Aadhaar PAN mandatory for small saving schemes : ఈ పథకాలకు ఆధార్, పాన్ తప్పనిసరి..!
01 April 2023, 13:20 IST
- Aadhaar PAN mandatory for small saving schemes : ఇకపై చిన్న పొదుపు పథకాల ఖాతాలు తెరవాలంటే.. ఆధార్, పాన్ వివరాలు కచ్చితంగా సమర్పించాల్సిందే. తాజా నిబంధన నేటి నుంచి అమల్లోకి వచ్చింది.
చిన్న పొదుపు పథకాలకు పాన్, ఆధార్ తప్పనిసరి
Aadhaar PAN mandatory for small saving schemes : పీపీఎఫ్, ఎస్ఎస్వై వంటి చిన్న పొదుపు పథకాల ఖాతాల్లో పెట్టుబడులు పెట్టేందుకు ఆధార్, పాన్ నెంబర్లు తప్పనిసరి అన్న నిబంధన ఏప్రిల్ 1 నుంచి అమల్లోకి వచ్చింది. ఈ విషయంపై మార్చ్ 31న కేంద్ర ఆర్థిక శాఖ నోటిఫికేషన్ జారీ చేసింది.
Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్యూవీ..!
Infinix GT 20 Pro : ఇండియాలో ఇన్ఫీనిక్స్ జీటీ 20 ప్రో లాంచ్ డేట్ ఫిక్స్.. ఫీచర్స్ ఇవే!
Honda Civic into Lamborghini : హోండా సివిక్ని లంబోర్ఘినిగా మార్చిన యూట్యూబర్- నెటిజన్లు ఫిదా!
Motorola X50 Ultra : మోటోరోలా ఎక్స్50 అల్ట్రా లాంచ్.. సూపర్ కూల్ ఫీచర్స్తో!
ఆ అకౌంట్లు ఫ్రీజ్..!
ఆధార్ నెంబర్ ఇవ్వకపోయినా.. చిన్న పొదుపు పథకాల్లో పెట్టుబడులకు ఇంతకాలం అనుమతిచ్చేవారు. కానీ ఇప్పటి నుంచి వీటిల్లో పెట్టుబడులకు ఆధార్, పాన్ నెంబర్లు తప్పనిసరిగా ఇవ్వాల్సి ఉంటుంది.
Pan must for PPF account : నోటిఫికేషన్ ప్రకారం.. పీపీఎఫ్, ఎస్ఎస్వై, ఎన్వైసీ, ఎస్సీఎస్ఎస్తో పాటు ఇతర చిన్న పొదుపు పథకాల్లో ఖాతా తెరిచే సమయంలో ఎవరైనా ఆధార్ నెంబర్ ఇవ్వకపోయుంటే.. 2023 సెప్టెంబర్ 30 నాటికి దానిని సమర్పించాల్సి ఉంటుంది. కొత్తగా అకౌంట్ చేస్తున్న వారు.. ఖతా తెరిచిన 6 నెలలలోపు ఆధార్ కార్డు నెంబర్ ఇవ్వాల్సి ఉంటుంది. ఇలా జరగకపోతే.. అకౌంట్ ఓపెన్ చేసిన 6 నెలల్లో అది ఫ్రీజ్ అయిపోతుంది. అంటే.. 2023 అక్టోబర్ 1 నుంచి అకౌంట్లను వాడుకోలేరు!
ఇక చిన్న పొదుపు ఖాతాల్లో అకౌంట్ తెరుస్తున్న సమయంలోనే పాన్ కార్డ్ నెంబర్ ఇవ్వాల్సి ఉంటుంది. ఇవ్వని పక్షంలో కింద చెప్పిన విషయాలను పరిగణించి, రెండు నెలల్లోగా పాన్ వివరాలు ఇవ్వాల్సి ఉంటుంది.
1. అకౌంట్లో బ్యాలెన్స్ రూ. 50వేలు దాటినప్పుడు లేదా
Aadhaar mandatory for small saving schemes : 2. ఆర్థిక ఏడాదిలో అకౌంట్ బ్యాలెన్స్ రూ. 1లక్ష దాటినప్పుడు లేదా
3. అకౌంట్ నుంచి విత్డ్రా, బదిలి చేస్తున్నప్పుడు.. ఒక నెలలో రూ. 10వేల లిమిట్ దాటినప్పుడు.
ఒక వేళ పాన్ నెంబర్ ఇవ్వకపోతే.. సంబంధిత ఖాతా కార్యకలాపాలు నిలిచిపోతాయని నోటిఫికేషన్ స్పష్టం చేసింది. అకౌంట్స్ ఆఫీసులో పాన్ నెంబర్ ఇచ్చిన తర్వాతే అది మళ్లీ ఓపెన్ అవుతుందని వివరించింది.