Maruti Jimny vs Mahindra Thar : మారుతీ జిమ్నీ వర్సెస్ మహీంద్రా థార్.. ది బెస్ట్ ఏది?
Maruti Jimny vs Mahindra Thar : అటు మారుతీ సుజుకీ జిమ్నీ.. ఇటు మహీంద్రా థార్. వీటి మధ్య పోటీ ఓ రేంజ్లో ఉంటుందని అంచనాలు ఉన్నాయి. ఈ నేపథ్యంలో ఈ రెండింటిని పోల్చి.. ది బెస్ట్ ఏదనేది తెలుసుకుందాము..
Maruti Jimny vs Mahindra Thar : 5 డోర్ జిమ్నీని ఎట్టకేలకు ఆవిష్కరించింది దేశీయ దిగ్గజ ఆటో సంస్థ మారుతీ సుజుకీ. మారుతీ సుజుకీ జిమ్నీ కోసం కస్టమర్లు ఎంతగానో ఎదురుచూస్తున్నారు. ఇక ఈ 5 డోర్ జిమ్నీకి గట్టి పోటీనిచ్చేందుకు మహీంద్రా థార్ సిద్ధమవుతోంది! మహీంద్రా థార్కు ఇప్పటికే ఆటో మార్కెట్లో మంచి క్రేజ్ ఉంది. చౌకైన థార్ ఇటీవలే లాంచ్ అవ్వడంతో.. డిమాండ్ మరింత పెరిగింది. ఈ నేపథ్యంలో.. ఈ రెండింటిని పోల్చి.. ది బెస్ట్ ఏదో తెలుసుకుందాము..
మారుతీ జిమ్నీ వర్సెస్ మహీంద్రా థార్- డైమెన్షన్స్..
Maruti Suzuki Jimny Dimensions : మారుతీ జిమ్నీ పొడవు 3,985ఎంఎం, వెడల్పు 1645 ఎంఎం, ఎత్తు 1720ఎంఎం. దీని వీల్బేస్ 2,590ఎంఎం. వెడల్పు, ఎత్తు విషయంలో జమ్నీ కన్నా మహీంద్రా థార్ డైమెన్షన్స్ ఎక్కువ. మహీంద్రా థార్ పొడవు 3,985ఎంఎం, వెడల్పు 1,820ఎంఎం, ఎత్తు 1,850ఎంఎం.
వీల్బేస్ విషయంలో మాత్రం థార్ కన్నా జిమ్నీ 145ఎంఎం ఎక్కువ ఉంటుంది. ఇక గ్రౌండ్ క్లియరెన్స్లో జిమ్నీ కన్నా థార్లో 226ఎంఎం ఎక్కువ ఉంటుంది.
మారుతీ జిమ్నీ వర్సెస్ మహీంద్రా థార్- స్పెసిఫికేషన్స్..
Mahindra Thar specifications : మారుతీ సుజుకీ జిమ్నీలో 1.5 లీటర్ కే158 పెట్రోల్ ఇంజిన్ ఉంది. ఇది 103 బీహెచ్పీ పవర్ను 134 ఎన్ఎం టార్క్ను జనరేట్ చేస్తుంది. ఇందులో 5 స్పీడ్ మేన్యువల్ లేదా 4 స్పీడ్ టార్క్ కన్వర్టర్ ఆటోమెటిక్ గేర్బాక్స్ ఉంటాయి. ఇదొక 4 వీల్ డ్రైవ్ వెహికిల్.
Tata Harrier vs MG Hector : టాటా హారియర్ వర్సెస్ ఎంజీ హెక్టార్.. ది బెస్ట్ ఏదని తెలుసుకునేందుకు ఇక్కడ క్లిక్ చేయండి.
ఇక మహీంద్రా థార్లో 3 ఇంజిన్ ఆప్షన్స్ ఉన్నాయి. అవి 1.5 లీటర్ డీజిల్, 2.0 లీటర్ టర్బో పెట్రోల్, 2.2 లీటర్ డీజిల్ ఇంజిన్లు. 1.5 లీటర్ డీజిల్ ఇంజిన్.. 113 బీహెచ్పీ పవర్ను, 300 ఎన్ఎం పీక్ టార్క్ను జనరేట్ చేస్తుంది. ఇందులో 6 స్పీడ్ మేన్యువల్ గేర్బాక్స్ ఉంటుంది. ఇదొక రేర్ వీల్ డ్రైవ్ వెహికిల్.
Maruti Jimny price in Hyderabad : 2.2 లీటర్ డీజిల్ ఇంజిన్.. 128 బీహెచ్పీ పవర్ను, 300 ఎన్ఎం టార్క్ను జనరేట్ చేస్తుంది. 2.0 లీటర్ టర్బో పెట్రోల్ ఇంజిన్.. 148 బీహెచ్పీ పవర్ను.. 320 ఎన్ఎం పీక్ టార్క్ను జనరేట్ చేస్తుంది. ఈ రెండు ఇంజిన్లలోనూ 6 స్పీడ్ మేన్యువల్, 6 స్పీడ్ ఆటోమెటిక్ గేర్బాక్స్ ఆప్షన్స్ ఉన్నాయి. ఇవి 4 వీల్ డ్రైవ్ వెహికిల్స్.
మారుతీ జిమ్నీ వర్సెస్ మహీంద్రా థార్- ఆఫ్ రోడ్ యాంగిల్స్..
ఇలాంటి వాహనాల్లో ఆఫ్ రోడ్ యాంగిల్ అనేది చాలా కీలకం! ఆఫ్ రోడ్లో వెళుతున్నప్పుడు డ్రైవింగ్కు ఇది ముఖ్యమవుతుంది. థార్లో అప్రోచ్ యాంగిల్ మెరుగ్గా ఉండగా.. జిమ్నీలో డిపార్చర్ యాంగిల్ బాగుంది. ఇక వీల్బేస్ తక్కువగా ఉండటంతో.. థార్లో మంచి బ్రేక్ ఓవర్ యాంగిల్ ఉంది.
మారుతీ జిమ్నీ వర్సెస్ మహీంద్రా థార్- ఫీచర్స్..
Mahindra Thar on road price in Hyderabad : మారుతీ సుజుకీ జిమ్నీ అనేది ఒక 5డోర్ వేరియంట్. మహీంద్రా థార్ అనేది 3 డోర్ మోడల్. కాగా.. 5 డోర్ థార్పై మహీంద్రా అండ్ మహీంద్రా పని చేస్తున్నట్టు తెలుస్తోంది.
ఇక ఫీచర్స్ విషయానికొస్తే.. రెండింట్లోనూ క్రూయిజ్ కంట్రోల్, మల్టీ- ఫంక్షన్ స్టీరింగ్ వీల్, టచ్స్క్రీన్ ఇన్ఫోటైన్మెంట్ సిస్టెమ్, రేర్ పార్కింగ్ సెన్సార్స్, హిల్ హోల్డ్ కంట్రోల్, ఈఎస్పీ అండ్ హిల్ డిసెంట్ కంట్రోల్ ఫీచర్స్ ఉన్నాయి.
థార్లో టైర్ ప్రెజర్ మానిటరింగ్ సిస్టెమ్, అడ్వెంచర్ స్టాటిస్టిక్స్, 18 ఇంచ్ అలాయ్ వీల్స్, డ్రైవర్ సీట్ కోసం హైట్ అడ్జస్ట్మెంట్, రూఫ్ మౌంటెడ్ స్పీకర్, 7 ఇంచ్ ఇన్ఫోటైన్మెంట్ సిస్టెమ్ విత్ ఆండ్రాయిడ్ ఆటో, యాపిల్ కార్ప్లే సపోర్ట్ లభిస్తుంది.
మారుతీ జిమ్నీలో 6 ఎయిర్బ్యాగ్స్, స్టార్ట్/ స్టాప్ పుష్ బటన్, హెడ్ల్యాంప్ వాషర్స్, ఆటోమెటిక్ ఎల్ఈడీ హెడ్ల్యాంప్స్, 9 ఇంచ్ ఇన్ఫోటైన్మెంట్ సిస్టెమ్ విత్ వయర్లెస్ ఆండ్రాయిడ్ ఆటో, యాపిల్ కార్ప్లేలు లభిస్తున్నాయి.
మారుతీ జిమ్నీ వర్సెస్ మహీంద్రా థార్- ధర..
Mahindra Thar 2WD variant price : మహీంద్రా థార్ రేర్ వీల్ డ్రైవ్ వేరియంట్ రూ. 9.99లక్షల ఎక్స్షోరూం ప్రైజ్కు ప్రారంభమవుతోంది. ఇక 4 వీల్ డ్రైవ్ వేరియంట్ ప్రారంభ ఎక్స్షోరూం ధర రూ. 13.59లక్షలుగా ఉంది.
మారుతీ సుజుకీ జిమ్నీ ధరకు సంబంధించిన వివరాలు ఇంకా తెలియలేదు. అయితే.. దీనిని రూ. 10లక్షలు- రూ. 12లక్షల మధ్యలో లాంచ్ చేసే అవకాశం ఉంది. జిమ్నీ బుకింగ్స్ను మారుతీ సుజుకీ ప్రారంభించింది. నెక్సా డీలర్షిప్ షోరూంలలో రూ. 11వేలతో బుకింగ్ చేసుకోవచ్చు.
సంబంధిత కథనం