హనుమంతుడి జన్మస్థలం కోసం 'చర్చ'- ఆ నిర్ణయమే ఫైనల్!
29 May 2022, 17:45 IST
- Hanuman birth place | దేశంలో హనుమంతుడి జన్మస్థలంపై వివాదం నెలకొన్న తరుణంలో ఈ నెల 31న మహారాష్ట్రలో ఓ కార్యక్రమం జరగనుంది. హనుమంతుడు.. కర్ణాటకలో జన్మించాడా? లేక ఆయన జన్మస్థలం మహారాష్ట్రనా? అన్న విషయంపై చర్చలు జరిపి, తుది నిర్ణయం తీసుకోనున్నారు.
హనుమంతుడి జన్మస్థలం కోసం 'చర్చ'- ఆ నిర్ణయమే ఫైనల్
Hanuman birth place | హనుమంతుడి జన్మస్థలంపై గతకొంత కాలంగా వివాదం నెలకొన్న విషయం తెలిసిందే. కాగా.. ఈ వివాదాన్ని పరిష్కరించేందుకు ఈ నెల 31న 'ధర్మ సంసద్' జరగనుంది. మహారాష్ట్ర నాసిక్ వేదికగా జరగనున్న ఈ కార్యక్రమంలో పలువురు సాధువులు పాల్గొని.. హనుమంతుడు మహారాష్ట్రలో జన్మించాడా? లేక ఆయన జన్మస్థలం కర్ణాటకనా? అని చర్చిస్తారు.
ఈ ధర్మ సంసద్ని మహంత్ శ్రీ మండలాచార్య పీఠాధీశ్వర్కు చెందిన స్వామి అనికేత్ శాస్త్రి దేశ్పాండే మహారాజ పిలుపునిచ్చారు. సంసద్లో తీసుకునే నిర్ణయాన్ని అందరు గౌరవించాలని ఆయన పేర్కొన్నారు. అందులో తీసుకున్న నిర్ణయమే ఫైనల్ అని స్పష్టం చేశారు.
నాసిక్లోని ఆంజనేరి అనే ప్రాంతంలో హనుమంతుడి జన్మస్థలం ఉందని ప్రచారం సాగింది. కాగా.. అది తప్పు అని కర్ణాటకకు చెందిన మహంత్ గోవింద్ దాస్ ఆరోపించారు. హనుమంతుడి జన్మస్థలం.. కర్ణాటకలోని కిష్కింద అని చెబుతున్నారు. ఒక వ్యక్తికి ఒకటే జన్మస్థలం ఉంటుందని, హనుమంతుడికి అది కిష్కింద మాత్రమేనని తేల్చేస్తున్నారు. ఇందుకు వాల్మీకి రామయణాన్ని ప్రూఫ్గా చూపిస్తున్నారు.
గోవింద్ దాస్.. ఇటీవలే త్రయంబకేశ్వరానికి రథంలో వెళ్లారు. అక్కడి నుంచి నాసిక్కు వెళ్లి సాధువులు జరిపే ధర్మ సంసద్లో పాల్గొంటారు.
అంజనాద్రి..!
కాగా.. హనుమంతుడి జన్మస్థలం.. కర్ణాటకలోని 'అంజనాద్రి' అని దక్షిణాది ప్రజలు విశ్వసిస్తారు.