Saturn venus conjunction: శని, శుక్ర సంయోగం- ఈ ఏడాది చివరి నుంచి మూడు రాశుల వారి జీవితమే మారబోతుంది

Saturn venus conjunction: జ్యోతిష్య శాస్త్రంలో శుక్రుడిని అసురుల అధిపతిగా పిలుస్తారు. ప్రతి ఇరవై నాలుగు రోజులకు ఒకసారి తన రాశిని మార్చుకుంటాడు. ప్రస్తుతం కన్యా రాశిలో సంచరిస్తున్నాడు. ఈ ఏడాది చివరి నాటికి శుక్రుడు శనికి చెందిన కుంభ రాశిలోకి వెళతాడు. శుక్ర, శని గ్రహాల కలయిక అన్ని రాశుల వారి జీవితాలను ప్రభావితం చేస్తుంది.

28 డిసెంబర్ 2024న, శుక్రుడు రాత్రి 11:28 గంటలకు కుంభ రాశిలోకి ప్రవేశిస్తాడు. శని దేవుడు ఇప్పటికే ఈ రాశిలో ఉన్నాడు. ఈ విధంగా డిసెంబర్ 2024 లో కుంభ రాశిలో శుక్రుడు, శని కలయిక ఉంటుంది. ఈ సంయోగం కొన్ని రాశుల వారికి ప్రయోజనం చేకూరుస్తుంది. మరికొందరికి నష్టాలను ఇస్తుంది. శని శుక్ర సంయోగం వల్ల లాభపడే రాశులు ఇవే.

వృషభ రాశి

వృషభ రాశిలో పదవ ఇంట్లో శని, శుక్ర సంయోగం జరగబోతోంది. అన్ని రంగాలలో విజయం సాధిస్తారు. ఉద్యోగస్తులకు ఇది అనుకూలమైన కాలం. వ్యాపారస్తులు అధిక లాభాలు పొందే అవకాశం ఉంది. ధనలాభాలు వచ్చే అవకాశాలు ఉన్నాయి. ఉద్యోగస్తులు ప్రమోషన్లు పొందవచ్చు. ఉద్యోగం మారాలని ఆలోచిస్తున్నట్లయితే ఇప్పుడు కోరుకున్న ఉద్యోగం లభిస్తుంది. ఆర్థిక పరిస్థితిలో మెరుగుదల ఉంటుంది. అకస్మాత్తుగా డబ్బు అందుతుంది. మీ పెండింగ్‌లో ఉన్న అన్ని పనులను పూర్తి చేయడానికి ఇది ఉత్తమ సమయం. ప్రభుత్వ పనిలో విజయం సాధిస్తారు.

మకర రాశి

శని దేవుడు మకర రాశి మొదటి, రెండవ ఇంటికి అధిపతి. శని, శుక్ర గ్రహాల సంయోగం కారణంగా మకర రాశి వారి జీవితంలో అపారమైన ప్రయోజనాలను పొందే అవకాశం ఉంది. కెరీర్‌లో తగిన అవకాశాలు లభించే సూచనలు ఉన్నాయి. కొత్త ఉద్యోగం కోసం చూస్తున్న వ్యక్తులు ఇప్పుడు తమకు నచ్చిన ఉద్యోగాన్ని పొందవచ్చు. అన్ని రకాల భౌతిక ఆనందాన్ని పొందుతారు. ఆదాయ వనరులు కూడా పెరుగుతాయి. ఆర్థిక స్థితి మెరుగుపడుతుంది. వివిధ ఒప్పందాల నుండి డబ్బు చేతికి అందుతుంది. కుటుంబ సభ్యులతో నాణ్యమైన సమయాన్ని గడపడానికి అవకాశం లభిస్తుంది. ఇది మీ ప్రేమ జీవితానికి అనుకూలమైన సమయం. ఒంటరి వ్యక్తికి వివాహ ప్రతిపాదన రావచ్చు. వైవాహిక జీవితంలో జరుగుతున్న మీ సమస్యలన్నీ తీరిపోతాయి.

తులా రాశి

తులా రాశిలోని ఐదవ ఇంటిలో శని, శుక్ర సంయోగం జరుగుతుంది. విద్యార్థులు పరీక్షలలో విజయం సాధిస్తారు. కళల రంగంలో చాలా బాగా పని చేస్తారు. భవిష్యత్తులో కళ లేదా సృజనాత్మక రంగం కెరీర్ గా ఎంచుకుంటే రాణిస్తారు. పిల్లల వల్ల ఆనందంగా ఉంటారు. విదేశాల్లో అభ్యసించాలనుకునే విద్యార్థుల కోరికలు ఇప్పుడు నెరవేరుతాయి. దీర్ఘకాలంగా పెండింగ్‌లో ఉన్న పనులు విజయవంతంగా పూర్తి చేస్తారు. కృషికి తగిన ఫలితాలు పొందుతారు. ఆర్థిక పరిస్థితి మెరుగుపడే అవకాశాలు ఉన్నాయి. వ్యాపారులు కూడా భారీ లాభాలను పొందుతారు. ధనలాభం కలిగే అవకాశాలు ఉన్నాయి. పూర్వీకుల ఆస్తి నుండి ప్రయోజనాలను పొందవచ్చు. కొత్త వాహనం లేదా ఆస్తి మొదలైనవి కొనుగోలు చేస్తారు.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.