Vaccine for omicron : ఒమిక్రాన్ కోసం ప్రత్యేక వ్యాక్సిన్.. ఓకే చెప్పిన యూకే
Vaccine for omicron : ఒమిక్రాన్ కోసం ప్రత్యేక టీకా అందుబాటులోకి వచ్చింది. మోడెర్నా అప్డేటెడ్ వ్యాక్సిన్కు బ్రిటన్ అనుమతులిచ్చింది.
Vaccine for omicron : ప్రపంచాన్ని భయపెడుతున్న కొవిడ్ వేరియంట్ ఒమిక్రాన్పై 'టీకా' అస్త్రం ప్రయోగించాల్సిన సమయం వచ్చేసింది! ఒమిక్రాన్ను అడ్డుకునేందుకే ప్రత్యేకంగా రూపొందించిన ప్రత్యేక వ్యాక్సిన్కు అనుమతి ఇస్తున్నట్టు బ్రిటన్ సోమవారం ప్రకటించింది.
ట్రెండింగ్ వార్తలు
ఇప్పటికే కొవిడ్ కోసం అందుబాటులో ఉన్న మోడెర్నా టీకాకు ఇది అప్డేటెడ్ వెర్షన్. దీనితో కొవిడ్తో పాటు ఒమిక్రాన్ నుంచి కూడా రక్షణ పొందవచ్చు.
"అప్డేటెడ్ మోడెర్నా టీకా.. రెగ్యూలేటరీ ప్రమాణాలకు తగ్గట్టుగా ఉంది. ఇది పూర్తిగా సేఫ్ అని తెలిసిన తర్వాతే.. టీకాకు అనుమతి ఇచ్చాము. దీనిని బూస్టర్ డోసు కింద ఇవ్వొచ్చు," అని మెడిసిన్ అండ్ హెల్త్కేర్ ప్రాడక్ట్స్ రెగ్యూలేటరీ ఏజెన్స్ ఓ ప్రకటన చేసింది.
ఈ మోడెర్నా టీకా.. కొవిడ్తో పాటు ఒమిక్రాన్పైనా మెరుగ్గా పోరాడుతోందని ఎంహెచ్ఆర్ఏ చీఫ్ జూన్ రైనె వెల్లడించారు. కొవిడ్ వేరియంట్ల నుంచి రక్షణ పొందేందుకు ఇది ఉపయోగపడుతుందని ఆశాభావం వ్యక్తం చేశారు.
తాజాగా వచ్చిన అప్డేటెడ్ మోడెర్నా టీకా.. ఒమిక్రాన్ సబ్వేరియంట్లు బీఏ.4- బీఏ.5 నుంచి రక్షణను కల్పిస్తున్నాయని వైద్యులు వెల్లడించారు. ఆయా వేరియంట్లలో యూరోప్, అమెరికాలో కొత్త వేవ్లు పుట్టుకొస్తున్న సమయంలో తాజా వార్త ప్రజలకు ఉపశమనాన్ని కలిగిచింది.
కాగా.. ఒరిజినల్ మోడెర్నా టీకాతో పోల్చుకుంటే.. ఈ వ్యాక్సిన్లోనూ స్వల్పంగా సైడ్ ఎఫెక్ట్లు ఉన్నట్టు తెలుస్తోంది.
సంబంధిత కథనం