Hotel manager kills wife : లవర్ గురించి తెలిసిపోయిందని.. భార్యను చంపేసిన భర్త!
21 January 2024, 11:55 IST
- Hotel manager kills wife : లవర్ గురించి తెలిసిపోయిందని, ఓ వ్యక్తి తన భార్యను చంపేశాడు. సౌత్ గోవాలో జరిగింది ఈ ఘటన.
లవర్ గురించి తెలిసిపోయిందని.. భార్యను చంపేసిన భర్త!
Hotel manager kills wife in Goa : గోవాలో దారుణ ఘటన వెలుగులోకి వచ్చింది. తన లవ్ ఎఫైర్ గురించి తెలిసిపోయిందన్న కారణంతో.. ఓ లగ్జరీ హోటల్ మేనేజర్, అతని భార్యను చంపేశాడు. అనంతరం.. ఆ హత్యను ప్రమాదంగా చిత్రీకరించే ప్రయత్నం చేసి పోలీసులకు దొరికిపోయాడు.
ఇదీ జరిగింది..
29ఏళ్ల గౌరవ్ కతియార్.. సౌత్ గోవా కోల్వాలోని మారియట్ ఇంటర్నేషనల్ హోటల్లో మేనేజర్గా పనిచేస్తున్నాడు. కాగా.. లక్నోవాసి గౌరవ్కు ఏడాది క్రితం దీక్షా గంగ్వార్తో పెళ్లి జరిగింది. కానీ వారి మధ్య బంధం సరిగ్గా లేదని తెలుస్తోంది. ఈ నేపథ్యంలోనే.. మరో మహిళతో గౌరవ్ ప్రేమలో ఉన్నట్టు దీక్షకు తెలిసిందని సమాచారం. అనంతరం.. వారి మధ్య దూరం మరింత పెరిగింది.
తన వివాహేతర సంబంధానికి అడ్డుగా ఉందన్న కారణంగా.. దీక్షను చంపేందుకు ప్లాన్ చేశాడు గౌరవ్. గత శుక్రవారం.. భార్యను కాబో డే రామ బీజ్కు తీసుకెళ్లాడు. ఇద్దరు కలిసి బీచ్ వరకు వెళ్లాడు. అక్కడ.. ఆమెను నీటిలో ముంచి చంపేశాడు. ఎవరు చూడలేదు, అనుకుని అక్కడి నుంచి వెళ్లిపోయేందుకు ప్రయత్నించాడు. కానీ అతను చేసిన తప్పు బయటపడటానికి ఎక్కువ సమయం పట్టలేదు.
Hotel manager kills wife : గౌరవ్, తన భార్యను తీసుకుని బీచ్ వరకు వెళ్లడాన్ని.. అక్కడే ఉన్న కొందరు టూరిస్ట్లు చూశారు. గౌరవ్, దీక్షా కలిసి నీటిలో దిగడాన్ని చూశారు. కొంతసేపటికి.. గౌరవ్ ఒక్కడే, బీచ్ నుంచి బయటకు వెళుతుండటాన్ని గమనించి, అనుమానం వ్యక్తం చేశారు. భార్యతో వచ్చిన గౌరవ్.. సోలోగా బయటకు వెళుతుండటాన్ని వీడియో తీశారు. ఇంతలో.. గౌరవ్ మళ్లీ బీచ్ లోపలికి వెళ్లాడు. తన భార్య బతికే ఉందా? లేక మరణించిందా? అని చూసి, అక్కడి నుంచి వెళ్లిపోయాడు.
ఎలా తెలిసిందో కానీ.. ఈ వ్యవహారం పోలీసుల దృష్టికి వెళ్లింది. దీక్షా మృతదేహాన్ని బీచ్ నుంచి స్వాధీనం చేసుకున్నారు పోలీసులు. ఘటనపై దర్యాప్తు చేపట్టగా.. వ్యవహారం గౌరవ్ వరకు వెళ్లింది. ఈ క్రమంలో చేసిన తప్పును చెప్పకుండా.. తొలుత పోలీసులను తప్పుదోవ పట్టించాడు గౌరవ్. తన భార్య.. ప్రమాదవశాత్తు నీటిలో మునిగిపోయిందని చెప్పాడు.
Goa crime news : కాగా.. మహిళ మృతదేహాన్ని పోస్టుమార్టం కోసం తరలించారు పోలీసులు. అదే సమయంలో.. ఆమె శరీరంపై కొన్ని మార్క్స్ కనిపించాయి. ఎవరో గొంతు నులిమి చంపి ఉంటారని అనుమానించారు. అదే సమయంలో.. ఆ రోజు బీచ్లో ఉన్న కొందరు టూరిస్ట్లను విచారించారు పోలీసులు. గౌరవ్పై వారికి ఉన్న అనుమానాన్ని చెబుతూ.. వారి తీసిన వీడియోను చూపించారు. గౌరవ్ దొరికిపోయాడు.
గౌరవ్ని పోలీసులు అరెస్ట్ చేశారు. విచారణలో భాగంగా.. గౌరవ్ నిజాన్ని ఒప్పుకున్నట్టు తెలుస్తోంది. వివాహేతర సంబంధం నేపథ్యంలోనే భార్యను చంపినట్టు, గౌరవ్.. పోలీసులకు చెప్పాడని తెలుస్తోంది.
గౌరవ్పై కేసు నమోదు చేసుకుని.. ఘటనపై దర్యాప్తు చేపట్టినట్టు పోలీసులు వివరించారు.