IRCTC Northeast India tour package : ఈశాన్య భారతం చూడాలని ఉందా? ఇదిగో ప్యాకేజీ
10 September 2022, 7:55 IST
- IRCTC Northeast air tour package : ఈశాన్య భారతానికి ఎయిర్ టూర్ని ప్రకటించింది ఐఆర్సీటీసీ. ఆ వివరాలను ఇక్కడ చూడండి.
ఈశాన్య భారతం చూడాలని ఉందా? ఇదిగో ప్యాకేజీ
IRCTC Northeast India tour package : కొండ ప్రాంతాల్లో ప్రకృతి అందాలు చూసేందుకు తహతహలాడుతున్నారా? దీని కోసం ఈశాన్య భారతానికి మించిన టూరిస్ట్ స్పాట్ ఏముంటుంది? మీ కోరికలకు తగ్గట్టుగానే.. సరికొత్త టూర్ ప్యాకేజీతో వచ్చేసింది ఐఆర్సీటీసీ. ఇది ఎయిర్ టూర్ ప్యాకేజీ కావడం విశేషం. బగ్డోగ్ర, డార్జిలింగ్, గ్యాంగ్టక్, కలింపాంగ్ ప్రాంతాలను మీరు చుట్టేయవచ్చు. ఈ ఎయిర్ టూర్ ప్యాకేజీ.. 5 రాత్రుళ్లు, 6 రోజులు ఉంటుంది.
అక్టోబర్లో రెండు టూర్స్ను ఏర్పాటు చేసింది ఐఆర్సీటీసీ. మొదటిది అక్టోబర్ 1న ప్రారంభమవుతుంది. రెండోవది.. అక్టోబర్ 31న మొదలవుతుంది.
IRCTC Northeast air tour package : ఢిల్లీ నుంచి ఈ ఎయిర్ టూర్ షురూ అవుతుంది. ఫ్లైట్ నెం జీ8 153లో ప్రయాణికులు.. బగ్డోగ్ర విమానాశ్రయానికి వెళతారు. ఎయిర్ టూర్లో భాగంగా తొలిరోజు కలింపాంగ్ను కవర్ చేస్తారు. హోటల్ సమిట్ లిల్లియం అండ్ స్పా లేదా హోటల్ గార్డెన్ రీచ్లో మీకు స్టే లభిస్తుంది. డిన్నర్ సదుపాయం కూడా ఉంటుంది.
ఐఆర్సీటీటీ ఎయిర్ టూర్లో రెండో రోజు.. కలింపాంగ్తో పాటు గ్యాంగ్టక్ను సందర్శిస్తారు. డిన్నర్, బ్రేక్ఫాస్ట్ హోటళ్లల్లో లభిస్తుంది. కలింపాంగ్లో పైన్ వ్యూ ఫ్లవర్ నర్సరీ, గోల్ఫ్ కోర్స్, డర్బిన్ ధారా హిల్స్ని వీక్షిస్తారు. మధ్యాహ్నానికి గ్యాంగ్టక్ వెళతారు. హోటల్ సమిట్ గోల్డన్ లేదా హోటల్ సమిట్ డెన్జాంగ్లో బస చేస్తారు. డిన్నర్ సదుపాయం కూడా ఉంటుంది.
ఐఆర్సీటీసీ ఎయిర్ టూర్లో మూడో రోజున గ్యాంగ్టక్లోని సమ్గో లేక్, బాబా హర్భజన్ మెమోరియల్ని సందర్శిస్తారు. బ్రేక్ఫాస్ట్, డిన్నర్ ప్యాకేజీలోనే లభిస్తుంది.
IRCTC tourism packages : నాలుగో రోజు.. ఎన్చె మొనాస్ట్రీ, హనుమాన్ టక్, గణేశ్ టక్, టషి వ్యూ పాయింట్, ఫ్లవర్ ఎగ్జిబిషన్ షో వంటివి వీక్షిస్తారు. ఆ తర్వాత.. డార్జిలింగ్కి వెళతారు. సమిట్ గ్రేస్ హోటల్ లేదా హోటల్ సమిట్ స్విస్లో బస చేస్తారు.
ఇక ఐఆర్సీటీసీ ఎయిర్ టూర్ ఐదో రోజు భాగంగా.. టైగర్ హిల్స్, మౌంట్ గంచెన్డ్జొంగపై సూర్యోదయాన్ని వీక్షిస్తారు. ఘూమ్ మొనాస్ట్రీ, బటాషియా లూప్ను కవర్ చేస్తారు. జపనీస్ టెంపుల్, పీఎన్ జూలాజికల్ పార్క్, టిబెటిన్ రెఫ్యూజీ సెల్ఫ్ హెల్ప్ సెంటర్, టెంజింగ్ రాక్, టీ గార్డెన్ను సందర్శిస్తారు.
ఇక ఈ ఎయిర్ టూర్లో చివరి రోజున.. డార్జిలింగ్ నుంచి బాగ్డోగ్రా విమానాశ్రయానికి వెళతారు. అక్కడి నుంచి ఢిల్లీకి విమానంలో బయలుదేరుతారు. అక్కడితో ఐఆర్సీటీసీ టూర్ ముగుస్తుంది.
IRCTC latest tour packages in telugu : ఈ ఐఆర్సీటీసీ టూర్ ప్యాకేజీలో ఫ్లైట్ రేట్లు, భోజనం, హోటల్స్, స్థానిక ప్రయాణాలు, ట్రావేల్ ఇన్షూరెన్స్ వంటివి కలుపుకునే ఉంటాయి. ఈ ప్యాకేజీ ధర.. రూ. 39,700 నుంచి ప్రారంభమవుతుంది. మరిన్ని వివరాల కోసం ఐఆర్సీటీసీ అధికారిక వెబ్సైట్ను చూడాల్సి ఉంటుంది. (https://www.irctctourism.com/pacakage_description?packageCode=NDA23)
- ఐఆర్సీటీసీ అండమాన్ టూర్ ప్యాకేజీ కోసం ఇక్కడ క్లిక్ చేయండి.
- ఐఆర్సీటీసీ కశ్మీర్ టూర్ ప్యాకేజీ కోసం ఇక్కడ క్లిక్ చేయండి.
- ఐఆర్సీటీసీ కేరళ టూర్ ప్యాకేజీ కోసం ఇక్కడ క్లిక్ చేయండి.