How to take care of new car : కొత్తగా కారు కొన్నారా? ఈ తప్పులు చేస్తే.. ఇక అంతే!
25 June 2023, 20:20 IST
- How to take care of new car : మీరు కొత్తగా కారు కొన్నారా? లేదా కొత్త కారు తీసుకోవాలని ప్లాన్ చేస్తున్నారా? అయితే.. కొత్త కారును చూసుకునేందుకు కొన్ని టిప్స్ తెలుసుకోవాలి. అవేంటంటే..
కొత్తగా కారు కొన్నారా? ఈ తప్పులు చేస్తే.. ఇక అంతే!
How to take care of new car : సొంత కారు కొనడటం అంటే చాలా మందికి ఓ కల. అందుకోసం చాలా కష్టపడి కారు కొంటారు. కానీ కొన్న తర్వాత ఆ కారును పట్టించుకోరు! ఇది సరైనది కాదు. బిడ్డ పుట్టిన తర్వాత పట్టించుకోకపోతే ఏమవుతుంది? కారుకు కూడా అంతే. కారును కూడా జాగ్రత్తగా చూసుకోవాలి. ఈ నేపథ్యంలో.. కొత్త కారు కొన్న తర్వాత చేయాల్సినవి ఏంటి? చేయకూడనివి ఏంటి? వంటి విషయాలను ఇక్కడ తెలుసుకుందాము..
యూజర్ మేన్యువల్ చదవాలి..
కారు కొన్న తర్వాత చాలా పనులు చేస్తాము. కానీ యూజర్ మేన్యువల్ని మాత్రం పట్టించుకోము. అసలు అది అనవసరమైన బుక్గాను, మనకి అన్ని తెలుసు అన్నట్టుగాను ప్రవర్తిస్తాము. కానీ అది తప్పు. సంబంధిత కారు మోడల్కు సంబంధించిన పూర్తి విషయాలు యూజర్ మేన్యువల్లో ఉంటాయి. ఏం చేయాలి? ఏం చేయకూడదు? వంటి వివరాలు అందులో ఉంటాయి. కాస్త సమయం తీసుకుని వాటిని చూస్తే.. కారును ఎలా చూసుకోవాలో అర్థమవుతుంది.
కారును లాంగ్ డ్రైవ్కు తీసుకెళ్లండి..
కారులో అలా లాంగ్ డ్రైవ్కు వెళితే ఆ ఫీలే వేరు కదా! ఇది మనకే కాదు.. కారుకు కూడా రిఫ్రెషన్మెంట్ను ఇస్తుంది. అంటే కొత్త బండిని లాంగ్ డ్రైవ్కు తీసుకెళితే దాని పార్ట్స్ కాస్త ఫ్లెక్సిబుల్ అవుతాయి. అందుకే.. షార్ట్ ట్రిప్స్తో పాటు ఓ లాంగ్ ట్రిప్కి కూడా ప్లాన్ చేయండి. సూపర్ ఫీల్ ఉంటుంది..!
ఇదీ చూడండి:- Car loan interest rate : తక్కువ వడ్డీకి కారు లోన్ తీసుకోవాలా? ఈ బ్యాంక్లు ఇస్తాయి..!
యాక్సలేటర్, బ్రేక్.. జాగ్రత్త!
కొత్త కారు కొని.. ఆ స్పీడ్ను ఎంజాయ్ చేయాలని చాలా మందికి ఉంటుంది. అందుకే.. ఇష్టమొచ్చినట్టు యాక్సలరేటర్ను తొక్కి స్పీడ్ పెంచుతారు. కానీ ఇలా చేయకూడదు. వాస్తవానికి కారు కొన్న మొదట్లోనే కాదు.. ఎప్పుడూ కూడా యాక్సలరేటర్ను ఎక్కువగా ప్రెస్ చేయకూడదు. కనీసం 1000- 1,500కి.మీల వరకైనా యాక్సలరేటర్తో స్మూత్గా ఉండాలి.
బ్రేక్స్ విషయంలోనూ ఇంతే! మాటిమాటికి బ్రేక్ వేయడం కూడా మంచిది కాదు. ఇది ఫ్యూయెల్ ఎఫీషియెన్సీపై పెద్ద ప్రభావమే చూపిస్తుంది. ఏదైనా స్మూత్గా చేసుకుంటూ వెళ్లిపోవాలి. అప్పుడే మీ కొత్త కారులో రైడ్ కూడా స్మూత్గా, ఎలాంటి అవరోధాలు లేకుండా సాగిపోతుంది!
కారును తీస్తూ ఉండండి బాసూ..
Tips to take care of new car : "కారు కొన్నామా.. చెప్పుకోవడానికి కారు ఉందా.. పక్కనపెట్టేశామా..," అన్నట్టు అస్సలు ఉండకూడదు. కారును తరచుగా తీసి, నడుపుతూ ఉండాలి. ఇంజిన్ను ఆన్ చేయకుండా చాలా రోజులు గడిపేస్తే.. ప్రతికూల ప్రభావం పడుతుందన్న విషయం గుర్తుపెట్టుకోవాలి. ఇంజిన్ ఒక్కటే కాదు.. ఇతర పార్ట్స్ కూడా దెబ్బతినే ప్రమాదం ఉంటుంది. అందుకే.. కారు కొన్న ఏడాదిలో దానిని ఎక్కువ తిప్పాలని చెబుతుంటారు.
ఆయిల్ ఛేంజ్లా? అప్పుడే వద్దు..
తరచూ ఆయిల్ ఛేంజ్ చేయడం కూడా కారుకు మంచిది కాదు. అందుకే ఫస్ట్, సెకెండ్ సర్వీసుల్లో ఆయిల్ను ఛేంజ్ చేయమని సర్వీస్ చేసే సిబ్బంది చెబుతుంటారు. సరైన సమయంలోనే ఆయుల్ ఛేంజ్ చేయాలి. అప్పుడే బండి స్మూత్గా ఉంటుంది.