TVS new electric scooters : టీవీఎస్ నుంచి త్వరలోనే కొత్త ఎలక్ట్రిక్ స్కూటర్స్ లాంచ్..!
26 November 2023, 12:50 IST
- TVS new electric scooters : టీవీఎస్ సంస్థ నుంచి కొత్త ఎలక్ట్రిక్ స్కూటర్స్ లాంచ్కు సిద్ధమవుతున్నాయి. ఈ విషయాన్ని సంస్థ వెల్లడించింది.
టీవీఎస్ నుంచి కొత్త ఎలక్ట్రిక్ స్కూటర్స్..!
TVS new electric scooters : టీవీఎస్ సంస్థ.. తన ఎలక్ట్రిక్ 2 వీలర్ పోర్ట్ఫోలియోను ఎక్స్ప్యాండ్ చేసేందుకు ప్లాన్ చేస్తోంది. ఇందుకోసం భారీగానే ప్రణాళికలు రచించింది. రానున్న 12 నెలల్లో.. వరుస లాంచ్కు సన్నద్ధమవుతోంది.ఈ విషయాన్ని సంస్థ డైరక్టర్, సీఈఓ కేఎన్ రాధాకృష్ణన్ మీడియాకు తెలిపారు.
12 నెలల్లో వరుస లాంచ్లు…!
రానున్న 12 నెలల్లో.. మొత్తం ఎన్ని లాంచ్లు ఉంటాయన్న విషయాన్ని చెప్పనప్పటికీ.. అన్ని ప్రైజ్ పాయింట్స్లోనూ ఎలక్ట్రిక్ వెహికిల్స్ని తీసుకొస్తున్నట్టు రాధకృష్ణన్ వెల్లడించారు.
"12 నెలల్లో.. మా ఈవీ పోర్ట్ఫోలియో మరింత పెరుగుతుంది. 5 కిలోవాట్ నుంచి 25 కిలోవాట్ రేంజ్లో ఈ ఎలక్ట్రిక్ స్కూటర్స్ ఉంటాయి," అని రాధాకృష్ణన్ పేర్కొన్నారు.
TVS new electric scooter launch : మరోవైపు.. సంస్థకు ప్రస్తుతం ఉన్న మోడల్స్కు భారత ఆటోమొబైల్ మార్కెట్లో మంచి డిమాండ్ కనిపిస్తోందన్నారు టీసీఎస్ సీఈఓ. అందుకే.. ఐక్యూబ్ ఎలక్ట్రిక్ స్కూటర్ ప్రొడక్షన్ కెపాసిటీని నెలకు 25వేల యూనిట్లకు పెంచినట్టు స్పష్టం చేశారు. అదే సమయంలో రానున్న నెలల్లో తమ ఈవీ ఇన్ఫ్రాస్ట్రక్చర్ని సైతం మెరుగుపరుచుకోనున్నట్టు తెలిపారు.
ఇదీ చూడండి:- Gogoro Crossover EV : ఇండియాలోకి మరో కొత్త ఎలక్ట్రిక్ స్కూటర్.. లాంచ్ ఎప్పుడంటే!
"ఇండియన్ ఈవీ సెగ్మెంట్లో టీవీఎస్ సంస్థ మేజర్ ప్లేయర్ అవుతుందని ఆశిస్తున్నాను," అని రాధకృష్ణన్ అభిప్రాయపడ్డారు.
‘ఎక్స్’ పేరుతో ఓ కొత్త ఈవీని ఇటీవలే లాంచ్ చేసింది టీవీఎస్. ఈ ఎలక్ట్రిక్ వెహికిల్ సేల్స్.. త్వరలోనే ప్రారంభమవుతాయని సమాచారం.
ఇక ఇండియాతో పాటు అంతర్జాతీయ మార్కెట్లో కూడా తమ విస్తరణ ప్లాన్స్ని అమలు చేయనున్నట్టు టీవీఎస్ సీఈఓ వెల్లడించారు.
TVS new electric scooter price : "రానున్న 2-3 త్రైమాసికాల్లో.. టీవీఎస్ ఐక్యూబ్ ఎలక్ట్రిక్ స్కూటర్, ఇతర దేశాల్లో కూడా అందుబాటులోకి వస్తుంది. యూరోప్లో కూడా ఐక్యూబ్ని లాంచ్ చేస్తాము. మా స్ట్రాటజీ విషయంలో చాలా క్లారిటీతో ఉన్నాము," అని టీవీఎస్ సీఈఓ రాధాకృష్ణన్ స్పష్టం చేశారు.