Avoid Coffee : మీరు ఈ ఐదుగురిలో ఒకరా? అయితే కాఫీ తాగొద్దు

కాఫీ అనేది ప్రపంచవ్యాప్తంగా సాధారణంగా వినియోగించే పానీయం. ఉదయం, మధ్యాహ్నం, సాయంత్రం సమయంలో ఒత్తిడిని అధిగమించడానికి, మీ శరీరానికి శక్తిని అందించడానికి ఇది ఒక గొప్ప మార్గం. అనేక అధ్యయనాలు కాఫీ ప్రోస్టేట్ క్యాన్సర్ ప్రమాదాన్ని తగ్గిస్తుంది, గుండె వైఫల్యం ప్రమాదాన్ని తగ్గిస్తుందని చెబుతున్నాయి. అయినప్పటికీ, కాఫీ వినియోగం కొంతమందికి కొన్ని తీవ్రమైన దుష్ప్రభావాలను కలిగిస్తుంది. అందుకే కాఫీ ఎవరు తాగకూడదో చూద్దాం.

అతిగా మూత్రం వెళ్లే పరిస్థితిని OAB అని కూడా పిలుస్తారు. ఫాస్ట్ గా మూత్రాశయం, మూత్ర విసర్జనకు తరచుగా వెళ్లడం లాంటి సమస్యలు కాఫీ తాగితే వస్తుంటాయి. నియంత్రించడం కష్టంగా ఉంటుంది. మీరు పగలు, రాత్రి చాలా సార్లు మూత్ర విసర్జన చేయవలసి ఉంటుంది. కెఫిన్ తీసుకోవడం మూత్ర విసర్జన ఫ్రీక్వెన్సీని పెంచుతుంది. అనేకసార్లు టాయిలెట్ వెళ్లేందుకు కారణం అవుతుంది.

పేగు సంబంధిత సమస్యలు కూడా కాఫీ ఎక్కువగా తీసుకుంటే వస్తాయి. IBS(Irritable bowel syndrome)సమస్య రావొచ్చు. అతిసారం, మలబద్ధకం, ఋతుస్రావంతో పాటు కడుపు నొప్పిని కలిగిస్తుంది. ఇది వాపు, తిమ్మిరి, మంట, పగుళ్లు వంటి లక్షణాలతో వస్తుంది. కాఫీ ఎక్కువగా తీసుకోవడం వల్ల డయేరియా పెరుగుతుంది. ఇది IBS ప్రధాన లక్షణం.

గర్భధారణ సమయంలో అధికంగా కాఫీ తీసుకోవడం వల్ల గర్భస్రావం, తక్కువ బరువుతో పిల్లలు పుట్టడం, ఇతర గర్భధారణ సమస్యల ప్రమాదం పెరుగుతుందని అనేక అధ్యయనాలు చూపిస్తున్నాయి. కాఫీ గర్భాశయం, ప్లాసెంటాలోని రక్త నాళాలను సంకోచించగలదని నమ్ముతారు. ఇది పిండానికి రక్త సరఫరాను తగ్గిస్తుంది. పెరుగుదలను నిరోధిస్తుంది.

గ్లాకోమా అనేది ఆప్టిక్ నాడిని దెబ్బతీసే పరిస్థితుల సమూహం. ఆప్టిక్ నాడి మీ కంటి నుండి మీ మెదడుకు దృశ్యమాన సమాచారాన్ని ప్రసారం చేస్తుంది. మంచి దృష్టికి ఇది అవసరం. కాఫీ అతిగా తీసుకుంటే.. ఇది కాలక్రమేణా అధ్వాన్నంగా మారుతుంది. అంతర్జాతీయ మల్టీసెంటర్ అధ్యయనం ప్రకారం, అధికంగా రోజువారీ కాఫీ వినియోగం గ్లాకోమా ప్రమాదాన్ని పెంచుతుంది.

కాఫీ అనేది శక్తిని పెంచే, చురుకుదనాన్ని పెంచే ఒక రకమైన పానీయం. కాఫీ అడెనోసిన్ రిసెప్టర్ యాంటీగానిస్ట్ గా పనిచేస్తుంది. అడెనోసిన్ మీ శరీరంలో నిద్రను ప్రోత్సహించే పదార్థం. మిమ్మల్ని నిద్రపోయేలా చేయడానికి కాఫీ అడెనోసిన్ రిసెప్టర్‌ను అడ్డుకుంటుంది. దీంతో మీకు నిద్ర సమస్యలు వస్తాయి.