అక్టోబర్ 16, నేటి రాశి ఫలాలు- పోటీపరీక్షల్లో విజయం, ఉద్యోగులకు పదోన్నతులు

నేటి రాశి ఫలాలు (దిన ఫలాలు) 16.10.2024

వారం: బుధ‌వారం, తిథి : చ‌తుర్ద‌శి,

నక్షత్రం: ఉత్తరాభాద్ర, మాసం : ఆశ్వయుజము ,

సంవత్సరం: శ్రీ క్రోధి నామ, ఆయనం: ద‌క్షిణాయ‌నం

మేషం

రాబడితో సమానంగా ఖర్చులు ఎదురవుతాయి. పనులు నెమ్మదిగా పూర్తి చేస్తారు. ఆలోచనలు అమలు చేస్తారు. విద్య, ఉద్యోగావకాశాలు దక్కుతాయి. వాహనాలు కొనుగోలు చేస్తారు. ఒక సంఘటన ఆకట్టుకుంటుంది. ఆస్తి వివాదాలు కొంతవరకు తీరతాయి. వ్యాపారాలలో అనుకున్న లాభాలు అందుతాయి. ఉద్యోగులకు మంచి గుర్తింపు రాగలదు. పారిశ్రామికవర్గాలకు విదేశీ పర్యటనలు. వృథా ఖర్చులు. నీలం, నేరేడు రంగులు, సుబ్రహ్మణ్యేశ్వరస్తోత్రాలు పఠించండి.

వృషభం

పరపతి కలిగిన వారితో పరిచయాలు. ఆసక్తికర సమాచారం అందుతుంది. పనుల్లో విజయం. కుటుంబసమస్యలు తీరి ఊరట లభిస్తుంది. విద్యార్థులకు అనుకూల ఫలితాలు. భూవివాదాల నుంచి బయటపడతారు. వ్యాపారాలలో కొత్త పెట్టుబడులు అందుతాయి. కోర్టు కేసులు కొన్ని పరిష్కారమవుతాయి. ఉద్యోగులకు ఉన్నతహోదాలు. పారిశ్రామికవర్గాలకు విదేశీ పర్యటనలు. వ్యయప్రయాసలు. గులాబీ, లేత పసుపు రంగులు, గణేశ స్తోత్రాలు పఠించండి.

మిథునం

పనులు కొంత నెమ్మదిగా పూర్తి చేస్తారు. ఆర్థిక వ్యవహారాలలో ఒడిదుడుకులు కాస్త తొలగుతాయి. విద్యార్థులు, నిరుద్యోగుల కృషి ఫలిస్తుంది. ఆశ్చర్యకరమైన విషయాలు తెలుస్తాయి. ప్రముఖులతో పరిచయాలు సంతోషం కలిగిస్తాయి. ఆరోగ్యంపై కొంత శ్రద్ధ చూపండి. వ్యాపారాలలో లాభనష్టాలు సమానంగా ఉంటాయి. ఉద్యోగులకు పనిభారం ఉన్నా గుర్తింపు రాగలదు. కళాకారులకు శుభవార్తలు. దూరప్రయాణాలు చేయాల్సి రావ‌చ్చు. నీలం, ఆకుపచ్చ రంగులు, లక్ష్మీస్తోత్రాలు పఠించండి.

కర్కాటకం

నేటి రాశి ఫలాల ప్రకారం కర్కాటక రాశి వారికి ఆర్థిక పరిస్థితి కొంతవరకు అనుకూలిస్తుంది. చేపట్టిన కార్యక్రమాలు పూర్తి చేస్తారు. ఆలయాలు సందర్శిస్తారు. గత సంఘటనలు గుర్తుకు వస్తాయి. పోటీపరీక్షల్లో విజయం సాధిస్తారు. ఇంటిలో శుభకార్యాలు నిర్వహిస్తారు. వ్యాపారాలు లాభసాటిగా ఉంటాయి. ఉద్యోగులకు కొత్త ఆశలు. పారిశ్రామికవర్గాలకు నూతనోత్సాహం. వృథా ఖర్చులు. అనారోగ్యం. పసుపు, లేత నీలం రంగులు, గణేశాష్టకం పఠించండి.

సింహం

కొత్త కార్యక్రమాలను ప్రారంభిస్తారు. ఇంటాబయటా మీకు ఎదురుండదు. వివాహాది శుభకార్యాలకు హాజరవుతారు. రాబడి ఆశాజనకంగా ఉంటుంది. ఇతరుల మెప్పు పొందుతారు. కొన్ని నిర్ణయాలకు కుటుంబసభ్యుల ప్రశంసలు అందుతాయి. వస్తు, వాహనలాభాలు. వ్యాపారాలలో ముందడుగు. ఉద్యోగులకు పదోన్నతులు దక్కే అవకాశం. కళాకారులకు ఉత్సాహవంతమైన కాలం. వ్యయ ప్రయాసలు. ఎరుపు, తెలుపు రంగులు, శివాష్టకం పఠించండి.

కన్య

ఆర్థిక ఇబ్బందులతో సతమతమవుతారు. ఆలోచనలు కలసిరావు. పనుల్లో ఆటంకాలు ఎదురవుతాయి. పట్టుదలతో ముందుకు సాగడం మంచిది. ఆరోగ్య సమస్యలు కాస్త చికాకు పరుస్తాయి. విద్యార్థుల యత్నాలు మందగిస్తాయి. వ్యాపారాలు సామాన్యంగానే ఉంటాయి. ఉద్యోగులకు అదనపు బాధ్యతలు. రాజకీయవర్గాలకు నిరుత్సాహం. శుభవార్తా శ్రవణం. విందువినోదాలు. ధనలాభం. గులాబీ, లేత ఎరుపు రంగులు, హనుమాన్ చాలీసా పఠించండి.

తుల‌

అనుకున్న పనులు సజావుగా పూర్తి కాగలవు. ఆలోచనలు కార్యరూపం దాలుస్తాయి. ఎంతోకాలంగా ఉక్కిరిబిక్కిరి చేస్తున్న బాధ్యతల నుంచి విముక్తి. ఆర్థిక లావాదేవీలు సంతృప్తికరం. వాహన, గృహయోగాలు. వ్యాపారాలు లాభసాటిగా కొనసాగుతాయి. ఉద్యోగులకు సంతోషకరమైన సమాచారం. పారిశ్రామికవర్గాలకు ప్రభుత్వపరంగా సాయం అందుతుంది. ధనవ్యయం. పసుపు, ఆకుపచ్చ రంగులు, విష్ణు సహస్రనామ పారాయణ చేయండి.

వృశ్చికం

ఆర్థిక ఇబ్బందులు తీరి ఊరట లభిస్తుంది. వ్యవహారాలు సాఫీగా పూర్తి కాగలవు. పలుకుబడి కలిగిన వ్యక్తులతో పరిచయాలు. ఆరోగ్యసమస్యల నుంచి ఉపశమనం. ఆస్తి విషయంలో ఒప్పందాలు చేసుకుంటారు. వ్యాపారాలు పుంజుకుంటాయి. ఉద్యోగులకు పైస్థాయి అధికారుల నుంచి ప్రశంసలు. కళాకారులకు అవార్డులు రావచ్చు. వృథా ఖర్చులు. నీలం, తెలుపు రంగుల నవగ్రహ స్తోత్రాలు పఠించండి.

ధనుస్సు

నేటి రాశి ఫలాల ప్రకారం ధనుస్సు రాశి వారికి ఈరోజు ఆశించిన రీతిలో పనులు పూర్తి చేస్తారు. ఆర్థిక వ్యవహారాలు ఆశాజనకంగా ఉంటాయి. నూతన వ్యక్తుల పరిచయాలు. సంఘంలో గౌరవం పెరుగుతుంది. కష్టానికి తగ్గ ఫలితం దక్కుతుంది. తీర్థయాత్రలు చేస్తారు. వ్యాపారాలు మరింత పుంజుకుంటాయి. ఉద్యోగులకు పదోన్నతులతో కూడిన బదిలీలు. రాజకీయవర్గాలకు సన్మానాలు. కుటుంబ, ఆరోగ్యసమస్యలు. ధనవ్యయం. ఆకుపచ్చ, నేరేడు రంగులు, కనకదుర్గా స్తోత్రాలు పఠించండి.

మకరం

ఉత్సాహంగా ముఖ్యమైన కార్యక్రమాలు పూర్తి చేస్తారు. ఆత్మీయులు, శ్రేయోభిలాషుల నుంచి ముఖ్య సమాచారం అందుతుంది. విద్యార్థుల నైపుణ్యం వెలుగులోకి వస్తుంది. దూరమైన ఆప్తులు దగ్గరకు చేరతారు. నూతన ఉద్యోగాలు దక్కుతాయి. భూములు, వాహనాల కొనుగోలు. ఆలయాలు సందర్శిస్తారు. వ్యాపారాలు విస్తరిస్తారు. ఉద్యోగులకు ప్రశంసలు అందుతాయి. కళాకారులకు సత్కారాలు. అనారోగ్యం. శ్రమాధిక్యం. గులాబీ, తెలుపు రంగులు, దేవీ స్తోత్రాలు పఠించండి.

కుంభం

కొన్ని సమస్యల నుంచి బయట పడతారు. కుటుంబంలో శుభకార్యాల నిర్వహణ. ఇంటాబయటా మీదే పైచేయిగా ఉంటుంది. చిన్ననాటి మిత్రులను కలుసుకుని ఉత్సాహంగా గడుపుతారు. ఎటువంటి బాధ్యతనైనా సమర్థంగా నిర్వహిస్తారు. వ్యాపారాలు లాభసాటిగా ఉంటాయి. ఉద్యోగులకు పదోన్నతులు రావచ్చు. పారిశ్రామిక వర్గాలకు ఉత్సాహవంతంగా ఉంటుంది. వృథా ఖర్చులు. ఎరుపు, లేత గులాబీ రంగులు. ఆదిత్య హృదయం పఠించండి.

మీనం

ఆర్థిక వ్యవహారాలలో పురోగతి ఉంటుంది. ముఖ్యమైన పనులు చకచకా సాగుతాయి. ప్రతిభ వెలుగులోకి వస్తుంది. వాహనయోగం. చిరకాల ప్రత్యర్థులు మిత్రులుగా మారతారు. వ్యాపారాలలో లాభాలు పొందుతారు. ఉద్యోగులకు అనుకూల మార్పులు ఉంటాయి. రాజకీయవర్గాలకు సన్మానాలు. స్వల్ప అనారోగ్యం. కుటుంబ సభ్యులతో విభేదాలు. నేరేడు, నీలం రంగులు, ఆంజనేయ దండకం పఠించండి.

అందించిన వారు: ఆధ్యాత్మికవేత్త బ్రహ్మశ్రీ చిలకమర్తి ప్రభాకర చక్రవర్తి శర్మ