AMT gearbox on CNG car: ఆటోమేటిక్ గేర్ సిస్టమ్ ఉన్న సీఎన్జీ కారు కోసం చూస్తున్నారా?.. మీ కోసమే ఈ కార్లు..
08 February 2024, 13:16 IST
Tata Tiago CNG AMT, Tigor CNG AMT: నగర రద్దీ ట్రాఫిక్ లో ఇబ్బంది లేని డ్రైవింగ్ కు ఆటోమేటిక్ గేర్ సిస్టమ్ ఎంతో అనువైనది. అలాగే, కాలుష్య రహిత ఇంధనంగా, చవకగా లభించే ఇంధనంగా సీఎన్జీ కూడా చాలా పాపులర్. కానీ, ఈ ఏఎంటీ - సీఎన్జీ కాంబినేషన్ లో ఇంతవరకు ఏ కార్ మేకర్ కూడా కార్లను మార్కెట్ లోకి తీసుకురాలేదు.
టాటా టియాగో, టాటా టిగోర్ కార్లు
ఇప్పుడు తాజాగా, ఆటోమేటిక్ గేర్ బాక్స్ తో సీఎన్జీ ఇంధనంతో నడిచే కార్లను టాటా మోటార్స్ భారత్ లో తొలిసారి మార్కెట్లోకి తీసుకువచ్చింది. టాటా టియాగో (Tata Tiago CNG AMT), టిగోర్ (Tata Tigor CNG AMT) సీఎన్జీ కార్లు AMT గేర్బాక్స్తో భారతీయ మార్కెట్లోకి వస్తున్నాయి.
రూ. 8 లక్షల నుండి ధరలు
టాటా టియాగో (Tata Tiago CNG AMT), టాటా టిగోర్ (Tata Tigor CNG AMT) ల CNG AMT వేరియంట్లను టాటా మోటార్స్ విడుదల చేసింది. టాటా టియాగో సీఎన్జీ ఏఎంటీ (Tiago CNG AMT) మూడు వేరియంట్లలో లభిస్తుంది. దీని ధర రూ.7.90 లక్షల నుండి రూ.8.80 లక్షల మధ్య ఉంటుంది. టాటా టిగోర్ iCNG (Tata Tigor CNG AMT) రెండు వేరియంట్లలో లభిస్తుంది. దీని ధర రూ. 8.85 లక్షల నుండి రూ. 9.55 లక్షల మధ్య ఉంటుంది. అన్ని ధరలు ఎక్స్-షోరూమ్. కొత్త CNG AMT కార్ల బుకింగ్లు ఇప్పటికే ప్రారంభమయ్యాయి. టోకెన్ అమౌంట్ గా రూ. 21 వేలు చెల్లించి, ఈ కార్ లను బుక్ చేసుకోవచ్చు.
ఇంజన్ వివరాలు..
టాటా టియాగో, టాటా టిగోర్ ఇంజన్లలో టాటా మోటార్స్ ఎలాంటి మార్పులు చేయలేదు. ఇది ఇప్పటికీ 1.2-లీటర్, మూడు-సిలిండర్, నాచురల్లీ ఆస్పైర్డ్ ఇంజన్ గానే ఉంటుంది. ఇది పెట్రోల్పై నడుస్తున్నప్పుడు 86 బిహెచ్పి మరియు 113 ఎన్ఎమ్లను ఉత్పత్తి చేస్తుంది. ఈ కార్ లకు 5-స్పీడ్ మాన్యువల్ యూనిట్, 5-స్పీడ్ AMT గేర్ బాక్స్ ఆప్షన్స్ ఉంటాయి.
టియాగో, టిగోర్ వేరియంట్స్
టాటా టియాగో Tiago మూడు వేరియంట్లలో లభిస్తుంది. అవి, XTA CNG, XZA+ CNG, XZA NRG. అలాగే, Tigor iCNG AMT రెండు వేరియంట్లలో లభిస్తుంది. అవి XZA CNG, XZA+ CNG. వాహనం సిఎన్జితో నడుస్తున్నప్పుడు దాని పనితీరు పరంగా ఎటువంటి తేడా ఉండదు. AMT గేర్బాక్స్తో ‘క్రీప్’ ఫంక్షనాలిటీ కూడా ఉంది. రీస్టార్ట్ గ్రేడబిలిటీ పెట్రోల్కు అనుగుణంగా ఉందని మరియు సెగ్మెంట్లో అత్యుత్తమంగా ఉందని టాటా మోటార్స్ వెల్లడించింది.
సీఎన్జీ కార్లు
CNG వాహనాలు నెమ్మదిగా జనాదరణ పొందుతున్నాయి. ఇప్పుడు CNG గతంలో కంటే చాలా అందుబాటులో ఉంది. టియాగో, టిగోర్ యొక్క CNG వేరియంట్ అమ్మకాలు గత సంవత్సరంతో పోల్చితే FY24లో 67.9 శాతం వృద్ధిని సాధించాయి. కొత్త AMT వేరియంట్లతో, అమ్మకాలు మరింత పెరిగే అవకాశం ఉంది.