XUV400 exclusive edition : ఆక్షన్కు.. ఎక్స్యూవీ400 ఎక్స్క్లూజివ్ ఎడిషన్
21 January 2023, 12:06 IST
- XUV400 exclusive edition : మహీంద్రా ఎక్స్యూవీ400 ఎక్స్క్లూజివ్ ఎడిషన్ త్వరలో ఆక్షన్కు వెళ్లనుంది. దీని ద్వారా వచ్చిన డబ్బును.. స్వచ్చంద కార్యక్రమాల కోసం వినియోగించనున్నారు!
ఆక్షన్కు.. ఎక్స్యూవీ400 ఎక్స్క్లూజివ్ ఎడిషన్
XUV400 exclusive edition : అందరు ఎంతగానో ఎదురుచూసిన ఎక్స్యూవీ400 ఈవీ ఇటీవలే విడులైంది. కాగా.. ఇప్పుడు ఎక్స్యూవీ400 ఎక్స్క్లూజివ్ ఎడిషన్కు సంబంధించిన ఓ వార్త బయటకొచ్చింది. ఈ ఏకైక ఎక్స్క్లూజివ్ ఎడిషన్ను మహీంద్రా అండ్ మహీంద్రా సంస్థ.. ఆక్షన్కు పెట్టనున్నట్టు తెలుస్తోంది. అంతేకాదు. ఆక్షన్ విజేతకు స్వయంగా ఆ సంస్థ ఛైర్మన్ ఆనంద్ మహీంద్రా.. ఈ ఎక్స్యూవీ400 ఈవీ ఎక్స్క్లూజివ్ ఎడిషన్ను అందజేయనున్నారు!
ఆక్షన్తో వచ్చిన డబ్బును.. మంచి పనికోసం..!
ఎక్స్యూవీ400 ఎక్స్క్లూజివ్ ఎడిషన్ ఆక్షన్ ఈ నెల 26 నుంచి 31 వరకు జరగనుంది. ఆసక్తి ఉన్నవారు ఈ ఆక్షన్లో పాల్గొనవచ్చు. హైదరాబాద్లో ఫిబ్రవరి 10న జరగనున్న ఫార్ములా ఈ వీకెండ్ ఈవెంట్లో.. ఆ ఎలక్ట్రిక్ వాహనాన్ని విజేతకు అందజేస్తారు ఆనంద్ మహీంద్రా. ఈ కారు ఆక్షన్తో వచ్చిన డబ్బును.. ఓ మంచి కార్యక్రమం కోసం వినియోగించనున్నట్టు మహీంద్రా అండ్ మహీంద్రా వెల్లడించింది.
XUV400 exclusive edition auction : ఎక్స్యూవీ400 ఎక్స్క్లూజివ్ ఎడిషన్ విక్రయంతో వచ్చిన డబ్బును.. మహీంద్రా సస్టైనెబులిటీ ఛాంపియన్ అవార్డు విజేతకు లేదా వేరే ఏదైనా ఎన్జీవోకు అందజేయాల్సి ఉంటుంది. ఈ రెండింట్లో ఎవరికి డబ్బును ఇవ్వాలనేది.. ఈ ఈవీ ఎక్స్క్లూజివ్ ఎడిషన్ను కొనుగోలు చేసిన కస్టమర్ నిర్ణయిస్తారు.
Mahindra XUV 400 vs Tata Nexon EV: ఈ ఎలక్ట్రిక్ కార్ల రేంజ్, ధర, స్పెసిఫికేషన్లు.. ఏది బెస్ట్? అన్న వివరాలు తెలుసుకునేందుకు ఇక్కడ క్లిక్ చేయండి.
ఎక్స్యూవీ 400కి- ఎక్స్యూవీ400 ఎక్స్క్లూజివ్ ఎడిషన్కు కాస్మొటిక్స్ పరంగా మార్పులు కనిపిస్తున్నాయి. ఎం అండ్ ఎం చీఫ్ డిజైన్ ఆఫీసర్ ప్రతాప్ బోస్, ప్రముఖ ఫ్యాషన్ డిజైనర్ రిమ్జిమ్ దాదు కొలాబరేషన్తో కాస్మొటిక్స్ మార్పులు జరిగాయి. కొత్త బ్లాక్ లెథర అప్హోలిస్ట్రీ విత్ కాపర్ స్టిచింగ్, బ్లూ ఇన్సర్ట్స్, డఫిల్ బ్యాగ్, సైడ్ బ్యాగ్స్, రేర్లో బ్లూ స్టీల్ వైర్ కుషన్స్ వంటివి ఈ ఎక్స్క్లూజివ్ ఎడిషన్లో లభిస్తున్నాయి.
ఎక్స్యూవీ400 వివరాలు..
XUV400 EV on road price in India : ఇక సాధారణ ఎక్స్యూవీ400 ఈవీ విషయానికొస్తే.. ఇందులో రెండు బ్యాటరీ ప్యాక్ ఆప్షన్స్ ఉన్నాయి. అవి 34.5కేడబ్ల్యూహెచ్, 39.2కేడబ్ల్యూహెచ్. వీటి రేంజ్ 456కి.మీలని తెలుస్తోంది. ఇందులో 7 ఇంచ్ టచ్స్క్రీన్ ఇన్ఫోటైన్మెంట్ సిస్టెమ్, ఆండ్రాయిడ్ ఆటో- యాపిల్ కార్ప్లే, లెథరేట్ అప్హోలిస్ట్రీ, సింగిల్- పేన్ సన్రూఫ్, 6 ఎయిర్బ్యాగ్స్, ఆల్-వీల్ డిస్క్ బ్రేక్స్ వంటివి లభిస్తున్నాయి.
మహీంద్రా ఎక్స్యూవీ400 ఈవీ ఎస్యూవీ ధర రూ. 15.99లక్షలు- రూ. 18.99లక్షల (ఎక్స్షోరూం) మధ్యలో ఉంటుంది. ఇండియాలోనే బెస్ట్ సెల్లింగ్ ఎలక్ట్రిక్ వెహికిల్.. టాటా నెక్సాన్ ఈవీకి ఇది గట్టిపోటీనిస్తుందని మార్కెట్లో అంచనాలు ఉన్నాయి.
XUV400 EV features : మహీంద్రా ఎక్స్యూవీ400కు సంబంధించిన పూర్తి వివరాలు తెలుసుకునేందుకు ఇక్కడ క్లిక్ చేయండి.