Go First flight : ప్రయాణికులను ఎక్కించుకోకుండానే వెళ్లిపోయిన విమానం!
10 January 2023, 13:28 IST
Go First flight : ప్రయాణికులను ఎక్కించుకోకుండా.. ఓ విమానం వెళ్లిపోయిన ఘటన బెంగళూరు విమానాశ్రయంలో చోటుచేసుకుంది. సంబంధిత విమానం.. గో ఫస్ట్ ఎయిర్లైన్స్కు చెందినది. 55మంది ప్రయాణికులు.. ఈ ఘటనతో తీవ్రంగా ఇబ్బంది పడ్డారు.
ప్రయాణికులను ఎక్కించుకోకుండానే వెళ్లిపోయిన విమానం!
Go First flight forgets passengers : గో ఫస్ట్ ఎయిర్లైన్స్కు చెందిన ఓ విమానం.. 50మంది ప్రయాణికులను ఎక్కించుకోకుండానే టేకాఫ్ అయ్యింది. ఫలితంగా ప్రయాణికులు తీవ్ర ఇబ్బందులకు గురయ్యారు. ఈ ఘటనపై నివేదిక సమర్పించాలని ఏవియేషన్ రెగ్యులేటర్ డీజీసీఏ.. గో ఫస్ట్ ఎయిర్లైన్స్ను ఆదేశించింది.
Rain alert : తెలంగాణ, ఆంధ్రలో మరో వారం రోజుల పాటు వర్షాలు- ఆ ప్రాంతాల్లో మాత్రం..
Woman muscular photo: కండలు తిరిగిన యువతిపై ట్రోలింగ్.. అబ్బాయిలకు దిమ్మతిరిగే జవాబు ఇచ్చిన కోచ్
Diabetes medicine price cut: గుండెజబ్బులు, డయాబెటిస్ మందుల ధరలను తగ్గించిన ప్రభుత్వం
Uber ride horror: కారులో ఉబర్ డ్రైవర్ హస్తప్రయోగం; భయాందోళనలకు గురైన మహిళ
అసలేం జరిగిందంటే..
గో ఫస్ట్కు చెందిన ఫ్లైట్ జీ8 116.. బెంగళూరు కెంపగౌడ విమానాశ్రయం నుంచి సోమవారం ఉదయం 6:30 గంటల ప్రాంతంలో ఢిల్లీకి టేకాఫ్ అయ్యింది. కాగా.. అంతకుముందు ప్రయాణికులను నాలుగు బస్సుల్లో విమానం వద్దకు తీసుకెళ్లారు. విమానం వెళ్లిపోయినప్పటికీ.. ఓ బస్సులో ప్రయాణికులు ఉండిపోయారు. ఆ బస్సులో మొత్తం 55మంది ఉన్నట్టు తెలుస్తోంది.
Go First flight G8 116 : ఈ ఘటన నేపథ్యంలో ప్రయాణికులు.. గో ఫస్ట్ ఎయిర్లైన్స్పై ట్విట్టర్ వేదికగా తీవ్రస్థాయిలో మండిపడ్డారు. "మా వద్ద బోర్డింగ్ పాస్లు ఉన్నాయి. మా లగేజ్ని కూడా చెక్ చేశారు. అయినా మేము విమానం ఎక్కలేదు. అది వెళ్లిపోయింది," అంటూ.. ఓ ప్రయాణికుడు.. సివిల్ ఏవియేషన్ మినిస్టర్ జ్యోతిరాదిత్య సింథియా, ప్రధాని మోదీ కార్యాలయానికి సంబంధించిన ట్విట్టర్ ఖాతాలను ట్యాగ్ చేశాడు.
"చాలా దారుణమైన అనుభవం. ఉదయం 5:35 గంటలకు బస్సు ఎక్కాము. 50 మందిని ఒకే బస్సులో ఎక్కించారు. ఓ గేట్ దగ్గర ఆపేశారు. 6:30కి మేము లేకుండానే విమానం వెళ్లిపోయింది," అని ఓ మహిళ ట్వీట్ చేసింది.
Go First flight latest news : "విమానం టేకాఫ్ అయ్యిందో లేదో అని గ్రౌండ్ స్టాఫ్ చెక్ చేస్తూ ఉండిపోయింది. ఆ తర్వాత.. విమానం తిరిగొస్తుందని చెబుతూ వచ్చారు. కానీ రాలేదు. నేను నా మీటింగ్ మిస్ అయ్యాను. గో ఫస్ట్ విమానాన్ని నేను ఎక్కడం ఇదే చివరిసారి," అని మరో వ్యక్తి పేర్కొన్నాడు.
ఇబ్బందికి గురైన ప్రయాణికులను.. గో ఫస్ట్ ఎయిర్లైన్స్ నాలుగు గంటల తర్వాత మరో విమానంలో గమ్యస్థానానికి తరలించినట్టు తెలుస్తోంది. "ప్రయాణికులకు కలిగిన అసౌకర్యానికి మేము చింతిస్తున్నాము," అని గో ఫస్ట్ ఎయిర్లైన్స్ ఓ ట్వీట్ చేసింది.
Go First airlines news : "ఘటన మా దృష్టికి వచ్చింది. నివేదిక సమర్పించాలని గో ఫస్ట్ను ఆదేశించాము. విచారణ చేపట్టి సరైన చర్యలు తీసుకుంటాము," అని ఓ డీజీసీఏ అధికారి.. మీడియాకు వెల్లడించారు.
నిత్యం వార్తల్లోనే విమానాలు..!
Air India urinating incident : దేశీయ విమాన సేవల్లో లోపాలు ఈ మధ్యకాలంలో నిత్యం వార్తల్లో నిలుస్తున్నాయి. ఎయిర్ ఇండియా విమానంలో ఓ వ్యక్తి.. ఓ వృద్ధురాలిపై మూత్రం పోసిన ఘటన దేశవ్యాప్తంగా సంచలనం సృష్టించింది. ఈ ఘటనకు సంబంధించిన పూర్తి వివరాల కోసం ఇక్కడ క్లిక్ చేయండి.