Ravi Teja Dhamaka Trailer: మాస్ స్ట్రోమ్‌కు సిద్ధంగా ఉండండి.. 'ధమాకా' ట్రైలర్‌కు ముహూర్తం ఫిక్స్

Ravi Teja Dhamaka Trailer: మాస్ మహారాజా రవితేజ వరుసగా సినిమాలు చూస్తూ ఫుల్ బిజీగా ఉన్నారు. ఈ ఏడాది ఖిలాడి, రామారావు ఆన్ డ్యూటీ చిత్రాలతో సందడి చేసిన ఆయన.. ప్రస్తుతం ధమాకా, వాల్తేరు వీరయ్య చిత్రాలతో బిజీగా ఉన్నారు. ఈ నెల 23న ధమాకా చిత్రాన్ని ప్రేక్షకుల ముందుకు తీసుకొచ్చేందుకు ప్రణాళికలు సిద్ధం చేస్తున్నారు. ఇప్పటికే ఈ సినిమా నుంచి విడుదలైన పాటలు సూపర్ హిట్టయ్యాయి. ఫలితంగా మూవీపై అంచనాలను భారీగా పెంచేశాయి. ఈ సినిమాలో రవితేజ సరసన శ్రీలీల హీరోయిన్‌గా చేసింది. తాజాగా ఈ సినిమా ట్రైలర్‌ను విడుదల చేసేందుకు చిత్రబృందం ముహూర్తం ఫిక్స్ చేసింది.

డిసెంబరు 15 నుంచి మాస్‌స్ట్రోమ్ వచ్చేస్తుందంటూ మేకర్స్ ట్విటర్ వేదికగా ఈ సినిమా ట్రైలర్ విడుదల తేదీని ప్రకటించారు. ఈ నెల 15న ట్రైలర్‌ను 23న సినిమాను రిలీజ్ చేయనున్నట్లు స్పష్టం చేసింది. ఇందుకు సంబంధించిన ఓ పోస్టర్‌ను కూడా విడుదల చేశారు మేకర్స్.

త్రినాథ రావు నక్కిన దర్శకత్వం వహించిన ఈ సినిమాలో రవితేజ.. మళ్లీ తనదైన మాస్ శైలితో పాటు.. వినోదాన్ని ఫుల్‌గా ఉన్నట్లు తెలుస్తోంది. ఇప్పటికే శ్రీలీలతో రవితేజ కెమిస్ట్రీ అదిరిపోయింది. వీరిద్దరూ కలిసి మాస్‌ను ఫుల్ ఎంటర్టైన్ చేయనున్నారు.

పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంయుక్తంగా నిర్మిస్తోన్న ధమాకా సినిమాకు నిర్మాతగా టీజీ విశ్వ ప్రసాద్, సహ నిర్మాతగా వివేక్ కూచిబొట్ల వ్యవహరించారు. త్రినాథరావు నక్కిన దర్శకత్వం వహించారు. ప్రసన్న కుమార్ బెజవాడ ఈ చిత్రానికి కథ, మాటలు అందిస్తున్నారు. భీమ్స్ సెసిరొలియో సంగీతాన్ని సమకూర్చగా.. కార్తీక్ ఘట్టమనేని కెమెరామెన్‌గా పనిచేశాడు. ఈ చిత్రం ప్రపంచవ్యాప్తంగా డిసెంబరు 23న ప్రేక్షకుల ముందుకు తీసుకురానుంది చిత్రబృందం.