iPhone 15 Ultra leaks : ఐఫోన్ 15 అల్ట్రాకు టిటానియం బాడీ..!
24 October 2022, 11:18 IST
- iPhone 15 Ultra leaks : ఐఫోన్ 15 అల్ట్రాకు సంబంధించిన ఓ వార్త లీక్ అయ్యింది. ఈ వేరియంట్కు ప్రిమియం టిటానియం బాడీ ఉంటుందని ఆ లీక్లో ఉంది. ఇదే నిజమైతే, పలు లాభాలు ఉన్నాయి.
ఐఫోన్ 15 అల్ట్రాకు టిటానియం బాడీ..!
iPhone 15 Ultra : ఐఫోన్ 15పై ఊహాగానాలు ఇప్పటికే జోరుగా సాగుతున్నాయి. ఒకసారి ఫీచర్స్ అని, ఇంకోసారి డిజైన్ లీక్ అయ్యిందని వార్తలు వస్తూనే ఉన్నాయి. ఇప్పుడు కొత్తగా బయటకొచ్చిన లీక్.. ఐఫోన్ 15 డిజైన్కి సంబంధించి మరిన్ని వివరాలను చెబుతోంది.
ప్రీమియం టిటానియం బాడీ..!
ఐఫోన్ 15 ప్రో మ్యాక్స్ని ఐఫోన్ 15 అల్ట్రా అని పిలుస్తున్నట్టు తెలుస్తోంది. లీక్స్యాపిల్ప్రో అనే టిప్స్టర్.. ఈ కొత్త లీక్స్ను బయటపెట్టాడు. ఈ ఐఫోన్ 15 అల్ట్రా.. ప్రీమియం టిటానియం బాడీతో వస్తుందని చెప్పాడు. అయితే ఐఫోన్ 15 ప్రో వేరియంట్ మాత్రం స్టెయిన్లెస్ స్టీల్ ఉంటుందని అన్నాడు. ఐఫోన్ 14, 14ప్రోకు కూడా స్టెయిన్లెస్ స్టీల్ బాడీనే ఉంది.
iPhone 15 Ultra leaks : ఐఫోన్ 14 సిరీస్కి లాంచ్కి ముందు కూడా ఇలాంటి ఊహాగానాలే జోరుగా సాగాయి. ఐఫోన్ 14 ప్రో మోడల్స్కి ప్రీమియం టిటానియం బాడీ ఉంటుందని వార్తలు వచ్చాయి. కానీ అలా జరగలేదు. మరి ఈసారి ఐఫోన్ 15 అల్ట్రా పరిస్థితేంటో వేచి చూడాలి.
నిజంగానే ఐఫోన్ 15 అల్ట్రాకి ప్రీమియం టిటానియం బాడీ లభిస్తే.. స్మార్ట్ఫోన్ బరువు ఇంకా తగ్గుతుంది. మరింత బలంగా ఉంటుంది. స్క్రాచ్ రెసిస్టెన్స్ కూడా పెరుగుతుంది.
మార్కెట్లో.. టిటానియంతో చేసిన స్మార్ట్ఫోన్లు చాలా తక్కువగా ఉన్నాయి. ఐఫోన్ 15 అల్ట్రాకి ఇది లభిస్తే.. స్మార్ట్ఫోన్ మరింత ప్రత్యేకంగా, ఆకర్షణీయంగా మారుతుంది.
ఇతర రూమర్స్ ప్రకారం.. ఐఫోన్ 15 అల్ట్రా వేరియంట్లో ఫ్రంట్ కెమెరా సెటప్ మరింత మెరుగ్గా ఉంటుంది. బ్యాటరీ సామర్థ్యం కూడా ఎక్కువగా ఉంటుంది. టైప్-సీ యూఎస్బీ ఉంటుంది.
ఐఫోన్ 14..
iPhone 14 plus : సప్లైలో ఇబ్బందులు కారణంగా.. ఐఫోన్ 14 ప్లస్ ఉత్పత్తిని తగ్గించేందుకు యాపిల్ ప్రణాళికలు రచిస్తున్నట్టు తెలుస్తోంది. ఇప్పటికే.. ఒకరు, ఇద్దరు భాగస్వాములకు ఈ విషయాన్ని చెప్పినట్టు సమాచారం.
అయితే.. మార్కెట్లో దీనిపై అభిప్రాయాలు భిన్నంగా ఉన్నాయి. యాపిల్ అనుకున్నంత రేంజ్లో ఐఫోన్ 14 ప్లస్కు డిమాండ్ లేదని, అందుకే ఉత్పత్తిని తగ్గించేస్తోందని ఊహాగానాలు వ్యక్తమవుతున్నాయి.