ప్రతి 11 నిమిషాలకో 'శ్రద్ధ' హత్య.. ప్రేమించిన వారే గొంతు కోస్తున్నారు!

International Day for the 'Elimination of Violence against Women' : ప్రపంచంలో.. ప్రతి 11 నిమిషాలకు ఓ మహిళ/బాలిక.. భాగస్వామి లేదా కుటుంబస సభ్యుల చేతుల్లో హత్యకు గురవుతోంది! ఈ విషయాన్ని ఐక్యరాజ్య సమితి చీఫ్​ ఆంటోనియో గుటేర్రస్​ వెల్లడించారు. ఇండియాలో కలకలం సృష్టించిన శ్రద్ధ హత్య కేసు నేపధ్యంలో గుటేర్రస్​ వ్యాఖ్యలకు ప్రాధాన్యత సంతరించుకుంది.

ఇలా మహిళలు హత్యకు గురవుతుండటం.. మానవ హక్కులను తీవ్రంగా ఉల్లంఘింస్తుండటంతో సమానం అని గుటేర్రస్​ అభిప్రాయపడ్డారు. పరిస్థితులను అదుపు చేసేందుకు ప్రపంచవ్యాప్తంగా ప్రభుత్వాలు తక్షణమే కఠిన చర్యలు తీసుకోవాలని పిలుపునిచ్చారు.

UN chief Antonio Guterres : ఇంటర్నేషనల్​ డే ఫర్​ ఎలిమినేషన్​ ఆఫ్​ వాయలెన్స్​ అగైనెస్ట్​ ఉమెన్​ను ప్రతి యేటా నవంబర్​ 25న నిర్వహిస్తారు. ఈ ఏడాది "యూనైట్​- యాక్టివిజం టు ఎండ్​ వాయలెన్స్​ అగైనెస్ట్​ ఉమెన్​ అండ్​ గర్ల్స్​" అనే థీమ్​ను ఏర్పాటు చేశారు. ఈ క్రమంలోనే గుటేర్రస్​ ఈ వ్యాఖ్యలు చేశారు.

"మహిళలు, బాలికలపై హింసతో తీవ్ర మానవ హక్కుల ఉల్లంఘన జరుగుతోంది. భాగస్వాములు, కుటుంబ సభ్యుల చేతిలో ప్రతి 11 నిమిషాలకొక మహిళ/ బాలిక ప్రాణాలు కోల్పోతోంది. కొవిడ్​ సంక్షోభం, ఆర్థి అస్థిరతతో మహిళలపై హింస మరింత పెరిగింది," అని గుటేర్రస్​ పేర్కొన్నారు.

UN chief Antonio Guterres woman rights : లైంగిక వేధింపులు, వ్యక్తిత్వంపై దాడి, ఆన్​లైన్​ అబ్యూజ్​లతో మహిళలు చిత్రహింసలకు గురవుతున్నారని యూఎన్​ చీఫ్​ పేర్కొన్నారు.

"ఇలా మహిళలపై దాడి చేస్తే.. సగం మానవాళిని హింసిస్తున్నట్టే. జీవితంలో మహిళలు, బాలికలు ముందడుగు వేయలేరు. ప్రాథమిక హక్కులు, స్వేచ్ఛ, ఆర్థిక సమానత్వాన్ని కోల్పోతున్నారు." అని గుటేర్రస్​ తెలిపారు.

ప్రభుత్వాలు జాతీయస్థాయి యాక్షన్​ ప్లాన్​ను అమలు చేసి, సమాజంలో కూకటివేళ్లతో సహా ఈ అరాచకాలను ప్రక్షాళన చేయాలని పిలుపునిచ్చారు గుటేర్రస్​. ఇందుకు తగ్గట్టుగానే చట్టలు రూపొందించి, బాధితుల్లో న్యాయంపై నమ్మకాన్ని పెంచాలన్నారు. మహిళల హక్కులను పర్యవేక్షించే సంస్థలకు. 2026 నాటికి నిధులను 50శాతం పెంచాలని పేర్కొన్నారు. ఈ ఉద్యమంలో పాల్గొని.. అందరు ఫెమినిస్ట్​లమని గర్వంగా చెప్పుకోవాలని పిలుపునిచ్చారు.

శ్రద్ధ వాల్కర్​ హత్య కేసు..

Shraddha walker news : దేశంలో శ్రద్ధ వాల్కర్​ హత్య కేసు కలకలం సృష్టించింది. అఫ్తాబ్​ అనే వ్యక్తితో ఆమె సహజీవనం చేసేది. ఆమెను అత్యంత కిరాతకంగా హత్య చేసిన అఫ్తాబ్​.. మృతదేహాన్ని 35 ముక్కలుగా నరికాడు. ఢిల్లీలోని వివిధ ప్రాంతాల్లో పడేశాడు. శ్రద్ధకు న్యాయం జరగాలని సర్వత్రా డిమాండ్​లు వ్యక్తమవుతున్నాయి.