Fixed deposit rate : ఎఫ్డీలపై 9శాతం వరకు వడ్డీ ఇస్తున్న బ్యాంకులు ఇవే..!
19 May 2023, 10:15 IST
Fixed deposit interest rate: కొత్తగా ఎఫ్డీ ఓపెన్ చేద్దామని అనుకుంటున్నారా? అయితే ఎఫ్డీలపై 9శాతం వరకు వడ్డీ రేట్లు ఇస్తున్న బ్యాంకుల వివరాలు ఇక్కడ తెలుసుకోండి..
ఎఫ్డీలపై 9శాతం వరకు వడ్డీలు ఇస్తున్న బ్యాంకులు ఇవే..!
Fixed deposit interest rate: వడ్డీ రేట్ల పెంపును ఆర్బీఐ బ్రేక్ వేసింది. అయితే.. పలు బ్యాంకులు మాత్రం ఎఫ్డీలపై వడ్డీ రేట్లను పెంచి కస్టమర్లను ఆకర్షిస్తున్నాయి. కొన్ని బ్యాంకులు ఏకంగా 9శాతం వరకు వడ్డీలు ఇస్తున్నాయి. ఆ వివరాలు ఇక్కడ తెలుసుకుందాము..
ఫెడరల్ బ్యాంక్..
Fedaral Bank FD rates : ఫిక్స్డ్ డిపాజిట్లపై వడ్డీ రేట్లను సవరించింది ఫెడరల్ బ్యాంక్. రూ. 2కోట్ల కన్నా తక్కువ ఎఫ్డీలకు ఇది వర్తిస్తుంది. సాధారణ ప్రజలకు 3శాతం- 6.6శాతం మధ్యలో వడ్డీ రేట్లు ఉన్నాయి. సీనియర్ సిటిజెన్లకు 3.5శాతం నుంచి 7.25శాతం వరకు వడ్డీ రేట్లు ఉన్నాయి. 17 మే నుంచే ఇది అమల్లోకి వచ్చింది. 7 రోజులు- 5ఏళ్ల మెచ్యూరిటీ ఉన్న ఎఫ్డీలకు ఇది వర్తిస్తుంది.
బ్యాంక్ ఆఫ్ బరోడా..
Bank of Baroda FD rates : ఎఫ్డీలపై వడ్డీ రేట్లను పెంచుతున్నట్టు బ్యాంక్ ఆఫ్ బరోడా ప్రకటించింది. రూ. 2కోట్ల కన్నా తక్కువ డిపాజిట్లపై 30 బేసిస్ పాయింట్లు పెంచింది. ఇది మే 12న అమల్లోకి వచ్చింది. 399 డే బరోడా తిరంగా ప్లస్ డిపాజిట్ స్కీమ్లో 7.90శాతం వడ్డీ లభిస్తోంది.
ఇదీ చూడండి:- PPF crorepati: పీపీఎఫ్ లో పెట్టుబడులతో కోటీశ్వరులు కావచ్చు.. ఎలాగంటే..
తాజా హైక్తో ఈ బ్యాంక్లో సాధారణ కస్టమర్లకు 3శాతం నుంచి 7.25శాతం వరకు వడ్డీ రేట్లు లభిస్తుండగా.. సీనియర్ సిటిజెన్కు అది 3.5శాతం నుంచి 7.75శాతం వరకు వస్తోంది.
సూర్యోదయ బ్యాంక్..
Suryodaya small Finance bank FD rates : సూర్యోదయ స్మాల్ ఫైనాన్స్ బ్యాంక్.. తమ ఎఫ్డీలపై వడ్డీ రేట్లను సవరించింది. ఇది మే 5న అమల్లోకి వచ్చింది. సాధారణ ప్రజలకు వడ్డీ రేట్లు 4శాతం నుంచి 9.10శాతం వరకు ఉన్నాయి. ఇక సీనియర్ సిటీజెన్కు ఈ బ్యాంక్లో 4.50శాతం నుంచి 9.60శాతం వరకు వడ్డీ రేట్లు ఉన్నాయి.
యూనిటీ బ్యాంక్..
యూనిటీ స్మాల్ ఫైనాన్స్ బ్యాంక్లో ఎఫ్డీలపై వడ్డీ రేట్లను సవరించారు. ఇది మే 2 నుంచి అమల్లోకి వచ్చింది. సాధారణ కస్టమర్లకు 4.5శాతం నుంచి 9శాతం మధ్యలో వడ్డీ రేట్లు ఉన్నాయి. ఇక సీనియర్ సిటీజెన్కు 9.5శాతం వరకు వడ్డీ రేట్లు ఉన్నాయి.