Shirdi Tour Package : షిర్డీకి ఫ్లైట్ టూర్ ప్యాకేజీ - బాబా దర్శనంతో పాటు థీమ్ పార్క్ షో చూడొచ్చు! వివరాలు ఇలా
Hyderabad Shirdi Tour Package: షిర్డీకి ఫ్లైట్ జర్నీ ద్వారా వెళ్లేందుకు తెలంగాణ టూరిజం ప్యాకేజీని ప్రకటించింది. హైదరాబాద్ సిటీ నుంచి ఆపరేట్ చేసే ఈ ప్యాకేజీ 2 రోజుల్లోనే ముగుస్తుంది. తెలంగాణ టూరిజం వెబ్ సైట్ లోకి వెళ్లి షెడ్యూల్ తో పాటు పూర్తి వివరాలను తెలుసుకోవచ్చు.
షిర్డీకి వెళ్లి ప్లాన్ ఉందా…? తొందరగా వెళ్లి రావాలనుకునే వారికోసం తెలంగాణ టూరిజం ఫ్లైట్ జర్నీ టూర్ ప్యాకేజీ ప్రకటించింది. హైదరాబాద్ నుంచి ఫ్లైట్ లో వెళ్తారు. కేవలం 2 రోజుల్లోనే ఈ ప్యాకేజీ షెడ్యూల్ పూర్తి అవుతుంది. టూరిజం వెబ్ సైట్ లోకి వెళ్లి వివరాలును తెలుసుకోవచ్చు.
తెలంగాణ టూరిజం వెబ్ సైట్ లో' Shiridi - Flight Package' పేరుతో ఈ ప్యాకేజీ ఉంటుంది. షెడ్యూల్ ప్రకారం…. హైదరాబాద్ నుంచి షిర్డీకి వెళ్లే ఫ్లైట్ శంషాబాద్ ఎయిర్ పోర్టు నుంచి మధ్యాహ్నం 1. 30 గంటలకు బయల్దేరుతుంది.
మధ్యాహ్నం 2:50 గంటలకు షిర్డీ ఎయిర్ పోర్టుకు చేరుకుంటారు. 3:30 గంటలకు హోటల్ లోకి చెకిన్ అవుతారు. ఆ తర్వాత సాయిబాబా దర్శనానికి వెళ్తారు. సాయంత్రం జరిగే హారతి కార్యక్రమంలో పాల్గొనటంతో పాటు వీఐపీ దర్శనం లేదా ఫ్రీ దర్శనం ఉంటుంది. రాత్రి 7 గంటలకు థీమ్ పార్క్ షో ఉంటుంది. రాత్రి 8 గంటల వరకు షాపింగ్ చేసుకోవచ్చు. రాత్రి 9 తర్వాత హోటల్ కు చేరుకుంటారు.
ఇక రెండో రోజు మార్నింగ్ టిఫిన్ చేస్తారు. ఆ తర్వాత పంచముఖి గణపతి టెంపుల్ కు వెళ్తారు. పాత షిర్డీని చూస్తారు. kandoba మందిర్ కు వెళ్లటంతో పాటు సాయి టీత్ ను సందర్శిస్తారు. సాయంత్రం 5:30 గంటలకు హైదరాబాద్ కు ఫ్లైట్ లో చేరుకుంటారు.
హైదరాబాద్ నుంచి షిర్డీ ఫ్లైట్ టూర్ ప్యాకేజీ ధర రూ. 12499గా ఉంది. ఈ టూర్ ప్యాకేజీలో ఫ్లైట్ టికెట్లతో పాటు వసతి సౌకర్యం ఉంటుంది. ఏమైనా సందేహాలు ఉంటే 9848540371 ఫోన్ నెంబర్ ను సంప్రదించవచ్చు. ఈ ప్యాకేజీ ఆన్ లైన్ లో బుకింగ్ చేసుకునే అవకాశం లేదు. బుకింగ్ చేసుకోవాలనుకునే అభ్యర్థులు హైదరాబాద్ లోని తెలంగాణ టూరిజం ఆఫీస్ ను సంప్రదించాలి. https://tourism.telangana.gov.in/package/shirdiflight లింక్ పై క్లిక్ చేసి ప్యాకేజీ వివరాలు చూడొచ్చు.
