Electoral bonds : అత్యధిక ఎలక్టోరల్​ బాండ్లు​ కొన్న ఈ ‘లాటరీ కింగ్​’ ఎవరు?-who is santiago martin lottery king whose firm bought highest electoral bonds ,జాతీయ - అంతర్జాతీయ న్యూస్
తెలుగు న్యూస్  /  National International  /  Who Is Santiago Martin, Lottery King Whose Firm Bought Highest Electoral Bonds

Electoral bonds : అత్యధిక ఎలక్టోరల్​ బాండ్లు​ కొన్న ఈ ‘లాటరీ కింగ్​’ ఎవరు?

Sharath Chitturi HT Telugu
Mar 15, 2024 07:20 AM IST

Electoral bonds donors list : అత్యధిక ఎలక్టోరల్​ బాండ్లు కొన్న లాటరీ కింగ్​ ఎవరు? ఆయన కంపెనీ.. రాజకీయ పార్టీలకు ఎంత విరాళం ఇచ్చింది? ఇక్కడ తెలుసుకోండి..

అత్యధిక ఎలక్టోరల్​ బాండ్లు కొన్న శాంటియాగో మార్టిన్​ ఈయనే..
అత్యధిక ఎలక్టోరల్​ బాండ్లు కొన్న శాంటియాగో మార్టిన్​ ఈయనే..

Lottery King Santiago Martin : రాజకీయ విరాళాల కోసం ఎలక్టోరల్ బాండ్లను కొనుగోలు చేసిన సంస్థల జాబితాను ఎన్నికల సంఘం.. తన వెబ్​సైట్​లో పెట్టింది. ఎస్​బీఐ నుంచి వెలువడిన వివరాలను గురువారం ప్రకటించింది. ఇందులో.. "లాటరీ కింగ్​" పేరు టాప్​లో ఉండటం.. ఇప్పుడు సర్వత్రా చర్చకు దారితీసింది. అశలు ఎవరు ఈ శాంటియాగో మార్టిన్​? ఎలక్టోరల్​ బాండ్స్​ రూపంలో.. రాజకీయ పార్టీలకు ఆయన కంపెనీ ఎంత డొనేట్​ చేసింది? వంటి వివరాలను ఇక్కడ తెలుసుకుందాము..

ట్రెండింగ్ వార్తలు

శాంటియాగో మార్టిన్ ఎవరు?

అత్యధిక ఎలక్టోరల్​ బాండ్లు కొన్న శాంటియాగో మార్టిన్ చారిటబుల్ ట్రస్ట్ వెబ్​సైట్​ ప్రకారం.. ఆయన మయన్మార్​లోని యాంగూన్​లో సాధారణ కార్మికుడిగా తన వృత్తిని ప్రారంభించాడు. 1988లో ఇండియాకు తిరిగి వచ్చి.. తమిళనాడులో లాటరీ వ్యాపారం మొదలుపెట్టాడు. ఆ తర్వాత కర్ణాటక, కేరళలో వ్యాపారాన్ని విస్తరించి.. ఈశాన్య రాష్ట్రాలకు వెళ్లాడు.

ఈశాన్య రాష్ట్రాల్లో ప్రభుత్వ లాటరీ పథకాలను నిర్వహించడం ద్వారా తన వ్యాపారాన్ని విస్తరించుకున్నాడు శాంటియాగో మార్టిన్​. ఆ తర్వాత భూటాన్, నేపాల్​లలో సంస్థలను ప్రారంభించడం ద్వారా ఇతర వ్యాపారాల్లోకి అడుగుపెట్టాడు.

Santiago Martin electoral bonds : నిర్మాణం, రియల్ ఎస్టేట్, టెక్స్​టైల్​, హాస్పిటాలిటీ వంటి ఇతర వ్యాపారాల్లో లాటరీ కింగ్​ శాంటియాగో మార్టిన్​ బిజినెస్​ చేశాడని వెబ్​సైట్​ పేర్కొంది.

"అయను ఆల్ ఇండియా ఫెడరేషన్ ఆఫ్ లాటరీ ట్రేడ్ అండ్ అలైడ్ ఇండస్ట్రీస్​కి అధ్యక్షుడు. భారతదేశంలో లాటరీ వాణిజ్యానికి విశ్వసనీయతను పెంపొందించడానికి, వ్యాపారాన్ని పెంచడానికి కృషి చేశారు. ఆయన నాయకత్వంలో, సంస్థ, ఫ్యూచర్ గేమింగ్ సొల్యూషన్స్ ఇండియా ప్రైవేట్ లిమిటెడ్ ప్రతిష్ఠాత్మక వరల్డ్ లాటరీ అసోసియేషన్​లో సభ్యత్వం పొందింది. ఆన్​లైన్​ గేమింగ్ అండ్​ కాసినోస్, స్పోర్ట్స్ బెట్టింగ్ రంగంలోకి విస్తరిస్తోంది," అని వెబ్​సైట్​ పేర్కొంది.

ఫ్యూచర్ గేమింగ్ అండ్ హోటల్ సర్వీసెస్ ప్రైవేట్ లిమిటెడ్.. 2019-2024 మధ్య రూ.1368 కోట్లు విలువ చేసే ఎలక్టోరల్​ బాండ్లు కొని.. రాజకీయ పార్టీలకు విరాళంగా ఇచ్చింది.

కంపెనీపై ఈడీ దర్యాప్తు..

Future Gaming and Hotel Services Private Limited : పీఎంఎల్ఏ చట్టాన్ని ఉల్లంఘించారనే ఆరోపణలపై ఎన్​ఫోర్స్​మెంట్​ డైరెక్టరేట్.. 2019 నుంచి ఈ ఫ్యూచర్ గేమింగ్ అండ్ హోటల్ సర్వీసెస్ ప్రైవేట్ లిమిటెడ్​పై దర్యాప్తు చేస్తోంది. 2023 మేలో కోయంబత్తూరు, చెన్నైలో సోదాలు నిర్వహించింది.

ఈ కంపెనీ.. సిక్కిం ప్రభుత్వం నుంచి లాటరీలను కేరళలో విక్రయించిందని ఆరోపిస్తూ సెంట్రల్ బ్యూరో ఆఫ్ ఇన్వెస్టిగేషన్ ఛార్జిషీట్ చెబుతోంది.. సంబంధిత వర్గాలు హెచ్​టీ తెలిపారు.

2009 ఏప్రిల్ నుంచి 2010 ఆగస్టు వరకు ప్రైజ్ విన్నింగ్ టికెట్ల క్లెయిమ్ ను పెంచడం వల్ల మార్టిన్, ఆయన కంపెనీలు సిక్కింకు రూ.910 కోట్ల నష్టం కలిగించాయని ఈడీ ఆరోపించింది.

ఎస్​బీఐ జాబితాలోని ఇతర డోనర్లు..

మేఘా ఇంజనీరింగ్ అండ్ ఇన్ఫ్రాస్ట్రక్చర్ లిమిటెడ్.. రూ.966 కోట్లు విరాళంగా ఇచ్చింది. హైదరాబాద్​కు చెందిన ఈ సంస్థ ప్రస్తుతం పలు మౌలిక సదుపాయాల ప్రాజెక్టులపై పనిచేస్తోంది.

Electoral bonds Election commission : ఎన్నికల సంఘం అప్లోడ్ చేసిన సమాచారం ప్రకారం.. ఎలక్టోరల్ బాండ్ల కొనుగోలుదారుల్లో స్పైస్​ జెట్​, ఇండిగో, గ్రాసిమ్ ఇండస్ట్రీస్, మేఘా ఇంజనీరింగ్, పిరమల్ ఎంటర్ప్రైజెస్, టొరెంట్ పవర్, భారతీ ఎయిర్టెల్, డీఎల్ఎఫ్ కమర్షియల్ డెవలపర్స్, వేదాంత లిమిటెడ్, అపోలో టైర్స్, ఎడెల్వీస్, పీవీఆర్, కెవెంటర్, సులా వైన్స్, వెల్​స్పన్​, సన్ ఫార్మా, వర్ధమాన్ టెక్స్టైల్స్ ఉన్నాయి. జిందాల్ గ్రూప్, ఫిలిప్స్ కార్బన్ బ్లాక్ లిమిటెడ్, సియట్ టైర్లు, డాక్టర్ రెడ్డీస్ లేబొరేటరీస్, ఐటీసీ, కైపీ ఎంటర్ప్రైజెస్, సిప్లా, అల్ట్రాటెక్ సిమెంట్ కూడా ఉన్నాయి.

అయితే.. ఈ కంపెనీలు ఏ రాజకీయ పార్టీకి డొనేట్​ చేశాయి? అన్న వివరాలు డేటాలో లేవు.

IPL_Entry_Point

సంబంధిత కథనం