Flex fuel car launch in India : ‘ఫ్లెక్స్​ ఫ్యూయెల్’​ కారు అంటే ఏంటి?

Flex fuel cars in India : ఇండియాలో తొలి ఫ్లెక్స్​ ఫ్యూయెల్​ కారు బుధవారం లాంచ్​ కానుంది. ఈ ఫ్లెక్స్​ ఫ్యూయెల్​ కారును టయోటా సంస్థ.. ఇండియాకి తీసుకురానుంది. అసలు ఈ ఫ్లెక్స్​ ఫ్యూయెల్​ కారు అంటే ఏంటి? దీనితో ప్రత్యేకంగా ఉపయోగాలు ఏమైనా ఉన్నాయా?

ఫ్లెక్స్​ ఫ్యూయెల్​ టెక్నాలజీ అంటే ఏంటి?

పేరుకు తగ్గట్టుగానే.. ఇందులో ఇంధనం ఆప్షన్లు ఫ్లెక్సిబుల్​గా ఉంటాయి. పెట్రోల్​ వాహనాల్లో పెట్రోల్​ మాత్రమే పోయాల్సి ఉంటుంది. అయితే.. ఫ్లెక్స్​ ఫ్యూయెల్​ కారులో 83శాతం వరకు పెట్రోల్​, ఇథనాల్​ కలయికతో కూడిన ఇంధనాన్ని వినియోగించుకోవచ్చు. 

What is a flex fuel car : ఇతర వాహనలతో పోల్చితే.. ఫ్లెక్స్​ ఫ్యూయెల్​ కార్లు సమర్థవంతమైనవిగా గుర్తింపు పొందాయి. వీటితో యాక్సలరేషన్​ పర్ఫార్మెన్స్​ కూడా మెరుగుపడినట్టు నివేదికలు చెబుతున్నాయి.

పెట్రోల్​ కార్లకు.. ఫ్లెక్స్​ ఫ్యూయెల్​కు తేడా ఏంటి?

ఈ రెండు వాహనాలు ఇంచుమించు ఒకే విధంగా ఉంటాయి. అయితే.. ఈ ఫ్లెక్స్​ ఫ్యూయెల్​ కారులోని ఇంటర్నల్​ కంబషన్​ ఇంజిన్​లో పెట్రోల్​, లేదా ఇథనాల్​తో కూడుకున్న దాని మిశ్రమాన్ని వినియోగించవచ్చు.

Features of Flex fuel car : ఇందుకోసం ఫ్యూయెల్​ పంపు, ఫ్యూయెల్​ ఇంజక్షన్​ సిస్టమ్​లో పలు మార్పులు చేస్తారు. ఇథనాల్​లో అధిక మొత్తంలో ఉండే ఆక్సీజన్​ను తీసుకునేందుకు.. ఫ్లెక్స్​ ఫ్యూయెల్​ వాహనాల్లో ఇంజిన్​ కంట్రోల్​ మాడ్యూల్​ను ఏర్పాటు చేశారు. ఫ్యూయెల్​ మిశ్రమం, ఇగ్నీషన్​ టైమింగ్​, ఎమిషన్​ సిస్టమ్​లను ఇది పర్యవేక్షిస్తుంది. వెహికిల్​ ఆపరేషన్​, ఇంజిన్​ సెఫ్టీ వంటిని కూడా ఈ కంట్రోల్​ మాడ్యూల్​ చూసుకుంటుంది.

ఫ్లెక్స్​ ఫ్యూయెల్​ కార్లతో ప్రయోజనం ఉందా?

పెట్రోల్​ ధరలు ఎప్పటికప్పుడు పెరుగుతూ ఉంటాయి. ఫలితంగా ప్రజల జేబుకు చిల్లు పడుతూనే ఉంటుంది. ఫ్లెక్స్​ ఫ్యూయెల్​ కార్లలో ఇథనాల్​ని కూడా వాడుకోవచ్చు కాబట్టి, పెట్రోల్​పై ఖర్చులను తగ్గించుకోవచ్చు. ఇండియాలో.. పెట్రోల్​తో పోల్చుకుంటే ఇథనాల్​ ధర చాలా చవకగా ఉంది.

ఫ్లెక్స్​ ఫ్యూయెల్​ కార్ల వినియోగం పెరిగితే.. పెట్రోల్​ దిగుమతులను కూడా తగ్గించుకోవచ్చు!

India's first flex fuel car : ఈ తరహా ఫ్లెక్స్​ ఫ్యూయెల్​ కార్లు.. అమెరికా, బ్రెజిల్​, కెనడా రోడ్ల మీద ఉన్నాయి. 2018 నాటికి.. అమెరికాలో 21మిలియన్​ ఫ్లెక్స్​ ఫ్యూయెల్​ కార్లు ఉన్నట్టు ఓ నివేదిక వెల్లడించింది.

ఇక ఇప్పుడు.. ఈ ఫ్లెక్స్​ ఫ్యూయెల్​ కార్లు ఇండియాలోకి కూడా ప్రవేశిస్తున్నాయి. ప్రస్తుతం.. ఈ తరహా కార్లను టయోటా అమ్ముతోంది. అయితే.. టయోటాకు పోటీగా ఇతర ఆటో సంస్థలు కూడా ఫ్లెక్స్​ ఫ్యూయెల్​ వాహనాలను తీసుకొచ్చేందుకు ప్రణాళికలు రచిస్తున్నాయి.