. డు నాట్ డిస్టర్బ్ మోడ్ కారణంగా మిస్డ్ కాల్ నోటిఫికేషన్ ఆఫ్లో ఉంటుంది.
వాట్సాప్ ఫీచర్ ట్రాకర్ డబ్ల్యూఏబీటాఇన్ఫో రిపోర్ట్ ప్రకారం.. ఆండ్రాయిడ్ 2.22.21.6 కోసం వాట్సాప్ కొన్ని బీటా పరీక్షకులకు అందుబాటులోకి వస్తోంది. ఈ అప్డేట్ ఆండ్రాయిడ్ టాబ్లెట్ల కోసం కంపానియన్ మోడ్ను తీసుకువస్తుంది. వ్యక్తులు వారి వాట్సాప్ ఖాతాను టాబ్లెట్కి లింక్ చేయడానికి వీలుగా కంపానియన్ మోడ్ యొక్క నిర్దిష్ట వెర్షన్ను విడుదల చేస్తోంది.
ఒక వినియోగదారు టాబ్లెట్తో సహా గరిష్టంగా నాలుగు డివైజెస్లో ఒకే ఖాతాను ఉపయోగించవచ్చు. WhatsApp ఖాతాను Android టాబ్లెట్కి లింక్ చేయడానికి, వినియోగదారులు WhatsApp సెట్టింగ్లు> లింక్డ్ పరికరాలను తెరిచి QR కోడ్ని స్కాన్ చేయవచ్చు. ఇది వివిధ Android హ్యాండ్సెట్లలో సదరు ఖాతాను యాక్సెస్ చేయడానికి వినియోగదారులను అనుమతిస్తుంది. వినియోగదారులు ఒక ఫోన్ నుండి మరొక ఫోన్లో వాట్సాప్ను ఉపయోగించడానికి లాగ్ అవుట్ చేయవలసిన అవసరం లేదు. ఇంకా, వాట్సాప్ కంపానియన్ మోడ్కు మారడం వల్ల స్థానికంగా నిల్వ అయిన సందేశాలు, డేటా చెరిగిపోతుందని నివేదిక తెలిపింది.
WhatsApp do not disturb feature: వాట్సాప్ డు నాట్ డిస్టర్బ్
ఈ ఫీచర్ అభివృద్ధిలో ఉంది. కాల్ మిస్ అయినప్పుడు, ఫోన్ do not disturb మోడ్లో ఉంటే.. కాల్ ఎందుకు మిస్ అయిందనేది సంభాషణ, కాల్ హిస్టరీ విభాగంలో హైలైట్ అవుతుంది.