AP TG Weather Updates : బంగాళాఖాతంలో అల్పపీడనం...! ఏపీ, తెలంగాణకు భారీ వర్ష సూచన

 మే 22 నాటికి నైరుతి బంగాళాఖాతంలో అల్పపీడనం ఏర్పడే అవకాశం ఉందని వాతావరణశాఖ తెలిపింది. ఇది మే 24 నాటికి వాయుగుండంగా కేంద్రీకృతమై అవకాశం ఉందని అంచనా వేసింది.

ఈ ప్రభావంతో ఏపీ, తెలంగాణలో తేలికపాటి నుంచి భారీ వర్షాలు కురిసే అవకాశం ఉందని ఐఎండీ తెలిపింది. 

మే 19(ఇవాళ) శ్రీకాకుళం,అల్లూరి,మన్యం, అనకాపల్లి,కాకినాడ,ఉభయగోదావరి, కోనసీమ,ఏలూరు,కృష్ణా,నెల్లూరు, కర్నూలు,నంద్యాల,అనంతపురం జిల్లాల్లో పిడుగులతో కూడిన తేలికపాటి వర్షాలకు అవకాశం ఉందని ఏపీ విపత్తుల నిర్వహణ సంస్థ తెలిపింది.

అల్పపీడనం ఏర్పడే అవకాశం ఉన్న నేపథ్యంలో ఏపీలోని కోస్తాంధ్ర, తెలంగాణ జిల్లాల్లో భారీ నుంచి అతిభారీ వర్షాలు కురిసే అవకాశం ఉందని వాతావరణశాఖ హెచ్చరించింది.

మే 23వ తేదీ వ‌ర‌కు తెలంగాణ‌, ఏపీలో మోస్త‌రు నుంచి అతి భారీ వ‌ర్షాలు కురిసే అవ‌కాశం ఉంద‌ని వాతావ‌ర‌ణ శాఖ తెలిపింది.  ప్ర‌జ‌లు అప్ర‌మ‌త్తంగా ఉండాల‌ని సూచించింది.

మరోవైపు ద‌క్షిణ అండ‌మాన్ స‌ముద్రంలో నైరుతీ రుతుప‌వ‌నాలు చురుగ్గా క‌దులుతున్నాయి. ఇవాళ్టికి(మే 19)  బంగాళాఖాతంలో ఆగ్నేయ ప్రాంతాల‌పై నైరుతీ రుతుప‌వ‌నాలు విస్త‌రించ‌నున్నట్లు వాతావ‌ర‌ణ అంచనా వేసింది.