Gogoro Crossover EV : ఇండియా​లోకి మరో కొత్త ఎలక్ట్రిక్​ స్కూటర్​.. లాంచ్​ ఎప్పుడంటే!

Gogoro Crossover EV : ఇండియా ఆటోమొబైల్​ మార్కెట్​పై మరో అంతర్జాతీయ సంస్థ కన్నేసింది. తైవాన్​కు చెందిన గొగొరో సంస్థ.. ఓ ఎలక్ట్రిక్​ స్కూటర్​ని లాంచ్​ చేయనుంది. ఈ స్కూటర్​ పేరు గొగొరో క్రాస్​ఓవర్ ఈవీ​! డిసెంబర్​లోనే ఈ ఈవీ లాంచ్​ అవుతుందని వార్తలు వినిపిస్తున్నాయి. ఈ నేపథ్యంలో ఈ కొత్త స్కూటర్​ వివరాలను ఇక్కడ తెలుసుకుందాము..

గొగొరో కొత్త ఎలక్ట్రిక్​ స్కూటర్​..

మహారాష్ట్రలోని ఔరంగాబాద్​లో ఈ గొగొరో క్రాస్​ఓవర్ ఈవీ​ మేన్యుఫ్యాక్చరింగ్​ ప్రాసెస్​ మొదలైందని సమాచారం. తొలుత.. బీ2బీ పార్ట్​నర్స్​కి ఈ వెహికిల్​ని సరఫరా చేయనుంది సంస్థ. 2024 తొలినాళ్లల్లో డెలివరీలు మొదలవ్వొచ్చు.

ఈ గొగొరో క్రాస్​ఓవర్​ ఎలక్ట్రిక్​ స్కూటర్​లో టూ వీలర్​ 'ఎస్​యూవీ'గా గుర్తింపు లభించింది. యుటిలిటీ, అడాప్టెబులిటీని దృష్టిలో పెట్టుకుని ఈ మోడల్​ని తయారు చేసినట్టు సంస్థ చెప్పుకొచ్చింది.

Gogoro Crossover EV launch in India : ఈ కొత్త ఎలక్ట్రిక్​ స్కూటర్​లో ఎలాంగేటెడ్​ ఎల్​ఈడీ హెడ్​లైట్​, ష్రౌడ్​ వంటివి ఉంటాయి. 12 ఇంచ్​ వీల్స్​ వస్తున్నాయి. ఫ్రెంట్​లో టెలిస్కోపిక్​ ఫోర్క్స్​, రేర్​లో డ్యూయెల్​ షాక్​ అబ్సార్బర్స్​ వంటివి వస్తాయి. రెండు వీల్స్​కి డిస్క్​ బ్రేక్స్​ లభిస్తున్నాయి.

ఇదీ చూడండి:- New electric car : కళ్లు చెదిరే డిజైన్​తో కొత్త ఎలక్ట్రిక్​ సెడాన్​.. హైఫై ఏ ఈవీ ఇదే!

ఈ కొత్త ఈవీ కర్బ్​ వెయిట్​ 126కేజీలు. గ్రౌండ్​ క్లియరెన్స్​ వచ్చేసి 142ఎంఎం. వీల్​బేస్​ 1,400ఎంఎం. ఇక ఈ గొగొరో క్రాస్​ఓవర్​ స్కూటర్​లోని ప్యాసింజర్​ సీట్​ని ఫోల్డ్​ చేసుకోవచ్చు. అవసరమైతే ఆ ప్లేస్​లో కార్గోని పెట్టుకోవచ్చు. లేదా దానిని పూర్తిగా తీసేవచ్చు కూడా! ఫ్రెంట్​, రేర్​ లగేజ్​ ర్యాక్స్​, టాప్​ కేసెస్​ వంటి ఎక్స్​ట్రా యాక్ససరీస్​ని కూడా సంస్థ ఇచ్చే అవకాశం ఉంది.

రేంజ్​ ఎంతంటే..

Gogoro India : ఈ స్కూటర్​లో 1.6 కేడబ్ల్యూహెచ్​ బ్యాటరీ ఉంటుందని టాక్​ నడుస్తోంది. ఇదే నిజమైతే.. ఈ మోడల్​ రేంజ్​ దాదాపు 100కి.మీలుగా ఉంటుంది.

ఇండియాలో వేగంగా ఎదిగేందుకు భారీగా ప్లాన్​ చేసింది గొగోరో. మహారాష్ట్రలో రూ. 1.5 బిలియన్​ డాలర్ల పెట్టుబడుకి సిద్ధమైంది. స్విగ్గీ, జొమాటోతో పార్ట్​నర్​షిప్​ని ఏర్పాటు చేసుకుంది.

Gogoro Crossover EV price in India : ఇక ఢిల్లీ- ఎన్​సీఆర్​లో బ్యాటరీ స్వాపింగ్​ స్టేషన్స్​ని కూడా గొగొరో ఏర్పాటు చేసింది. 2024 మధ్య నాటికి ఫుల్​-స్కేల్​ బ్యాటరీ ప్రొడక్షన్​ని చేపట్టాలని నిర్ణయించుకుంది.

ఈ గొగొరో క్రాస్​ఓవర్​ ఈవీ ఇతర ఫీచర్స్​, ధర వంటి వివరాలపై ప్రస్తుతం క్లారిటీ లేదు. త్వరలోనే ఈ విషయంపై ఓ క్లారిటీ వచ్చే అవకాశం ఉంది.