Ashes 2023 : ఇంగ్లాండ్ vs ఆస్ట్రేలియా 4వ టెస్టు.. తొలిరోజు ఆస్ట్రేలియా ఎన్ని పరుగులు చేసిందంటే-cricket news ashes 2023 australia vs england australia scored 299 for 8 against england in day 1 of 4th test ,స్పోర్ట్స్ న్యూస్
తెలుగు న్యూస్  /  స్పోర్ట్స్  /  Ashes 2023 : ఇంగ్లాండ్ Vs ఆస్ట్రేలియా 4వ టెస్టు.. తొలిరోజు ఆస్ట్రేలియా ఎన్ని పరుగులు చేసిందంటే

Ashes 2023 : ఇంగ్లాండ్ vs ఆస్ట్రేలియా 4వ టెస్టు.. తొలిరోజు ఆస్ట్రేలియా ఎన్ని పరుగులు చేసిందంటే

Anand Sai HT Telugu
Jul 20, 2023 05:50 AM IST

Ashes 2023 : జూలై 19, బుధవారం మాంచెస్టర్‌లో ప్రారంభమైన 2023 యాషెస్ టెస్ట్ సిరీస్‌లో నాలుగో టెస్టు మొదటి రోజు ముగింపులో పర్యాటక ఆస్ట్రేలియా ఆతిథ్య ఇంగ్లాండ్‌పై మంచి స్కోరును సాధించింది. అయితే మరిన్ని వికెట్లు కోల్పోయింది.

యాషెస్ టెస్ట్ సిరీస్
యాషెస్ టెస్ట్ సిరీస్ (ICC)

యాషెస్ టెస్ట్ సిరీస్(Ashes Test Series) నాలుగో టెస్ట్ జరుగుతోంది. టాస్ ఓడి తొలుత బ్యాటింగ్ చేసిన పాట్ కమిన్స్ నేతృత్వంలోని ఆస్ట్రేలియా జట్టు 83 ఓవర్లలో 8 వికెట్ల నష్టానికి 299 పరుగులు చేసింది. బౌలింగ్‌లో ఇంగ్లండ్‌ ఆధిపత్యం చెలాయిస్తే.. ఆస్ట్రేలియా జట్టు(Australia Team) కూడా తొలిరోజు 300 పరుగులకు చేరువలో మంచి స్కోరు సాధించింది.

ఆస్ట్రేలియా బ్యాటింగ్‌కు డేవిడ్ వార్నర్(David Warner), ఉస్మాన్ ఖవాజా ఓపెనర్లు. అయితే జట్టు స్కోరు 15 పరుగుల వద్ద ఉన్న సమయంలో ఖవాజా 3 పరుగులు చేసి వికెట్‌ను లొంగిపోయాడు.

డేవిడ్ వార్నర్ 32, మార్నస్ లాబుస్‌చాగ్నే 51, స్టీవెన్ స్మిత్ 41, ట్రావిస్ హెడ్ 48, మిచెల్ మార్ష్ 51, కెమెరాన్ గ్రీన్ 16, అలెక్స్ కారీ 20, మిచెల్ స్టార్క్ 23, కెప్టెన్ పాట్ కమిన్స్ 1 పరుగు చేసి రెండో రోజు బ్యాటింగ్‌లో నిలబడ్డారు.

ఇంగ్లండ్ జట్టు(England Team)లో క్రిస్ వోక్స్ 19 ఓవర్లలో 52 పరుగులిచ్చి 4 వికెట్లు పడగొట్టగా, స్టువర్ట్ బ్రాడ్ 14 ఓవర్లలో 68 పరుగులిచ్చి 2 వికెట్లు తీశాడు. మార్క్ వుడ్, మొయిన్ అలీ ఒక్కో వికెట్ తీశారు. మాంచెస్టర్‌లోని ఓల్డ్ ట్రాఫోర్డ్‌లో జరిగే నాలుగో యాషెస్ టెస్టులో విజయం సాధించి ఆస్ట్రేలియాతో సిరీస్‌ను సమం చేయాలని ఇంగ్లాండ్ చూస్తోంది.

ఆస్ట్రేలియా: డేవిడ్ వార్నర్, ఉస్మాన్ ఖవాజా, మార్నస్ లాబుషాగ్నే, స్టీవ్ స్మిత్, ట్రావిస్ హెడ్, మిచెల్ మార్ష్, కామెరాన్ గ్రీన్, అలెక్స్ కారీ (వికెట్ కీపర్), మిచెల్ స్టార్క్, పాట్ కమిన్స్ (కెప్టెన్), జోష్ హేజిల్‌వుడ్.

ఇంగ్లండ్: జాక్ క్రాలే, బెన్ డకెట్, మొయిన్ అలీ, జో రూట్, హ్యారీ బ్రూక్, బెన్ స్టోక్స్ (కెప్టెన్), జోనాథన్ బెయిర్‌స్టో (వికెట్ కీపర్), క్రిస్ వోక్స్, మార్క్ వుడ్, స్టువర్ట్ బ్రాడ్, జేమ్స్ ఆండర్సన్.

WhatsApp channel