WhatsApp channel : వాట్సాప్ ఛానెల్లో కొత్త ఫీచర్.. ఇక 'షేరింగ్' మరింత ఈజీ!
17 December 2023, 11:47 IST
- WhatsApp channel new feature : వాట్సాప్ ఛానెల్కు కొత్త ఫీచర్ యాడ్ అవ్వనుంది. అది చాలా ఉపయోగకరంగా ఉండనుంది. అదేంటంటే..
వాట్సాప్ ఛానెల్లో కొత్త ఫీచర్.. ఇక 'షేరింగ్' మరింత ఈజీ!
WhatsApp channel new feature : సోషల్ మీడియా దిగ్గజం వాట్సాప్.. ఇండియాలో ఇటీవలే లాంచ్ చేసిన ఛానెల్ ఫీచర్కు క్రేజీ స్పందన లభిస్తోంది. టెలిగ్రామ్కు పోటీగా వచ్చిన ఈ ఛానెల్ ఫీచర్ని ఇప్పటికే చాలా మంది వినియోగించుకుంటున్నారు. ఇక ఇప్పుడు.. ఇందులో సరికొత్త ఫీచర్ని తీసుకొచ్చింది మెటా ఆధారిత వాట్సాప్. అదేంటంటే..
Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్యూవీ..!
Infinix GT 20 Pro : ఇండియాలో ఇన్ఫీనిక్స్ జీటీ 20 ప్రో లాంచ్ డేట్ ఫిక్స్.. ఫీచర్స్ ఇవే!
Honda Civic into Lamborghini : హోండా సివిక్ని లంబోర్ఘినిగా మార్చిన యూట్యూబర్- నెటిజన్లు ఫిదా!
Motorola X50 Ultra : మోటోరోలా ఎక్స్50 అల్ట్రా లాంచ్.. సూపర్ కూల్ ఫీచర్స్తో!
వాట్సాప్ ఛానెల్లో కొత్త ఫీచర్..
వాట్సాప్ ఛానెల్లో ప్రస్తుతం.. కేవలం ఒక్క ఫొటో లేదా వీడియోను షేర్ చేయడానికి మాత్రమే వీలవుతోంది. నార్మల్ వాట్సాప్లో ఇలా కాదు. అనేక ఫొటోలు, వీడియోలను ఒకేసారి షేర్ చేయవచ్చు. దీనిని.. ఆటోమెటిక్ ఆల్బమ్ ఫీచర్ అంటారు. ఇక ఇప్పుడు.. ఈ ఆటోమెటిక్ ఆల్బమ్ ఫీచర్ని ఛానెల్లో కూడా ప్రవేశపెడుతోంది వాట్సాప్. ఆండ్రాయిడ్ బీటా అప్డేట్ వర్షెన్ 2.23.26.16 లో ఇది ప్రస్తుతం ఉంది. బీటా టెస్టర్స్కు ఇది ఇప్పటికే అందుబాటులోకి వచ్చింది. త్వరలోనే అందరి ఛానెల్స్లో ఈ ఫీచర్ ఉంటుందని తెలుస్తోంది. మల్టిపుల్ ఫొటోలు, వీడియోలు చూసేందుకు ఛానెల్ ఫాలోవర్స్ వాటిని సులభంగా డౌన్లోడ్ చేసుకోవచ్చు. ఒక్కో ఫొటోకు లేదా మొత్తం అల్బంకు రియాక్షన్ ఇవ్వొచ్చు.
WhatsApp new features : యూజర్ ఎక్స్పీరియెన్స్ని మెరుగుపరిచి, మీడియా కంటెంట్స్ని ఒకేసారి షేర్ చేసుకోవడం కోసం ఈ ఫీచర్ని తీసుకొస్తున్నట్టు వాట్సాప్ స్పష్టం చేసింది.
ఈ ఆటోమెటిక్ ఆల్బమ్ ఫీచర్.. ఛానెల్ ఓనర్స్కి, ఫాలోవర్స్కి ఉపయోగకరమేనని టెక్ నిపుణులు అభిప్రాయపడుతున్నారు. అటు ఓనర్స్ తమ ప్రెజంటేషన్ని మరింత మెరుగ్గా ఇవ్వొచ్చని, ఇటు ఫాలోవర్లు.. వాటిని సులభంగా యాక్సెస్ చేసుకోవచ్చని చెబుతున్నారు.
ఇక వాట్సాప్ ఛానెల్కు ఇండియాలో మంచి స్పందన లభిస్తోంది. ప్రధానమంత్రి నరేంద్ర మోదీ నుంచి బాలీవుడ్ సెలబ్రెటీలు, క్రికెటర్ల వరకు చాలా మందికి ఛానెల్ ఉంది. తమకు నచ్చిన వారి గురించి అప్డేట్స్ తెలుసుకునేందుకు ఫాలోవర్లు కూడా ఇష్టపడుతున్నారు.
వాట్సాప్ ఛానెల్ ఎలా క్రియేట్ చేయాలి?
How to create WhatsApp channels : వాట్సాప్ ఛానెల్ క్రియేట్ చేయడం చాలా సింపుల్. అది ఎలా అంటే..
స్టెప్ 1:- ముందుగా వాట్సాప్ యాప్ను ఓపెన్ చేయండి.
స్టెప్ 2:- ఆప్డేట్స్లోకి వెళ్లి 'ఛానెల్స్' ఐకాన్ మీద క్లిక్ చయండి. '+' ఆప్షన్ను వాడండి.
స్టెప్ 3:- అక్కడ.. క్రియేట్ ఛానెల్ అని కనిపిస్తుంది. దాని మీద క్లిక్ చేయండి. అక్కడ కనిపించే ఇన్స్ట్రుక్షన్స్ను ఫాలో అవ్వండి.
స్టెప్ 4:- ఇప్పుడు మీ ఛానెల్ పేరు, డిస్క్రిప్షన్, ప్రొఫైల్ ఫొటో వంటివి యాడ్ చేయండి.
స్టెప్ 5:- చివరిగా.. క్రియేట్ ఛానెల్ మీద క్లిక్ చేయండి. అంతే.. మీ వాట్సాప్ ఛానెల్ క్రియేట్ అయిపోతుంది!