UGC NET 2024 : యూజీసీ నెట్​ 2024 పరీక్ష వాయిదా- కొత్త డేట్​ ఇదే..-ugc net 2024 exam postponed to be held on june 18 check details here ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Ugc Net 2024 : యూజీసీ నెట్​ 2024 పరీక్ష వాయిదా- కొత్త డేట్​ ఇదే..

UGC NET 2024 : యూజీసీ నెట్​ 2024 పరీక్ష వాయిదా- కొత్త డేట్​ ఇదే..

Sharath Chitturi HT Telugu
Apr 30, 2024 07:20 AM IST

UGC NET 2024 exam date : యూజీసీ నెట్​ 2024 పరీక్ష వాయిదా పడింది. కొత్త డేట్​తో పాటు ఇతర వివరాలను ఇక్కడ తెలుసుకోండి..

యూజీసీ నెట్​ పరీక్షను వాయిదా వేస్తున్నట్టు ప్రకటించిన ఛైర్మన్​ జగదీశ్​
యూజీసీ నెట్​ పరీక్షను వాయిదా వేస్తున్నట్టు ప్రకటించిన ఛైర్మన్​ జగదీశ్​

UGC NET 2024 postponed : యూజీసీ నెట్ 2024 పరీక్షలు వాయిదా పడ్డాయి. గతంలో చెప్పిన డేట్​ నుంచి రెండు రోజులకు వాయిదా పడ్డాయి. ఫలితంగా.. నేషనల్​ టెస్టింగ్​ ఏజెన్సీ ఎన్​టీఏ.. జూన్​ 16న నిర్వహించాల్సిన యూజీసీ నెట్​ 2024.. జూన్​ 18కి వాయిదా పడింది. ఈ విషయాన్ని యూజీసీ ఛైర్మన్ మామిడాల జగదీష్ కుమార్ తెలిపారు.

“అభ్యర్థుల ఫీడ్​బ్యాక్​ను పరిగణనలోకి తీసుకుని ఈ నిర్ణయం తీసుకున్నాము. దీనికి సంబంధించి అధికారిక నోటిఫికేషన్ కూడా వెలువడుతుంది,” అని మైక్రోబ్లాగింగ్ సైట్ ఎక్స్ (గతంలో ట్విట్టర్)లో యూజీసీ ఛైర్మన్ పోస్ట్​ చేశారు.

UGC NET 2024 exam date : "అభ్యర్థుల నుంచి వచ్చిన ఫీడ్ బ్యాక్ కారణంగా యూజీసీ నెట్ ను జూన్ 16 (ఆదివారం) నుంచి 18 జూన్ 2024 (మంగళవారం)కు మార్చాలని నేషనల్ టెస్టింగ్ ఏజెన్సీ, యూజీసీ నిర్ణయించాయి. ఎన్​టీఏ యూజీసీ-నెట్​ని భారతదేశం అంతటా ఒకే రోజు ఓఎంఆర్ విధానంలో నిర్వహిస్తుంది. త్వరలోనే ఎన్​టీఏ అధికారిక నోటిఫికేషన్ విడుదల చేయనుంది," అని యూజీసీ ఛైర్మన్​ చెప్పుకొచ్చారు.

యూజీసీ-నెట్ పరీక్షను ఓఎంఆర్ ఆధారిత విధానంలో మాత్రమే నిర్వహిస్తారు. లాంగ్వేజ్ పేపర్లు మినహా ప్రశ్నపత్రం మాధ్యమం ఇంగ్లిష్, హిందీలో ఉంటుందని.

UGC NET 2024 application form : ఈ పరీక్షలో రెండు పేపర్లు ఉంటాయి. ఈ రెండింటిలోనూ ఆబ్జెక్టివ్ టైప్, మల్టిపుల్ చాయిస్ ప్రశ్నలు ఉంటాయి. రెండు పేపర్ల మధ్య విరామం ఉండదు. ప్రతి పేపర్ పరీక్ష వ్యవధి 3 గంటలు.

ఇదీ చూడండి:- UGC news: నెట్ స్కోర్ తో పీహెచ్ డీ అడ్మిషన్లకు యూజీసీ అనుమతి

యూజీ డిగ్రీ తర్వాత పీహెచ్​డీ..!

నాలుగేళ్ల అండర్ గ్రాడ్యుయేట్ డిగ్రీ చదివిన విద్యార్థులు.. ఇకపై నేరుగా నెట్​కు హాజరై పీహెచ్​డీ చేయవచ్చు! ఈ విషయాన్ని యూనివర్సిటీ గ్రాంట్స్ కమిషన్ (యూజీసీ) చైర్మన్ జగదీశ్ కుమార్ ఇటీవలే వెల్లడించారు.

జూనియర్ రీసెర్చ్ ఫెలోషిప్ (జేఆర్ఎఫ్) ఉన్నా, లేకపోయినా పీహెచ్​డీ చేయాలంటే.. నాలుగేళ్ల అండర్ గ్రాడ్యుయేట్ కోర్సులో కనీసం 75 శాతం మార్కులు లేదా అందుకు సమానమైన గ్రేడ్లు ఉండాలని జగదీశ్​ స్పష్టం చేశారు.

UGC NET 2024 : ప్రస్తుత నిబంధనల ప్రకారం.. నేషనల్ ఎలిజిబులిటీ టెస్ట్ (నెట్)కు కనీసం 55 శాతం మార్కులతో మాస్టర్స్ డిగ్రీ ఉత్తీర్ణులై ఉండాలి.

యూజీసీ నిర్ణయం మేరకు ఎస్సీ, ఎస్టీ, ఓబీసీ (నాన్ క్రీమీలేయర్), దివ్యాంగులు, ఆర్థికంగా వెనుకబడిన వర్గాలు, ఇతర కేటగిరీల అభ్యర్థులకు 5 శాతం మార్కులు లేదా అందుకు సమాన గ్రేడ్ సడలింపు ఇవ్వొచ్చని తెలిపారు. పూర్తి వివారల కోసం ఇక్కడ క్లిక్​ చేయండి.

IPL_Entry_Point

సంబంధిత కథనం